2024-09-20
HomeNazioartea IdazkaritzaElkartasunaLAB VICen izan da COS sindikatuari eta Carnies en Lluita plataformari babesa...

LAB VICen izan da COS sindikatuari eta Carnies en Lluita plataformari babesa ematen

Irailaren 25ean LAB sindikatuko ordezkaritza bat VICen izan zen Carnies en Lluita plataformak antolaturiko borroka egunean, industria haragietan lan baldintzen alde borrokan dihardutenei babesa eta elkartasuna helarazten.


Irailaren 25ean LAB sindikatuko ordezkaritza bat VICen izan zen Carnies en Lluita plataformak antolaturiko borroka egunean, industria haragietan lan baldintzen alde borrokan dihardutenei babesa eta elkartasuna helarazten. 

Martxoa ezkeroztik Vic-eko Esfosa enpresan batez ere baino haragi industrietan orokorrean gatazka bat pizturik dago. Gatazka Esfosan lan baldintza duinen alde hasi zuten borroka batek piztu zuen. Lehenengo greba egunean enpresak piketean zegoen langile etorkiin bati irain arrazistak egin zizkion eta greba ondoren enpresak mendeku bezala langileen ordezkaritza duen COS sindikatuko kideak 6 hilabete soldata eta lanik gabe zigortu zituen. Hala ere mehatxu eta zigorrak ez ziren hor gelditu enpresak Erregulazio espediente bat sartu zuelako lanez gainezka daudenean eta mehatxu bidez Komitea paretik kentzen saiatu zelako Oraingoz saiakaera guztiak antzuak izan dira.

Hori dela eta atzoko egunarekin borroka egun bat deitu zuten, lan baldintza duinen alde eta askatasun sindikalaren alde egiten ari diren borroka gizarteratzeko helburuarekin. Hortarako egun osoko egitarau bat prestatu zuten, poesia errezitaldia goizean, bazkari herrikoi bat eguerdian, Herrialde Katalanetako musika bazkalondoan eta arratsaldean ekitaldi sindikala.

Ekitaldi sindikal horretan bertzeak bertze Montse Castañe-k (COS sindikatuko ordezkaria Esfosan), Toni Iborra-k (Carnies en Lluitako abokatuak), Oriol Pintos (CUPeko kidea), eta CGT, LAB eta COS sindikatuetako ordezkariek hartu zuten parte.

Interbentzio guztiak askatasun sindikalaren eta lan baldintza duinen aldarrikapenaren norabidean joan ziren Esfosako borrokaren duintasuna azpimarratzen zen bezala. Sindikalgintza borrokalariak jasaten duen errepresioa ere salatu zen eta espetxean dauden Rafa Diez eta Andres Bódalo ere gogoan izan ziren.

Ekitaldi sindikala Telefonikako borrokan egondako langile baten, eta irakaskuntzako lan gatazken berri eman zuen pertsona baten interbentzioekin bukatu zen.

Ondoren eguna bukatzeko kontzertuak eta musika ezberdina egon zen.

Oro har balorazio positiboa egin zuten parte hartzaileek 100 bat pertsona inguru hurbildu baitziren Vic-era ekimen honetan parte hartzera. Borroka hau indarra hartzen ari da eta haragi industrietan lan baldintzen aldeko borroka honek aurrera jarraituko du etorkizunean ere. Atzoko egunak hauspoa eman zioen borroka honi dudarik gabe.

 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.