2024-06-14
HomeIndustriaMetalgintzaTubacex-eko langileek ezezkoa eman diote ELA, CCOO eta Independiteak sinatutako akordioari, LABek...

Tubacex-eko langileek ezezkoa eman diote ELA, CCOO eta Independiteak sinatutako akordioari, LABek eskatu bezala

Tubacex-eko langileek, atzo egindako bozketan, ezezkoa eman zioten ELA, CCOO eta Independienteek sinatutako hitzarmenaren akordioari. LABek ezezkoa emateko eskatu zuen bozketaren bezperan, akordioa onartzeak atzerakada berri bat zekarrelako.

Bozketaren emaitzak, 392 ezezko bozka eta 327 baiezko bozka, agerian utzi du langileen jarrera; hain zuzen ere, akordioa guztiz eskasa dela uste dutela.

Hitzarmen honen negoziazioan sinatzaileak diren sindikatuen jarrerak, langileei hitza hartzeko aukerak mugatu eta informazio zein eztabaidarako asanbladak egitearen kontra azaldu izana, langileen haserrea eragin du. Horrek atzoko bozketen emaitzan isla izan du.

Edukiari dagokionez bestetik, sinatutako akordioak ez zuen zuzendaritzak azken lau urteetan gehiegikeriaz erabili duen lan-malgutasuna, behin-behinekotasunak sortutako prekarietatea edota ordu extren areagotzea mugatzen, besteak beste.

Bozketa honek arrazoia eman digu ezezkoa babestu dugunoi. Hitzarmena hobetzeko aukerak daudenean, berresten gara langileen babesarekin hori posible dela.
 

 

 

AZKEN ALBISTEAK | ÚLTIMAS NOTICIAS

Udal administrazioan euskararen normalizazioa mugatu nahi duen azken epaia gogor salatzen dugu

Euskal administrazioa euskalduntzeko prozesuaren aurka pairatzen ari garen oldarraldiaren baitan beste epai baten berri jaso dugu. Kasu honetan, Bilboko Administrazioarekiko Auzien Epaitegiaren eskutik etorri da; izan ere, Galdakaoko Udaleko Gizarteratzeko eta Laneratzeko Teknikari lanpostu bat egonkortzeko prozesuan 3. hizkuntza-eskakizuna ezartzea atzera bota du.

GUITRANSek Gipuzkoako errepide bidezko salgaien garraioaren hitzarmenaren negoziazioa blokeatuz gero, errepideak blokeatzeko deialdia egingo dugu

Gaur eratu dugu LAB, ELA, CCOO eta UGT sindikatuOk eta GUITRANS patronalak Gipuzkoako errepide bidezko salgaien garraioaren hitzarmenaren negoziazio mahaia. 2024 urtea hastearekin batera ekin genion sindikatuok hitzarmen berri baten negoziazio bideari. Izan ere, 2009ko abenduaren 31az geroztik hitzarmenik gabe dago sektorea eta lan-baldintza zeharo desarautuetan ari dira 6.000 langiletik gora.

Europako epaiak langileoi enplegu publikoa egonkortzeko borrokan beste tresna bat ematen digu

EBJA Europar Batasuneko Justizia Auzitegiaren sententziak argi uzten du administrazioek hartutako neurriek ez dutela behin-behinekotasunaren arazoa konpontzen eta neurri eraginkorragoak eskatzen ditu.