Elgoibarren aurkitzen den Tratamientos Intxaustiko langileak Martxoak 23an hasitako greba mugagabearen ostean, akordio batetara iritsi dira enpresarekin, enpresa hitzarmenerako aurreakordioa bat sinatuz.
Elgoibarko metalgintza sektoreko enpresa honetan, bertako langileek ez dute inoiz beraien lan harremanak arautzen dituen enpresa mailako akordiorik eduki. Beraien lan harremanak Gipuzkoako metaleko hitzarmenak arautzen zituen soilik, zeina 2011 urtetik berritu gabe bait dagoen ADEGIren jarrera itxiagatik. Langileek lortu berri duten enpresa hitzarmen honen ondorioz, hemendik aurrera, euren lan harremanak enpresa zein herrialde mailako hitzarmenaren bidez arautuko dira.
Langileek lortutakoa honakoa da; 4,5% soldata igoera, ETTen bitartez enpresak kontratazioak ez egiteko konpromisoa, lan arrazoiengatiko ezintasun iragankorragatiko bajen konplementuak 100 %ean, hobekuntzak lan osasun alorrean eta lan erreformarengandik babesturiko eta Gipuzkoako metaleko hitzarmenari loturiko Enpresa Hitzarmena.
LAB sindikatutik , langileen mobilizazio, kohesio eta presioaren ondorioz lan erreformarengandik babestua eta Gipuzkoako metaleko hitzarmenari lotutako akordio hau oso positibotzat hartzen dugu.