2024-09-20
HomeNazioartea IdazkaritzaElkartasunaSATek Jaenen lursail bat okupatu du Andrés Bódaloren askatasuna eskatzeko

SATek Jaenen lursail bat okupatu du Andrés Bódaloren askatasuna eskatzeko

SATeko 200 jornalari inguruk “El aguardientero” izeneko kortijoaren lursail bat okupatu dute, SAT-eko militantea den Andrés Bódaloren askatasuna exijitzeko, Jaeneko kartzelan dagoena hiru urtetako kartzela zigorra betetzen dagoena.

Konkretuki Sindicato Andaluz de Trabajadores/as-ek BBVA-rena zen lursail bat okupatu du, espekulaziorako erabiltzen zen lursaila bat, urtean mila lanpostu sortu zitzakeen lursail bat hain zuzen ere, eta gaur egunean inolako produktibitaterik ematen ari ez dena. 

Euskal Herriko LAB sindikatutik Andaluziako SAT-eko gure lagunei gure elkartasun osoa helarazi nahi diegu justizia sozialaren printzipioen gainean eraikitako Andaluzia aske baten aldeko borroka justu honetan. 

Gaurko egunean, Andaluzia bezalako nazio batean, langabezia tasa izugarri altuak dituena, eta desberdintasun sozial ikaragarriak dituena, lurraren okupazioa bezalako borroka desobedienteak ez da legitimoa bakarrik, beharrezkoa baizik. 

Lurra berau lantzen duenarentzat izan behar duela dioen leloa gurea egiten dugu, eta kasu honetan lurra lantzen dutenak Andaluziako nekazariak dira eta ez bankuak eta ez gizartearen zati handi bat langabezian dagoen bitartean lurrarekin espekulatzen dutenak. 

Bukatzen joateko, ezin dugu idatzi hau bukatu Andrés Bódaloren askatasuna exijitu gabe. Andaluziako nekazarien eta orokorrean langile klase guztiaren eskubideen aldeko borrokalari nekaezin hau, justiziaren eta Andaluziako langile klasearentzako etorkizun duin baten alde borrokatzeagatik dagoelako kartzelan.

Sindikalgintzaren aurkako errepresio gehiagorik ez! 
Andrés Bódalo Askatu!
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.