Madrilgo audientzia Nazionalean burutzen ari den 28 gazteren makroepaiketaren baitan, defentsaren hainbat lekukok hartu dute hitza azken bi egun hauetan. Horien artean, Ainhoa Etxaide, LABeko idazkari Nagusiak, Madrilerako bidaia egin du. Hona hemen bere hitzak:
“LABen izenean gazte guzti hauen absoluzioa aldarrikatu behar dugu, egiten ari diren epaiketa salatu behar dugu. Azken finean epaiketa politikoa baita, ez dago honen inolako zalantzarik berriro ere deklaratu behar izan dugunean. Antzerki hutsa da, lotsagarria da, eta beraz salatu eta absoluzioa eskatu behar dugu.
Horrez gain uste dugu momentua dela euskal gazteriari zor zaion antolatzeko eskubidea aldarrikatzeko eta eskubide hori ziurtatuko dion egoera demokratikoaren bila urratsak emateko.
Iruditzen zaigu epaiketa hauek guztiz lekuz kanpo daudela, ez ziren sekula martxan jarri behar, ez lehen eta are gutxiago orain. Egoera baten adierazle dira. Euskal Herria oraindik demokratizatu behar dela adierazten dute eta gazte hauek demokratizaio honetan parte hartu nahi dute modu antolatu batean, beren ekarpenak eginez eta hori da guztion artean defendatu behar duguna.
Absolizioa bakarrik ez, antolatzeko eskubidea eta antolaketa horren bitartez gazteek beste Euskal Herri baten eraikuntzan parte hartzeko konpromisoa eta inplikazioa bideratzeko eskubidea da aldarrikatu nahi duguna”