2024-05-24
HomeZerbitzu PublikoakGarraioa10.000 aparteko ordu Bilbobusen, enpresaren erabilera iruzurtia eta Bilboko Udalaren eskuhartze falta

10.000 aparteko ordu Bilbobusen, enpresaren erabilera iruzurtia eta Bilboko Udalaren eskuhartze falta


LABek Autobuses Urbanos de Bilbao (BILBOBUS) enpresaren TC2ei buruz egin duen azken ikerketan, 10.000 ordu estra baino gehiago egin direla antzeman du. Hauetako gehienak behin-behineko langileek bete dituzte. Aipatu langileak lanaldiaren zati bat bete dezaten kontratatzen baditu ere, gero ordutegia luzatzen diete, aparteko orduak betetzera behartuz. Enpresak zerbitzuan dauden premiak ezagutu arren eta kontratuak lanaldiaren portzentaia handiago batez lotu baditzake ere, ez du egiten, eta aldez aurretik ezagutzen duen zerbitzua betetzeko behar beste aparteko ordu egitera behartzen ditu.

10.000 aparteko orduez gain, enpresak aparteko ordu gehiago betetzera betetzen ditu langileak. Kopurua ezin dezakegu zehaztasunez koka, ez dituelako kontzeptu horrekin ordaintzen. Horrela jokatuz, Bilboko Udal Autobusak aipatu orduen kotizazioa aurrezten du, horrek dakarren guztiarekin. Horrela ez dio ekarpenik egiten Gizarte Segurantzaren kutxa komunari eta bilbotar guztien poltsikoetatik ateratzen den diruarekin geratzen da.

Ohar honen bidez LABek egoera hau salatzen du eta Udalari eskatzen dio diru publikoa gehiago kontrola dezala, diru publikoa jasotzen duten kontraten kontrol zorrotzagoa eginez.

Bilboko Udalari eskatzen diogu Bilboko Udal Autobus elkartea aparteko orduekin amaitzera behar dezala, TCetan onartutakoak nahiz haietan adierazten direnak. Xede horrekin, Udalak ziurtatu egin behar du Bilboko Udal Autobusek handitu egingo dutela lanaldiaren portzentajea behin-behineko kontratuetan, eta horrek honakoa ahalbidetuko du:

• Bilbobuseko behin-behineko langileen lan baldintzak hobetuko direla.

• Enpresak egiten duen iruzurrarekin amaituko dela.

• Kutxa komunari egiten zaion ekarpena eta behin-behineko langileen kotizazioa handituko direla.

• Ziurtatu behar da diru-publikoa esleitzen dela esleitu beharreko denera, eta ez dadila Alsa moduko multinazionalen poltsikora joan, hura baita Bilbobus zerbitzua ustiatzen duen elkartearen arduradun nagusia.

 

 

AZKEN ALBISTEAK | ĂšLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.