2024-09-20
HomeZerbitzu PublikoakOsasungintzaMugicak egindako Osakidetzako EPEaren irregulartasunen gaineko adierazpenak adar jotzea baino ez dira

Mugicak egindako Osakidetzako EPEaren irregulartasunen gaineko adierazpenak adar jotzea baino ez dira

Atzoko agerraldian Osakidetzako Zuzendari Nagusiak egindako adierazpenak guztiz arduragabeak direla deritzogu. Bertan emandako argumentuak adarjotze hutsa dira eta edozein pertsonaren inteligentziari iraina.

Gure ustez, momentuz soilik hiru kategoriatan azterketak errepikatzea guztiz ez nahikoa da, batez ere, kontuan hartzen badugu LABek 12 kategoria salatu dituela fiskaltzaren aurrean eta gutxi barru beste 7 gehituko ditugula.

Bestaldetik, esan dute ez dutela antzeman filtrazioen arrastorik eta azterketak errepikatu dituztela forma akatsak egon direlako zuzentzeko irizpideekin. Hau onartezina da. Daukagunean kategoria bat 22 plazekin eta 22 ehun puntuko azterketekin, esatea filtrazio zantzurik ez dagoela egia ezkutatu nahi dutela baino ez du adierazten. Hiru kategorietako izangaiak azterketa errepikatzera behartuko dituzte, eta ez dago inongo arduradunik? Epaimahai horietako inork ez du ezer asumitu behar? Hau ez da serioa.

Osakidetzak egindako adierazpen hauen ostean gure aurreikuspenik ilunenak betetzen hasiak dira: Osakidetzak ez du arazoa konpondu nahi, ez du praktika mafioso hauekin amaitu nahi eta gertatu denaz ez du inolako erantzukizunik onartu nahi. Hau, argi eta garbi, EPEan parte hartu duten milaka pertsonei iruzurra da, baita gertatzen ari denarekin eskandalizaturik dagoen euskal jendarteari ere.

LABek exijitzen du: ikerketa benetan independentea abian jartzea; erantzukizun guztiak argitzea; justiziaren esku uztea dokumentu eta proba guztiak; irregulartasunak egon diren azterketa guztiak errepikatzea eta EPE eredua berria negoziatzeko prozesua martxan ipintzea.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.