2024-09-20
HomeEkintza SindikalaEstatalizazioaren kontra, bertoko hitzarmenen eta negoziazio kolektiboaren aldeko ebazpena egitea proposatuko dugu

Estatalizazioaren kontra, bertoko hitzarmenen eta negoziazio kolektiboaren aldeko ebazpena egitea proposatuko dugu

Bihar, apirilak 17, Akordio Interprofesionalaren Batzorde Paritarioaren bilera dago, non akordioaren sinatzaile guztiok batuko garen.

LABentzat Akordio Interprofesionala inpugnatzeak 155.artikulua aplikatzea dakar lan arloan, langileon erabakitzeko eskubidea ukatu, bertako hitzarmenak ezereztatu eta lan baldintzak okertzea ekarrikobaitu, estatu mailako hitzarmenen aplikazioa inposatzearekin batera.

Egoera hau ikusita, biharko batzorde paritarioan ebazpen bat onartzea defendatuko du LABek, hurrengo puntuak barnebilduz:

– Akordio Interprofesionalaren aitortza, baita sortu eta sinatu genuenaren zergatiaren azalpena, hau da, estatalizazioari eta estatu eremutik ematen ari den zentralizazio nahaiari aurre egitea, negoziazio kolektiborako eskubidea eta, zehatzago, Negoziazio Kolektiboko marko propio injerentziarik gabe lortzeko eskubidea aldarrikatuz.

– Akordio Interprofesionala tresna legal eta guztiz legitimoa dela adieraztea.

– FEADRS patronal estatala irmoki interpelatzea, aurkeztu duten inpugnazioa apirilaren 24a baino arinago kentzeko exijituz.

– Eusko Jaurlaritza interpelatzea Akordio Interprofesionalaren defentsa egiteaz gain (pasa den astean egin dutenez), Lan Harremanetarako Euskal Esparrua aldarrikatueta defendatu dezan, negoziazio kolektiboko gure esparrua eta euskal langile eta eragileok inongo injerentziarik gabe erabakitzeko dugun eskubidea defendatzea.

Hori guztia esanda, estatalizazioak badu beste aurpegi bat ere: Confebask patronalak negoziazio kolektiboan eragiten duen blokeoak ere estatalizazioa dakar, hitzarmenak ez berritzean, estatu mailakoak aplikatzea dakarrelako. Confebaskek, Akordio Interprofesionala sinatuz, EAEko markoa defendatzen duela adierazi arren, estatalizazioari bide ematen dio blokeo bidez, alegia, gure hitzarmenen negoziazioen blokeoa eraginda. Jarrera hau salatu egiten dugu, eta interpelatzen diegu blokeoarekin amaitu dezaten.

Bestalde, Akordio Interprofesioanalaren inpugnazioak sortutako egoera larriaren harira, gaur egin du LABek alderdiekin egingo duen errondaren lehen bilera. EH Bilduko ordezkariekin elkartu dira gaur Xabier Ugartemendia Ekintza Sindikala eta Negoziazio Kolektiboko arduraduna eta sindikatuaren irakurketa partekatu dute sindikatuaren Donostiako Igara auzoko egoitzan.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.