2024-02-28
HomeZerbitzu PublikoakGarraioaTCCko langileak greba mugagabean 16tik aurrera

TCCko langileak greba mugagabean 16tik aurrera

TCC enpresak, Iruñerriko hiri garraioaz arduratzen dena eta 450 langile duituenak, alde bateko erabakiaz eta erreformak ahalbidetu zuen "Comisión Consultiva Nacional de Convenios Colectivos" erabilita langileei soldata %5,38 murriztu die abendutik aurrerantzean.

Langileek, beraien lan baldintzak mantenduko dituen eta erreforma indargabetuko duen lan hitzarmena lortu nahi dute. Hau helburu, enpresa behartu behar dute negoziatzera eta horregatik langileak, guztiak elkarrekin, mobilizazioari ekin diote.

Lan uzte partzialak burutu dituzte azaroaren 19, 21, 26 eta 28an abenduaren 9an eta abenduaren 11an egun osoko lan uztea. Hauetan elkarretaratzeak, manifestazioak, kotxe karabanak, piketeak burutuz eta kartelak jarriz eta esku orriak banatuz, pairatzen duten egoera salatu dute.

Enpresak bere horretan jarraitzekotan, langileek, greba mugagabeari ekingo diote abenduak 16an.

Garrantzitsua da oso, jendarteak jakin dezan, azken 3 urtetan TCC enpresak 3.943.492,82 eurotako irabaziak izan dituztela, ia 4 milioi euro.
Langileei inposaturiko soldata murrizketa ez du balioko ez zerbitzua hobetzeko ez merkatzeko ere.

Iruñerriko mankomunitateak guzti honen erantzulea da eta ez du deus egin langileen alde.

Nafarroako Gobernuak (UPN) %60 eta %40ko zerbitzu minimoak inposatu ditu, langileen eskubideak zapuztuz enpresaren mesedetan.
 

LAB sarean
{module[111]}

 

AZKEN ALBISTEAK | ÚLTIMAS NOTICIAS

Eraso judizialen aurrean, euskaraz lan egin eta bizitzeko eskubidearen aldeko mobilizazioetan parte hartzera dei egiten dugu

Botere judizialak euskararen aurka egiten dituen erasoek ez dute etenik. Azken egunotan, Bizkaiko Foru Aldundiaren enplegu publikorako hautaketa-prozeduren aurkako bi epairen berri izan dugu. Deialdi horiei lotutako hizkuntza-eskakizunen betekizuna da zalantzan jartzen dena. Diskriminatzailetzat jotzen da euskara eskatzea, enplegu publikoak baldintza berdinetan eskuratzeko oinarrizko eskubidea urratzen duela argudiatuta. Sententzia zentzugabekeria juridiko izugarria da, inolako oinarri juridikorik gabe euskararen normalizazioaren aurka egitea du helburu bakarra.

Amazonen ereduak dakarrena salatu dugu BECen, greba egunen bezperan

Paketatze, banaketa eta garraio ereduak dituzte hizpide gaur eta bihar bitartean BECen, Barakaldon. Robotizazio, digitalizazio eta automatizazioak sortzen duen lan-eredua definitzen ari dira eta badugu eredu horretan adierazlea den ezaguna: Amazon multinazionala. Lan eredu berriak indarrez inposatu eta edozein hobekuntza negoziatzera uko egiten dion enpresa.

Osakidetzako zuzendaritzak ez du bermatzen EAGak irekita izatea oinarrizko plantillarekin

Atzo sindikatuetako ordezkariak, langileak eta herritarrak bildu ginen, EAGetan bizi dugun egoera salatzeko.