2024-09-19
HomeEkintza SozialaHelduak eta PentsiodunakEuskal instituzioek pentsio duin eta publikoak bermatu behar dituzte euskal langileentzat

Euskal instituzioek pentsio duin eta publikoak bermatu behar dituzte euskal langileentzat

Milaka pentsiodun kalera atera eta euren bidezko aldarrikapenen alde mobilizatzen ari diren bitartean, Gasteizko Parlamentuak ez du erantzukizunik onartzen eta ez ditu hemen eta sakontasunez aztertu nahi horrenbeste milaka pentsionistek dituzten arazoak.

Ondo dago Estatutik inposatu dizkiguten murrizketa batzuk bertan behera gera daitezen eskatzea. Baina benetan beharrezkoa dena da hemendik heltzea pentsio publiko duinak orain eta etorkizunean bermatuko dituen Babes eta Gizarte Segurantzako Sistema Propioa.

Gaur Gasteizko Parlamentuak aukera ona galdu du sistema propioaren aldeko aldarrikapenenean aurrera egiteko. Ez hori bakarrik. Pentsiorik apalenak duindu ahal izateko aukera ere galdu du, ez du 1.080 eurotako gutxieneko pentsioaren aldarrikapena ezta kontutan hartu. Aipatu aldarrikapena parlamentu honetan bertan eskatu zuten Euskal Herriko Pentsionistek Plataformek, Herri Ekimen Legegile bidez 71.724 sinadura aurkeztuz.

LAB sindikatutik euskal administrazioei exijitzen diegu herritarrei orohar eta pentsionistei bereziki, babes eta ongizate sozialeko eskubidea bermatzeko erantzukizuna onar dezatela:

• Babes eta Gizarte Segurantzako Sistema Propio baten sorrera ahalbidetuko duen esparru normativo baten eraikuntza prozesua bultzatuz. Euskal gehiengo sozial, sindikal eta politikoetatik eraikiko den sistema, gaitasun araugile eta finantziero osoa izango duena eta bermatuko diguna hemen bizi bagara eta hemen lan egiten badugu, hemen izango dugula hilabetero deskontatzen dizkiguten kotiazioak eta jasotzen digutun prestazioen kontrol eta erabakia.

• Era berean, pentsiorik apalenak osatzea exijitzen dugu, aurrekontu publiko bidez, duintasunezko gutxienekoetara iritsi arte, hau da, 1.080 eurotara.

 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.