2024-09-19
HomeIrakaskuntzaHaur EskolakHaur Hezkuntzako lehen zikloa 0tik 3 urte artekoa izateko, Haurreskoletako familien sinadura...

Haur Hezkuntzako lehen zikloa 0tik 3 urte artekoa izateko, Haurreskoletako familien sinadura bilketa erregistratu dugu Gasteizen

Sinadurak urriaren 22an Eusko Legebiltzarrean burutuko duten Hezkuntza Akordioaren monografikoaren atarietan aurkeztu nahi izan ditugu, talde parlamentarioek honen isla izan dezaten.

Eusko Jaurlaritzak Hezkuntza akordioaren baitan Haur Hezkuntzako lehen ziklorako aurkeztutakoa kezkaz hartu genuen; Haur Hezkuntzako 0-3 zikloaren inguruan nazioartean adostutako kanonak baztertu eta modernizazioaren izenean, 2 urteko haurrak Haur Hezkuntzako bigarren zikloan sartzeko proposamena egiten zuten. Hau dela eta, Hezkuntza Saila modernitatearen errealitate birtualean murgilduta dagoela frogatzeko, iazko ikasturte bukaeran, familiak euren 2 urteko haurrak Haurreskolak Partzuergoan geratzeko nahia aldarrikatzen zuten ehundaka izen emate jaso genituen.

0-3 adin tarteko haurren garapena, beharrak… aintzat hartuta, 2 urteko haurrak Haur Hezkuntzako 2. zikloan txertatzea egokiena da? Edo bestelako beharrei erantzuten die. Geroz eta ratio eta ikastetxe handiagoak izatera garamatza. Egoera honek ikasle zein tokian tokiko errealitateen aurrean erantzun egokiagoak ematea oztopatzen du, testu honek jasotzen duen filosofiarekin, kontraesan handia dagoela agerian gelditzen da.

Erabaki hau norekin hartu da? Haurtzaroan adituak diren Euskal Herriko zein eragileekin kontrastatutako erabakia da? Zer ondorio izango ditu langileengan? Familiengan? Eta garrantzitsuena, haurrengan?

Modernizazioa termino positibo gisa jasotzen da testuan, baina helburu eta arrazoitze bati erantzuten ez badio ezer ez esatea bezala da.

Egun Haurreskolak Partzuergoan kokatuta dagoen Hezkuntza saileko Haur hezkuntzako lehenengo zikloak euskalduna, unibertsala, doakoa eta kalitatekoa izan behar du, eta kalitatekoa izan behar dela esaten dugunean, haurren ratioaz, haurren garapen kognitiboaz, psikomotoreaz, haurren ongizatea,…kontuan hartuko duen eta berebiziko garrantzia duen zikloaren aitortzaren inguruan hitz egiten ari gara. Hezkuntza jendartearen tresna eraldatzaile bezala hitz egiten ari gara. Pertsona eta kasu honetan haurra erdigunean kokatuz.

Beraz, LAB sindikatutik hau guztia kontutan hartzea eskatzen dugu, 2 urteko gelak Haur Hezkuntzako lehenengo zikloan barnebiltzea, alegia.

 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.