2026-11-17
HomeEkintza PolitikoaUkrainako egoerak diplomazia serio eta konprometitua behar du

Ukrainako egoerak diplomazia serio eta konprometitua behar du

Errusiak Ukrainan egindako eraso militarra oso albiste txarra da, zoritxarrez iragarpen okerrenak egia bihurtu dituena. Egoera hau, besteak beste, azken asteetako gerra-tentsioaren gorakadarengatik eta nazioarteko akordioak etengabe ez betetzearen ondorioa da.

Errusiak Ukrainan egin duen esku-hartze militarrak mundua, munduko ordena berri baterantz doala, eta egoera horren ondorioen dimentsioa gaur egun ezezaguna dela agerian uzten du.

LAB sindikatuak, NATO-n sartzeko erreferendumean Euskal Herriak esan zuen bezala, gerrari ezetz esan dio, eta, hortaz, Errusiari liskarrak eta ekintza militarrak eteteko dei egiten diogu. Gatazkan inplikatuta dauden alde guztiei alde guztientzat egokiak izango diren nazioarteko akordio berriak lortzeko bide diplomatiko guztiak agortzea, akordio horiek betetzea eta inork desiatzen ez duen hondamendia izango litzatekeen gerrari ateak ixtea eskatzen diegu.

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua