2024-09-18
HomeLAB Sindikatua9. Biltzar NagusiaSolasaldi ziklo bati ekingo diogu, datozen urteetan sindikatuaren ardatz izango diren gaiekin

Solasaldi ziklo bati ekingo diogu, datozen urteetan sindikatuaren ardatz izango diren gaiekin

Otsailaren 16an hasi eta maiatzaren 24era arte askotariko gaiak landuko ditu LABek, guztiak datozen urteetako sindikatuaren lerroan zentralitatea izango dutenak: Euskal Herriaren egoera sozioekonomikoa, sindikalgintzaren erronkak, sindikalgintzaren ekarpena borroka sozialei, feminismoa sindikalgintzan, ekintza sindikal berria, Euskal Herrian mugaren alde bateko eta besteko harremanak eta sindikalgintza nazioartean, besteak beste.

2017ko maiatzaren 25 eta 26an, LABek 9. Biltzar Nagusia gauzatuko du “LAB 4.0 Gure Garaia” lelopean. Biltzar Nagusian eztabaidagai izango ditugun bi ponentziak urtarrilaren 19an aurkeztu genituen hedabideen aurrean. Egun horretan hasiera eman genion prozesu kongresualari, eta, geroztik, eskualdez eskualde martxan dira aurkezpen eta eztabaida batzarrak.

Ponentzia politiko-sindikalean zein antolakuntza ponentzian jasotzen dira datozen bost urteetan LAB sindikatuaren ildo sindikala markatuko duten erronka eta erabaki nagusiak zeintzuk izango diren.

Eztabaidagai nagusi horietan sakondu eta gogoeta prozesua aberasteko asmoz, LAB sindikatuak eta Ipar Hegoa Fundazioak elkarlanean antolaturiko SOLASALDI ZIKLOA aurkezten dizuegu orain. Otsailaren 16an hasi eta maiatzaren 24era arte askotariko gaiak dira, guztiak, esan bezala, datozen urteetako sindikatuaren lerroan zentralitatea izango dutenak: Euskal Herriaren egoera sozioekonomikoa, sindikalgintzaren erronkak, sindikalgintzaren ekarpena borroka sozialei, feminismoa sindikalgintzan, ekintza sindikal berria, Euskal Herrian mugaren alde bateko eta besteko harremanak eta sindikalgintza nazioartean, besteak beste.

Lehen solasaldia otsailaren 16an izango da, Andoaingo Martin Ugalde parkean. Gaindegiarekin elkarlanean antolatutako solasaldia da, LABeko Garbiñe Aranburu eta Gaindegiako Imanol Esnaolaren eskutik (ikus informazioa gehiago, beheko parrafoan).

Solasaldien artean nabarmentzekoa da ere, martxoaren 23an, Bilboko HIKA ATENEOAN Ainhoa Etxaiderekin egingo dena. Azken 10 urteek Euskal Herrian, sozialki euskal jendartean, lan munduan, harreman sindikaletan eta politikoki emandakoaren errepasoa egingo du LABeko idazkari nagusiak.

Solasaldi guztiak publikoari irekiak dira. Egutegia atxikita dago albistearen irudian.

‘DesHerria: hausturak eta etenak Euskal Herrian’

Aipatutako lehen solasaldiari dagokionez, Ipar Hegoa Fundazioak Gaindegiarekin batera ‘DesHerria: hausturak eta etenak Euskal Herrian’ azterlana argitaratu du. Euskal Herria zatikatu bat aurkezten digu azterlan honek, eta eremu eta eskualde ezberdinetan ematen diren desberdintasun sozio-ekonomikoak agerian uzten dizkigu. Esan bezala, lanaren aurkezpena datorren otsailaren 16ean, osteguna, Andoaingo Martin Ugalden izango da. Hizlariek azterketak utzitako ondorio nagusiak azalduko dituzte, eta errealitate horien aurrean LAB sindikatuak hartu beharreko erabaki eta konpromisoak ezagutaraziko ditu Garbiñe Aranburuk. Kasu honetan, gomendagarria da asistentzia baieztatzea fundazioa@iparhegoa.eus helbidean. Era berean, azterketa PDF formatoan deskargatzeko aukera dago Ipar Hegoa Fundazioaren webgunean.

 

SOLASALDIEN DATA ETA LEKUAK

DES-HERRIA: Hausturak eta etenak Euskal Herrian (Euskara)
OTSAILAK 16, 10:00etan Martin Ugalde. ANDOAIN
Garbiñe Aranburu eta Imanol Esnaola (Gaindegia)

BURUJABETZA GARAIA. Retos del sindicalismo: proceso soberanista y cambio social (euskara-castellano)
OTSAILAK 21, 18:00etan Katakrak. IRUÑEA
Garbiñe Aranburu eta Igor Arroyo

BURUJABETZA GARAIA. Retos del sindicalismo: proceso soberanista y cambio social (euskara-castellano)
OTSAILAK 23, 18:00etan Egiako Kultur Etxea. DONOSTIA
Garbiñe Aranburu eta Igor Arroyo

ALDAKETA SOZIALAREN GARAIA. El sindicalismo en las luchas sociales (euskara-castellano)
MARTXOAK 1, 18:00etan La Bolsa. BILBO
Bea Martxueta eta Igor Arroyo

ALDAKETA SOZIALAREN GARAIA. El sindicalismo en las luchas sociales (euskara-castellano)
MARTXOAK 2, 18:00etan Oihaneder Kultur Etxea. GASTEIZ
Bea Martxueta eta Igor Arroyo

ALDAKETA SOZIALAREN GARAIA. El sindicalismo en las luchas sociales (euskara-castellano)
MARTXOAK 15, 18:00etan Katakrak. IRUÑEA
Bea Martxueta eta Imanol Karrera

FEMINSMOAREN GARAIA. Sindikalgintzatik urrats feminista (euskara-castellano)
MARTXOAK 8, 10:00etan Villasuso. GASTEIZ
Ainhoa Etxaide, Garbiñe Aranburu, Eli Etxebarria eta Maite Barreña

SINDIKALGINTZAREN GARAIA. Ekintza sindikal berrirantz (euskara-castellano)
MARTXOAK 16, 18:00etan Plateruenea Kafe Antzokia. DURANGO
Garbiñe Aranburu eta Xabier Ugartemendia

SINDIKALGINTZAREN GARAIA. Ekintza sindikal berrirantz (euskara-castellano)
MARTXOAK 21, 18:30ean Kultur Etxea. TOLOSA
Garbiñe Aranburu eta Xabier Ugartemendia

LURRALDE BATASUNAREN GARAIA. Sindikalgintza mugaz gaindi (euskara)
APIRILAK 21, 10:00etan Autoport Gelan, Joncaux-N. HENDAIA
Izaskun Garcia eta Igor Arroyo

HAMARKADA BAT, SINDIKALGINTZATIK (euskara-castellano)
MARTXOAK 23, 18:30ean Hika Ateneo. BILBO
Ainhoa Etxaide

HERRIEN GARAIA. Una mirada sindical internacional (euskara-castellano-english)
MAIATZAK 24, 10:00etan Europa Jauregia. GASTEIZ
 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.