LAB sindikatuak elkartasuna helarazi nahi die GEEA Geólogos enpresako langileei eta hiru hildako hauen senide eta lagunei ere bai.
Istripu hau gauzatu den autobia zatiak, bi egun itxita eman ditu etengabeko euriteen ondorioz. Momentuz istripuaren arrazoi zehatzak ezagutzen ez ditugun arren, ziur, langile hauek errepidea berriz ere irekia izan zedin jaso dituzten presioak ez direla lagungarriak izan beren segurtasuna bermatzeko orduan.
Komunikabideek behe lainoa eta lurraren irristagarritasunari erreparatu diote. Eguraldi baldintza hauek ordea, ohikoak izaten dira urteko garai hauetan Nafarroan, ¿Ezaugarri hauek ematen direlarik, ez al liratezke segurtasun neurrri bereziak hartu behar? Edo ezbeharrak konpontzeko presek langileen segurtasuna baino lehentasun handiagoa dute?
Gertakari honek estadiska bati onespena eman dio; istripurik larrienak, azpikontratatuak diren langileek pairatzen dituztela agerian geratu da behin gehiago. Zergatik ez zaie kontrol berezirik egiten azpikontratuak egiten dituzten enpresei?
Ezin dugu ahaztu, Nafarroako Gobernuarena dela Pirineoko autobia baldintza egokietan mantentzearen ardura. Nafar Gobernuaren, azpikontratuak egiten dituzten enpresak kontratatzeko joerak, prekarietate egoeratan kokatzen ditu langileak. ¿Nafar Gobernuak zerbitzu eta lan bat azpikontratatzen duenean, langileen egoeraz kezkatzen al da? ¿Kontrolatzen al du enpresa kontratatuak lan segurtasuneko legea betetzen duen? Edo garrantzi gehiago ematen dio enpresak jartzen dion prezioari? LABen, erantzuna argi dugu! Gauzak horrela, Nafar Gobernuari azpikontratuak egiteari utz diezaion eskatu nahi diogu, eta dagoeneko azpikontratatuak dituenekin, arrisku prebentziorako legea bete dadin ardura har dezala!
Azkenik langileria guztia animatzen dugu datorren ostiralean 12etan Nafarroako diputazioan burutuko den kontzentraziora.