Enpresak unilateralki aplikatu nahi duen EREaren aurkako seigarren lanuztea burutu den egunean, CAFeko langileak Donostiara eraman dituzte haien aldarrikapenak manifestazio jendetsu baten bitartez.
Manifestazioari Amaran eman diote hasiera eta Donostiako Kutxako egoitza nagusian CAFeko Enpresa Batzordearen idatzi bat entregatu dute. Bertan, Kutxabanki, CAFeko bigarren akziodun nagusi moduan, ERE bertan behera uzteko eskatu zaio.
Diputazioko arduradunekin ere elkartu da enpresa batzordea eta positibiotzat baloratu dute hurrengo astean bilera bat burutzeko konpromisoa hartu izana.
Datorren abenduaren 10ean, astelehena, zazpigarren mobilizazio eguna burutuko dute errelebo bakoitzak 4 orduko lanuztea eginez.
