2024-09-18
HomeZerbitzu PublikoakZerbitzu SoziokomunitarioaGorabideko langileek borondatezko lanak egiteari utziko diote martxoaren 1etik aurrera, protesta neurri...

Gorabideko langileek borondatezko lanak egiteari utziko diote martxoaren 1etik aurrera, protesta neurri bezala

Gorabideko enpresa batzordeak manifestazioa egin du gaur Bilbon, Gran Vian. Eusko Jaurlaritzaren egoitza aurretik abiatu da protesta, eta Bizkaiko Foru Aldundiaren egoitzaren aurrean amaitu da. Akreditazio soziosanitarioko dispositiboa berehala zabaltzea exijitu dute, langileen lanpostuak arriskuan daudenean. Mobilizazioaren amaieran, inplikazioa eskatu diote Bizkaiko Foru Aldundiari egungo hitzarmenaren negoziazioan. Hitzarmen honek ez du langileentzako hobekuntzarik izan 2011tik hona.

Langileek iragarri dute datorren martxoaren 1etik aurrera uko egingo diotela borondatezko lanak egiteari hitzarmenaren egungo egoeraren aurreko protesta neurri moduan. Enpresak egindako azken proposamenak hitzarmena 2019ra arte itxi nahi du enpresa-batzordea blokeatzeko asmo garbiarekin oso hobekuntza ekonomiko txikiarekin eta beste gainontzeko lan-baldintzak berraztertu gabe.

Zentro arteko Batzordeak, eskaintza ekonomikoan urte hauetan galdutako eros ahalmena neurri batean berreskuratzea ahalbidetuko duen igoera bat eskatzeaz gain, ordezkoei egonkortasuna eta lan-baldintza duinak bermatuko dizkien lan-poltsa baten sorrera eskatzen du, Aldundiarekin sinatutako lankidetza- hitzarmenak erakustea, langileei kontratatutako baldintzak (ratioak, euskalduntze planak) betetzen diren konprobatzea, etengabe gorant doazen kanpo aholkularitza zerbitzuen kontratazioari buruzko informazioa, kategoria profesionalen funtzioen errebisioa, permutei buruzko akordioak eta aurrejubilazioei buruzko lanerako mahaia.
 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.