LAB SINDIKATUA

2018/11/15 :: 15:22

Azken Eguneraketa:2018/11/15 :: 7:56

HIZKUNTZA
Hemen zaude: FEDERAZIOAK ZERBITZU PUBLIKOAK Osasungintza Publikoa Mugicak egindako Osakidetzako EPEaren irregulartasunen gaineko adierazpenak adar jotzea baino ez dira

Mugicak egindako Osakidetzako EPEaren irregulartasunen gaineko adierazpenak adar jotzea baino ez dira

E-posta Inprimatu PDF fitxategia
Partekatu albistea

Atzoko agerraldian Osakidetzako Zuzendari Nagusiak egindako adierazpenak guztiz arduragabeak direla deritzogu. Bertan emandako argumentuak adarjotze hutsa dira eta edozein pertsonaren inteligentziari iraina.

Gure ustez, momentuz soilik hiru kategoriatan azterketak errepikatzea guztiz ez nahikoa da, batez ere, kontuan hartzen badugu LABek 12 kategoria salatu dituela fiskaltzaren aurrean eta gutxi barru beste 7 gehituko ditugula.

Bestaldetik, esan dute ez dutela antzeman filtrazioen arrastorik eta azterketak errepikatu dituztela forma akatsak egon direlako zuzentzeko irizpideekin. Hau onartezina da. Daukagunean kategoria bat 22 plazekin eta 22 ehun puntuko azterketekin, esatea filtrazio zantzurik ez dagoela egia ezkutatu nahi dutela baino ez du adierazten. Hiru kategorietako izangaiak azterketa errepikatzera behartuko dituzte, eta ez dago inongo arduradunik? Epaimahai horietako inork ez du ezer asumitu behar? Hau ez da serioa.

Osakidetzak egindako adierazpen hauen ostean gure aurreikuspenik ilunenak betetzen hasiak dira: Osakidetzak ez du arazoa konpondu nahi, ez du praktika mafioso hauekin amaitu nahi eta gertatu denaz ez du inolako erantzukizunik onartu nahi. Hau, argi eta garbi, EPEan parte hartu duten milaka pertsonei iruzurra da, baita gertatzen ari denarekin eskandalizaturik dagoen euskal jendarteari ere.

LABek exijitzen du: ikerketa benetan independentea abian jartzea; erantzukizun guztiak argitzea; justiziaren esku uztea dokumentu eta proba guztiak; irregulartasunak egon diren azterketa guztiak errepikatzea eta EPE eredua berria negoziatzeko prozesua martxan ipintzea.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.