2024-04-12
HomeZerbitzu PublikoakOsasungintzaTxagorritxuko ospitaleko ate nagusian elkartu gara, langileen osasunaren defentsan

Txagorritxuko ospitaleko ate nagusian elkartu gara, langileen osasunaren defentsan

Koronabirusa dela eta, neurriak hartzeko eskatu dugu, langileen babesa areagotzeko eta jardunean duten arriskua ahal dela gutxiagotzeko.

Txagorritxu ospitalean hedatu den kezka dela-eta, LAB eta ELA sindikatuok hurrengo adierazpen hauek egin nahi ditugu:

-Koronabirusaren agerraldia urtarrilaren 30ean jo zen Nazioarteko Osasun Publikoko Larrialditzat. Harrezkero, Osakidetzak berandu eta gaizki erantzun du, ez baititu baliabideak garaiz jarri, epidemia hori gureganaino heldu orduko, eta langileen eta herritar guztien osasuna behar bezala babestu gabe geratu da.

-Hartu beharreko neurrien eta eman beharreko pausoen ebaluaziorik ez da egin, ezta plangintzarik, prestakuntzarik, informaziorik edo protokolo-ezartzerik ere.

-Osakidetzak ez du egokiro zaindu langileen osasuna.

-Lanean jardutea eta lan-osasuna bateragarriak izan behar dira, eta Osakidetza da bere langileen lan-segurtasuna eta osasuna bermatu behar dituena.

-Osasun-arloan lan egiten duten langileen arriskuetako bat kutsatua izatearen arriskua denez, Osakidetzak behar diren neurriak hartu behar ditu arrisku hori ezabatzeko edo gutxiagotzeko. Eta hori kategoria guztietan, bai sanitarioetan, bai ez-sanitarioetan, hala nola pertsonal azpikontratatuan.

Eta arrisku horrek garrantzi berezia hartzen du egungo egoeran.

-Egoera honek osasun sistema publikoaren ahultasuna adierazten du urtez urte izandako murrizketen ondorioz.

-Herritarrei helarazi nahi diegu profesional guztiek osasunarekin duten konpromisoa eta sendotasun-mezua kutsatutako pertsonei eta haien senideei, bereziki egoera delikatuan dauden gure lankideei.

Gorago esandakoagatik guztiagatik behar diren neurriak hartzeko eskatzen dugu, langileen babesa areagotzeko eta jardunean duten arriskua ahal dela gutxiagotzeko.

 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.