LAB SINDIKATUA

2018/10/17 :: 16:24

Azken Eguneraketa:2018/10/20 :: 12:48

HIZKUNTZA
Hemen zaude:

Irakaskuntza

Hezkuntza legearen ezezko jarrera azaldu dugu EAEko Parlamentuko hezkuntza batzordeko agerraldian

Gure ustez, EAEk hezkuntza lege berria behar du. Horretan ados bagaude ere, lege berria hezkuntza komunitatearen babesarekin egin behar da, eta gaur gaurkoz, gurasoak, ikasleak eta langileak kontra gaude. Beraz, markatu den abiapuntuak oinarri eskasa du. Gainera, egungo markoan planteatua dago, inongo jauzirik egin gabe eta Espainiako legedian txertatzeko pentsatua dago. Aldiz, guk herri gisa ditugun erronka sozial eta nazionalei erantzuteko lege burujabearen aldeko hautua egiten dugu, inolako injerentziarik gabe, guk gurea propioki eraikiz eta hezkuntza eskumen guztiak gureganatuz. Autogobernu lan taldean onartutakoa praktikan jarriz eta hezkuntza eskumen guztiak gureganatuz, lege propioa eraikitzeko.

Gizarte ekimeneko ikastetxeetako bostgarren greba egunak ere langileen gehiengo zabal baten babesa jaso du


Atzo gertatu moduan, gaur ere, sektoreko bostgarren greba egunak izan duen babesa oso zabala izan da, atzokoaren parekoa %65etik gorako jarraipenarekin. Atzoko Bilboko manifestazioan ia 6.000 langilek hartu zuten parte, eta gaurkoan hiru lurraldetan izan direnak ere oso jendetsuak izan dira, hirurak batuta oso antzeko parte hartzea erakusten dutelarik.

Itundutako Gizarte Ekimeneko ikastetxeetako grebak %65eko jarraipena baino gehiago izan du


Patronalek sektoreko aldarrikapenei erantzun ezean, mobilizazioak indartu beste biderik ez digute utziko azaroari begira. Hala ohartarazi dugu LAB, ELA, STEILAS, CCOO eta UGT sindikatuok.

[IRITZIA] "Ikasleen eskubideak bermatzea ez da diru-xahutzea"

Maite Urtiagak eta Jon Lejarretak, UPV/EHUko LAB-en sail sindikalaren izenean, hezkuntza-beharrizan bereziak dituzten ikasleen egoerari buruz idatzi dute iritzi artikulu honetan.

Cristina Uriarte buru duen Hezkuntza Sailaren jarrera maltzurra gogor salatzen dugu, eta sinatutako akordioak berehala betetzea exijitzen diogu


LABek joan den udaberrian Heziketa Berezian, Sukalde eta Garbitzaileetan, Haurreskolak Partzuergoan eta Irakasleen kolektiboan erdietsitako akordioak bete ditzala exijitzen dio Eusko Jaurlaritzako Hezkuntza Sailari. Hori eskatuz, idatzia erregistratu du gaur LABek Lakuan. Kolektibo hauetan langileon borrokari esker lortutako aldarrikapen asko betetzen ari badira ere, guretzat berebiziko garrantzia duten hainbat puntu ez ditu bete. LABentzat marra gorriak eta lehentasunezko aldarrikapen izan zirenak aplikatzeko borondaterik ez du erakutsi gaur arte. Eta ez dugu inolako aitzakiarik onartuko, hilabeteetako epea eduki baitu akordioaren puntu guztien aplikazioa planifikatzeko.

Gogor salatu nahi dugu Zubiak Eraikiz plataformak garatutako Herri Ekimen Legegileari EAJk eta PSEk legebiltzarrean emandako ezetza

EAJ eta PSE alderdiek Zubiak eraikiz plataformak eskola segregazioaren arazoari irtenbidea bilatu nahian garatutako Herri Ekimen Legegilea (HEL) lehenengo urratsean baztertzea adostu dute.

EAEko gizarte ekimeneko ikastetxeetan deitutako greba erregistratu dugu


EAEko gizarte ekimeneko ikastetxeetan greba egingo dugu urriaren 9 eta 10ean, LAB, ELA, STEILAS, CCOO eta UGT sindikatuok deituta, eta gaur egin dugu lanuzte horien erregistroa, Bilbon. Hitzarmen berri baten alde ari gara borrokatzen, joan den astean egindako agerraldian nabarmendu bezala.

Bi urteko haurren autobus zerbitzua berreskuratzea exijitzen diogu Eusko Jaurlaritzari

LAB irakaskuntzak Eusko Jaurlaritzari exijitu nahi dio 2 urteko haurren eskola garraioko zerbitzuan berriki aplikatu dituen murrizketak berehala bertan behera uztea. 2 urteko haurren gehiengoa eskolarizatua egonik, Jaurlaritzari dagokio ume guztiei eskola garraioa bermatzeko betebeharra. Erabaki honekin Lakuako gobernuak hezkuntza eskubidea kolokan jartzeaz gain, lana egiten duten familien kontziliaketa zaildu egiten du, lana eta familia uztartzea ezinezkoa bilakatuz kasu askotan.

EAEko gizarte ekimeneko ikastetxeetako langileek protesta egin dute Urduñan


Kristau Eskolako ikasturte hasierako ekitaldian, benetako negoziazioa eta lan hitzarmen berri bat exijitu dute EAEko gizarte ekimeneko ikastetxeetako langileek. Urriaren 9 eta 10ean egingo duten grebaren atarian egin dute gaurko protesta.

EAEko gizarte ekimeneko ikastetxeetan greba egingo dugu urriaren 9 eta 10ean


Gizarte-ekimeneko ikastetxeetako patronalak erabat geldirik daudenez, ikasturte honetarako jadanik aurreikusitako greba eta mobilizazioekin jarraitu beste biderik ez digute utzi. Hala adierazi dugu gaur egindako agerraldian LAB, ELA, STEILAS, CCOO eta UGT sindikatuok.

Doakotasuna berehala gauzatzea eskatzen dugu Haurreskoletan, urtean 18.000 eurotik beherako diru-sarrerak dituztenentzat

Bihar, irailaren 13an, Gasteizko Legebiltzarrean 2018-2022rako Familiei Laguntza emateko Erakundeen arteko IV. Plana aurkezteko, Enplegu, Gizarte politika eta Gazteria batzordea batuko da. Urte hasieran, Eusko Jaurlaritzak, Foru Aldundiek eta EUDELek konpromisoa hartu zuten familiaren eta haurren aldeko politika publikoak garatzeko, Familien eta Haurren aldeko Ituna sinatuz.

Page 1 of 23

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.