2024-09-21
HomeIndustriaPapergintzaEuskal Herriak bere bidea egitea ezinbestekoa da, baita negoziazio kolektiboko esparruan ere

Euskal Herriak bere bidea egitea ezinbestekoa da, baita negoziazio kolektiboko esparruan ere

Datorren azaroaren 19an Papergintzaren Estatuko Hitzarmen Kolektiboko negoziazio mahaia eratuko da Madrilen. Sindikatuari bertan parte hartzeko egin diguten gonbidapenaren aurrean, LAB sindikatuak ezezko erantzuna eman du ondoko arrazoiengatik:

-Gaur egun, badago Gipuzkoan Papergintzako Hitzarmen Kolektiboa. Sektoreko lantoki guztietan aplikagarria den hitzarmena eta, hain zuzen ere, hau berritzeko hurrengo hilabetetan negoziazioei ekingo zaie.

– Beraz, Mahai hori osatzen duten alderdi guztiei eta, bereziki, CCOO eta UGT sindikatuei exijitzen diegu, ez dezatela, egun, Gipuzkoako hitzarmenak arautzen duen inongo gairik bereganatu. Gipuzkoako sektoreko langileek ez lukete ulertuko, berezkoa ez den beste eremu batetan beste batzuk beren lan baldintzak negoziatzea.

-Egungo lan erreformak bilatzen duen negoziazio kolektiboaren zentralizazioaren aurrean, estatuko hitzarmenak lehenetsiz lan baldintzak okertzeko helburu argiarekin, eta honela herrialdetako sektore hitzarmenak kinka larrian jarriz, LAB sindikatuak ez dio inongo zilegitasunik emango, eta honen ondorioz, ez dugula negoziazio horretan parte hartuko jakinarazten dugu.

– LABen iritziz, Euskal Herriak bere bidea egitea ezinbestekoa da, baita negoziazio kolektiboko esparruan ere. Horretarako berezko lan harreman eredu bat behar dugu, egungo hitzarmenak eta lan eskubideak errespetatuko eta bermatuko dituena. Borroka honetan datza, hain zuzen ere, gaur jendarteratzen dugun erabakia.
 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.