2024-09-20
HomeIndustriaEraikuntzaGreba eguna Construcciones Galdianon kaleratzeen eta soldata jaitsieraren aurka

Greba eguna Construcciones Galdianon kaleratzeen eta soldata jaitsieraren aurka

Construcciones Galdiano enpresa, zeina orain arte "aurrelehiaketa" gisa ezagutu den egoeran dagoen, enpresa batzordeari jakinarazi dio 136 langiletik 45 kaleratzeko asmoa duela, eta hitzarmenaren gainetik dauden langileei soldata batazbeste %20 jaitsiko diela 2013ko urtarriletik aurrera. 

Egoera salatzeko bihar, hilak 24, greba eguna egingo dute enpresa batzordeak deituta. Goizeko 08.00etatik 10.00etara elkarretaratzea egingo da Donostian, enpresaren egoitza aurrean.

Merkataritza erregistroan aurkeztutako azken kontuetan, 2010 urteari dagozkionak hain zuzen ere, enpresak 6 milioiko irabaziak izan zituela jasotzen da.

Biharko egindako deialdiak ez dira bakarrak. Urrian zehar asteartero elkarretaratzea egiten ari dira langileak enpresaren egoitza aurrean.

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.