2024-09-21
HomeZerbitzu PublikoakOsasungintzaOsakidetzako beste zazpi kategoriatan jarri dugu salaketa

Osakidetzako beste zazpi kategoriatan jarri dugu salaketa

Iragarri bezala, LABek salaketa zabaldu du EAEko Fiskaltza Nagusian Osakidetzako EPEan egondako irregulartasunen inguruan. Beste zazpi kategorietara zabaldu dugu salaketa.

Hauek dira zazpi kategoria horiek: kirugia orokorra, otorrino, laneko medikuntza, urologia, neurokirugia, patologia anatomia eta traumatologia.

LABeko ordezkariek adierazpenak egin dituzte Fiskaltza Nagusiaren aurrean, Bilbon, salaketa berriei buruzko zehetasunak emateko: "Informazio guztia ekartzen ari gara ikerketa sakon bat egin dezaten eta Fiskaltzak ondorioak atera ditzan. Gure asmoa dena argitzea da; dauden ardurak argitzea, alegia".

LABeko kideen hitzetan, "emaitza arraroak ikusi ditugu zazpi espezialitate hauetan ere, baita aipatzeko gauza gehiago ere; azterketa egin duen jendea eta emaitzen arteko lotura, kasu".

 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.