2024-04-12
HomeIndustriaMetalgintzaUgaoko Domiberia SLUko langileek mobilizazioak hasi dituzte lan hitzarmenaren negoziaketaren blokeoaren aurrean

Ugaoko Domiberia SLUko langileek mobilizazioak hasi dituzte lan hitzarmenaren negoziaketaren blokeoaren aurrean

Enpresak 120 langile inguru ditu eta komitea, LABeko 5 delegatuk, USOko 2k eta UGTeko delegatu batek osatzen dute. 

Maiatzaren 9an langileak asanbladan batu ziren. Bertan, komiteak azkeneko 5 hilabeteetako negoziaketaren laburpen eta zehaztapenak eman zituen. Hilabete horietan, enpresak ez du negoziatzeko borondaterik erakutsi. Langileei, aurreko urteetako balantze ekonomikoak erakutsi zitzaizkien, enpresak etekin ekonomiko garrantsitsuak izan dituela eta akzionisten artean miloiak banatu dituela azalduz.

Honen aurrean, Ugaoko Domiberia SLUko komitea osatzen dugun LABek, USOk, eta UGTek hurrengoa salatu nahi dugu:

1. Enpresak azken urteotan mozkin ikaragarriak izan ditu eta bazkideen artean miloiak banatu ditu.

2. Gaur egun, oraindik enpresak ez dizkio komiteari 2018ko datu ekonomikoak aurkeztu.

3. Enpresak ezetz esan dio beste lantokietan dituzten lan baldintzak Ugaoko plantako hitzarmenean sartzeari.

4. Enpresak langileen lan baldintzak okertu nahi dituela hurrengoko gaietan; soldata-igoera salariala, bajak, lanaldia, absentismoan, aparteko pagak…

Horregatik guztiagatik, Ugaoko enpresa-batzordeak, langileen babesa jaso eta batasuna ikusi ondoren, hitzarmenean hobekuntzak jasotzeko mobilizazioekin hastea erabaki du.
 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.