Azken bi egunetan Castejongo Trenasa lantegiari dagokionez, EEE Enplegua Erregulatzeko Espedientea hurrengo hiru hilabeteetan eteteari dagokionez, LAB sindikatuak azpimarratu nahi du hasiera-hasieratik argi izan dugula EEE ez datorrela bat enpresaren errealitatearekin, haren funtzionamenduarekin eta esku artean dituen proiektu eta esleipen guztiekin jarraitzeko nahiko bideragarritasun baitu. Gure ustez, EEEren planteamendua desegokia eta onartezina izan da, eta, horregatik, hasiera-hasieratik erakutsi dugu eta erakusten jarraituko dugu Trenasako langileen kaleratze masiboa eragiten duten etorkizuneko planteamenduen aurka gaudela.
Aldi baterako etenaldia denez, eta ez erabaki irmoa, gobernuei eta enpresari eskatzen jarraitzen dugu 110 pertsona kaleratzea bezain tragikoa izanen litzatekeen erabakia berriz azter dezaten.
Jakin badakigu bataila ez dela bukatu eta honek jarraitzen duela. Eta argi daukagu enpresaren jarrerakjo parentesi hau ekarri duena langile borroka eta langileen arteko elkartasuna izan direla. Argi dugu hori gabe ez ginela gauden puntura ailegatuko, eta horregatik azpimarratu nahi dugu, bulego eta bileren gainetik, borroka txiki horren irabazlea āez gerrarenaā kalean eginiko borroka izan dela, jendearen presioa eta langile-klaseak bere lanpostuak defendatzeko duen borondatea eta nahia. LABetik, gure esker ona.
Trenasan ordezkari sindikalik ez dugun arren ābai, ordea, sail sindikal aktibo eta borrokalariaā, hasiera-hasieratik LABek bere ekarpena egin nahi izan dio langile-klasearena baino ez den borroka honi. Eta horrelako borroka dagoen lekuetan, LAB egonen da beti.
Azkenik, berriz azpimarratu nahi dugu hau ez dela bukatu eta, beraz, pertsona guztiak animatzen ditugu Trenasaren alde mobilizatzen jarrai dezaten. Era berean, Castejongo udaletxean sarturik jarraitzen duten pertsonei gure adorea bidali nahi diegu. LABetik gure maitasun guztia bidaltzen dizuegu, batzuek besoak jaitsi eta lanera itzultzeko duten ahaleginaren aurrean.