2024-09-19
HomeIndustriaMetalgintzaEspazio berri bat zabaldu behar da Sunsundeguin, aldebakartasuna alboratu eta negoziazioa eta...

Espazio berri bat zabaldu behar da Sunsundeguin, aldebakartasuna alboratu eta negoziazioa eta akordioaren alde eginez

LABetik uste dugu inbertsioak ezinbestekoak direla enpresan, hauek ezin direla, beste behin ere, xantaia eta inposiziorako tresna bihurtu. Beharrezkoa da Sunsundeguin garai berri bat zabaltzea, urte hauetan galdutako eskubideak berreskuratzen hasiko garena, egungo entxufismoaren aurrean aukera-berdintasuna egongo dena eta bere egunean 2013ko Bideragarritasun Planean jasotako inbertsioak jasoko dituena, inbertsio publikoa dutenak.

Sunsundeguiko zuzendaritzak aurkeztutako inbertsio planaren inguruan argitaratu diren albisteen aurrean, LABek honakoa adierazi nahi dugu:

Enpresaren zuzendaritzak aurkeztutako proposamena, lehenik eta behin, enpresa-batzordearen gehienagoak baztertu zuren. Orain, %49aren jabe diren akziodunek ere ez dute onartu proposamen hori. Zuzendaritzak dauka beste %51. Hortaz, Sunsundegui ez da sozietate anonimo laborala, komunikabideren batek argitaratu duen moduan, sozietate mugatua baino. Zuzendaritzak dauka botere osoa eta akziodunek, gainontzeko langileek bezala, euren laneko indarra jartzen dute.

Botazio horretan 110 akziodunek hartu zuten parte (%82,09) eta 73k kontrako botoa eman zuten eta 37k aldekoa. Aipatu botazioa lotesle ez izatea planteatu zen eta hortaz, ez dugu ulertzen zuzendaritzak komunikabideetara bidalitako idatzia.

Eztabaida honek ez die akziodunei soilik eragite, langile guztiei baizik. Plan horretan jasotako lan-baldintzek langile guztiei eragiten diete. Prekarietatea bizi dute langileek: atzerapenak nominen ordainketa, %41eko ebentualitatea (333 langiletatik 127), irizpide diskriminatzaileak kontratatzerakoan eta barne-promozioaren orduan, gehiegizko aparteko orduak, soldata- eskala bikoitzak, eros-ahalmenaren galera…

LABetik uste dugu inbertsioak ezinbestekoak direla enpresan, hauek ezin direla, beste behin ere, xantaia eta inposiziorako tresna bihurtu. Beharrezkoa da Sunsundeguin garai berri bat zabaltzea, urte hauetan galdutako eskubideak berreskuratzen hasiko garena, egungo entxufismoaren aurrean aukera-berdintasuna egongo dena eta bere egunean 2013ko Bideragarritasun Planean jasotako inbertsioak jasoko dituena, inbertsio publikoa dutenak.

Xantaia eta inposizioen garaia amaitu behar da, espazio berri bat zabaldu behar da, aldebakartasuna negoziazioa eta akordioak ordezkatuko dutena.
 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.