2024-09-21
HomeNazioartea IdazkaritzaElkartasunaAndaluziako herriaren burujabetzaren eta askatasunaren aldeko konpromisoa berresten dugu

Andaluziako herriaren burujabetzaren eta askatasunaren aldeko konpromisoa berresten dugu

Gaur, abenduak 4, Andaluziako Egun Nazionala da, Andaluziako Autonomiaren alde 1977ko abenduaren 4ko manifestazioetako gertakizunak gogoan izateko.

Egun horretan 2 milioi andaluziar inguru Autonomiaren alde kalera irten ziren Andaluzian. Hortaz gain, manifestazio horietan 1868an Cadizeko herria errepublika federal bat aldarrikatzeko armen bidez altxatu izana ere gogoratzen zen. Gauza hauek guztiaz gain, autonomiaren aldeko Malagako manifestazioan poliziak erahildako Manuel Jose García Caparrosen memoria ere gogoratzen da.

Andaluziako egun nazional hau berriki egondako Andaluziako hauteskundeek utzitako testuinguru berezian ematen da. Vox-en eta ultra-eskuin erreakzionarioenaren agerpenak eta eskuinak parlamentuan lorturiko gehiengoak alarma guztiak piztu ditu.

40 urtetako PSOEren erregimenak Andaluzia bere txiringito bat balitz bezala gobernatu du, eta oraindik jendeak bere buruari hau nola gertatu den galdetzen dio. Gure buruari gadetu beharko geniokena da, ia nola PSOE neo-liberal, kazikila eta korrupzioan nahasita dagoena nola batzuen aldetik eskuinarekiko alternatiba batetako bidelagun bezala ikusten duten gaur egun.

Eskuinarekiko eta PSOE barnebiltzen duen erregimen honen aurka indarrak batzeko momentua da, azken finean mugimendu hauekin eskuinak 78ko erregimena nola edo hala eutsi nahi baitu. Eskuinak eta Estatuak argi daukate; eremu guztietan Estatuak daukan krisiaren aurrean, Franco diktadorearen heriotzaren ondoren adostutako erregimena mantentzea kosta ala kosta, Franco gabeko frankismoa eutsi behar da.

Horregatik ezker mugimenduak bere agenda ere eduki behar du, eta bereziki ezker nazionalok gure nazioetan agenda propioa behar dugu. Gure iritziz, estrategia aldaketa politiko sozialerako prozesu eratzaileak martxan jartzea izan behar da, autodeterminazio eskubidea bermatuko dutenak, horrela 78ko erregimena desgastatzeko, bere horretan mantendu nahi duten erregimena, hain zuzen ere.

Bukatzeko Andaluziako herriaren burujabetzaren eta askatasunaren aldeko gure konpromisoan berresten gara, eta Andaluziako SAT sindikatuari gure babes osoa helarazten diogu; LAB sindikatuan eta Euskal Herrian beti izanen duzute askatasunaren bidean bidelagun bat.

 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.