2024-09-20
HomeEkintza SindikalaPrekarietateari amaiera emateko ordua da

Prekarietateari amaiera emateko ordua da

LABeko Zerbitzu Pribatuetako delegatuek prekarietatearen bukaeraren hasiera irudikatu dute. Malgutasuna, soldata eskasak, gehiegizko lanaldiak, jai egunetako lana, kaleratzeak, ordu extrak, subkontratazioa eta etengabeko ordutegi aldaketak bezalako hitzekin prekarietatea definitzen zuen harresi bat sortu ondoren, piroteknia soka batekin hau lehertu arazi dute.

Aurkezpen hau sindikatuak maila orokorrean abiatu duen “zure eskubideak, actívate por tus derechos” deitutako prekarietatearen kontrako kanpainiaren baitan kokatzen da. Kanpainia honek bost ardatz nagusi ditu: kalitatezko enplegua, soldatak, lan osasuna, aukera berdintasuna eta euskara.
Dinamika honekin ekintza sindikala berritu eta indartzeko asmoa du LABek, prekarietatearen kontra lan egiten duten langile sektore guztietara iritsi eta egoera ezberdin bakoitzari behar duen alternatiba eskainiz.
 

 

 

AZKEN ALBISTEAK | ÚLTIMAS NOTICIAS

Jaso Tower Craneseko langileek greban jarraitzen dute

Zuzendaritzaren borondate falta dela eta, greba eta mobilizazioen bideari jarraitu beste irtenbiderik gabe daude langileak. Gaurkoa bosgarren greba eguna izan dute, eta manifestazioa egin dute Idiazabalen barrena. Datorren asteartean (hilak 24) berrekingo diete lanuzteei, ostiralera arteko greba dagoelarik aurreikusita.

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.