2024-09-20
HomeNazioartea IdazkaritzaElkartasunaElkartasun osoa adierazi nahi diogu Venezuelako Herriari

Elkartasun osoa adierazi nahi diogu Venezuelako Herriari

LAB sindikatutik gure elkartasun osoa bidali nahi diogu Venezuelako langile klaseari eta orokorrean Venezuelako herriari bizi duten egoera zail honetan. Era berean Venezuelako Iraultza Bolibariarra suntsitzeko inperialismoak abian jarri duen estrategia gaitzetsi eta salatu nahi dugu.

Ez da gauza berria Venezuelako Iraultza Bolibariarra inperialismoaren jomugan dagoela. Hainbat eta hainbat izan dira Venezuelako iraultza indargabetu eta suntsitzeko egindako saiakerak; bertzeak bertze 2002an Hugo Chavezen aurka eginiko estatu kolpea, herriaren mobilizazioak bertan behera utzi zuena.

Indarkeriaz betetako gerra ekonomiko eta mediatiko baten aurrean gaude, dena inperialismoaren adar guztiak ongi koordinatutako estrategia bati erantzuten. Elite ekonomikoek gerra ekonomikoa egiten diote gobernuari ekonomia kolapsatzeko helburuarekin, bitartean Estatu Batuen laguntzaz eskuin kolpistak biolentziaz erasotzen ditu kaleak eta azkenik inperialismoaren zerbitzura dauden komunikabide nagusi guztiek errealitate guztia desitxuratzen dute gobernua eginez egoeraren errudun.

LABek argi du egoera honen guztiaren atzean Iraultza Bolibariarra suntsitzeko helburu garbi bat dagoela. Inperioarentzat onartezina da langile klasearen eta herri xumearen zerbitzura dagoen Iraultza bat egotea, eta aurreko egoerara itzuli nahi dute; hau da, elite baten eta Estatu Batuen interesen zerbitzura dagoen eredu ekonomiko batera betikoek irabazten dutelarik langile klasearen miseriaren kontura.

Horregatik gure ikuspegi internazionalista berretsiz, eta langile klasearen interesen defentsaren aldeko hautu garbia eginez, gure elkartasuna adierazten diogu Venezuelako Iraultza Bolibariarrari eta Venezuelako herriari. Gguzti honekin batera aprilaren 22an Donostiako Alderdi Ederren arratsaldeko 7etan eginen den mobilizazioa babestu eta bertan parte hartzeko deia luzatzen dugu.

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.