2025-02-15
HomeLan Osasuna IdazkaritzaPrekarietatea Hiltzailea14 pertsona hil dira urtea hasi denetik Euskal Herrian, 6 Nafarroan

14 pertsona hil dira urtea hasi denetik Euskal Herrian, 6 Nafarroan

Atzo, hilak 11, lan istripu berri bat gertatu zen Funeseko Ultracongelados Vitro enpresan. Istripu honen ondorioz bi pertsona hil dira. Bi langile hauek plataforma jasotzaile baten gainean ari ziren montaia lanetan. Plataforma hau irauli egin da eta langileen heriotza eragin du. Bertan zeuden pertsonen arabera langileak 50 metroko alturan zeuden. LAB sindikatuak eta ELA eta beste sindikatuekin batera elkarretaratzea egingo dugu gaur, maiatzak 12, 12.30etan Iruñeako Lan Delegaritzaren aurrean.

Developp enpresako langileak ziren, Dematic konstruktorak subkontratatuak. Azken hau silo automatiko bateko obran ari zen lanean Ultracongelados Vitro enpresarentzat, erriberan daukan lan zentro batean.

Lehenik eta behin, elkartasuna eta sostengua adierazi nahi diegu senide zein lankideei. Horrez gain salatu nahi dugu subkontratazioa eta prekarietatea izan direla gertaera tamalgarri honen eragile. Ezagunak dira enpresa hauetan izaten dituzten lan baldintzak, gehiegizko erritmoak, jornada luzeak lanak ahalik eta azkarren amaitzeko, gainbegiratu gabeko lanak ez subkotrataren partetik ezta enpresa nagusiaren partetik ere, segurtasun neurri eza —kolektibo zein indibidualak—…

Nafarroako alderdien (UPN, PP, PSN) hipokrisia ere agerian utzi eta salatu nahi du LABek. Hauteskunde kanpaina parentesi artean jartzen dute itxurak egiteko, baina orain arte geldirik egon dira gertatzen ziren lan istripuen aurrean. Antzespen hutsa da. Langileentzat desgrazia besterik eta dakarren eta patronalari aberastasun gehiago izateko bide ematen dien enplegu politiken aldaketa bat exigitzen du LABek.
 

 

 

AZKEN ALBISTEAK | ÚLTIMAS NOTICIAS

LABek mobilizazioak egin ditu zazpi ospitaletan Osakidetzako kontratazio-zerrendak eguneratzea eskatzeko

Sindikatuak mobilizazioak egin ditu Galdakao, Urduliz, Gurutzeta, Basurto, Donostia, Txagorritxu eta Santiagoko ospitaleetan salatzeko Osakidetzako zuzendaritzak urtebete baino gehiago daramala aldi baterako kontratazio-zerrendak eguneratu gabe, egungo kontratazio-protokoloa bete gabe.

ENVISER-eko langileen mobilizazioak Gasteizko Udaleko lorezainentzako hitzarmen propioaren alde

ENVISER-eko langileek mobilizazio-dinamika bati hasiera eman zioten atzo, Gasteizko Udalaren azpikontratako lorezainentzat hitzarmen propioa aldarrikatzearen alde.

LABek ez du onartzen Ertzaintzak indarkeria matxistaren inguruko formakuntza ematea Lurraldebus-en

Gipuzkoako Mugikortasun Diputatuak Ertzaintzak Lurraldebuseko gidariak indarkeria matxistaren inguruan formakuntza emango diela iragartzearen inguruan honakoa adierazi eta salatu nahi du LABek.