2024-09-18
HomeEmakumeakMartxoak 8Emakumeok* mundua mugitzeko gaitasuna dugula erakutsi dugu #EmakumeokPlanto

Emakumeok* mundua mugitzeko gaitasuna dugula erakutsi dugu #EmakumeokPlanto


Historikoa bai, eta ez hori bakarrik, historikoa eta mundiala izan da gaurkoa, milaka emakume*, elkar hartuta, Euskal Herriko plazetan. Kalera atera gara, gurea dena aldarrikatzera, eskubideak, parekidetasuna, aitortza eta errespetua. Ehunka mobilizazio eta milaka irudi eder utzi dizkigu grebak. Baina gaurkoa argazki bat baino askoz gehiago izan da. Gure lanaren balioa aitortuko duen sistema berri baten alde egiteak batu gaitu emakumeok*, eta garai berri baterako aldarrikapenak finkatu ditugu.

Euskal gehiengo sindikalarentzat gaurko greba historikoa izan da. LABeko Idazkaritza Feministako kide Zaloa Ibeasek Martxoaren 8aren balorazio bat egin du Bilbon, komunikabideen aurrean, Plaza Eliptikotik abiatutako kalejira feminista hasi aurretik. Greba feministak erakutsi du feminismoaren alde egitea posiblea eta beharrezkoa dela.

Okertzeko beldurrik gabe adierazi dugu sindikatuetatik gaurko eguna historikoa izan dela: “Garai berria ireki duela Euskal Herrian emakumeentzat eta mugimendu feministarentzat. Emaitzak ikusgarriak dira, baina eman dugun urratsaren ondorioak ikusgarriagoak izango dira”.

Kalera atera diren emakume guztiak zoriondu ostean, LABeko Idazkaritza Feministako kideak adierazi dugu gaurko egunak garai berri batean kokatzen gaituela: "Egia da emakumeak beti borrokatu dugula. Greba eta mobilizazio gehienen parte izan gara, lan gatazka garrantzitsuen protagonistak izan gara gure eskubideen aldeko borrokak istorio luzea duelako atzean. Baina gaur urrats berria eman dugu: gure lana da, gure lanek duten balioa da, gaurko greban protagonista”.

"Gure lanak balio(a) du"
Emakumeok* etxean eta etxetik kanpo egiten dugun lana, lan merkatu formalean eta ezkutuan egiten duguna, onartezinak diren baldintzetan egiten dugun lana, agerian utzi ditugu. Hortik, aurtengo LABen leloa: "Gure lanak balio(a) du". Emakumeoi zor zitzaigun argazkia atera dugu: kaleak eta plazak gure lanaren aitortzaz bete ditugu lantokiak eta etxeak hustuz, amantalak zintzilikatuz.

Hain justu, grebak mugimendu feminista sendotu du, emakume asko ekarri dituelako marko feministetara, herriz herri batu garelako sektore eta belaunaldi ezberdinetako emakumeak, elkarlana indartu delako mugimendu feministaren eta sindikalaren artean.

Grebak garai berri baterako aldarrikapenak finkatu ditu, zaintza lana aitortzea eta eskubide iturri bihurtzea, arrakala gainditzea, biolentzia gure bizitzetatik ateratzeko biolentziaren iturri den sistema hau iraultzea. Berdintasun politika antzuak atzean uzteko garaia dela erakutsi dugu.

Greba deitzeko Euskal Herrian hitzartu genuen manifestua ekarri nahi dugu gogora. Gure lanaren balioa aitortuko duen sistema berri baten alde egiteak batu gaitu, lan egin dezagun sistema hori eraikitzeko egin behar dugun bidean bat egiteko. LABetik argi dugu hori feminismotik ere martxan jarri behar den burujabetza prozesu oso baten emaitza izango dela. Gaur kalean gauden emakumeok bihar Euskal Herri berri bat eraikitzea helburu izango duen burujabetza prozesuan batzea izango da gure erronka.

 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.