Ekainaren 26an, Hendaiako Sokoa enpresako akziodunen biltzar nagusia izango da, eta, horren harira, azken urte hauetan zuzendaritzak duen diskurtso bikoitza eta ezarri duen soldata politika salatu dugu, biltzarraren atarian egindako agerraldi batean.
Hain zuzen ere, akziodunak eta oro har jendartea sentsibilizatu nahi ditugu enpresan ematen den akziodunen interesen zein soldata politikaren arteko oreka nola hautsi eta okertu den ikustarazteko. Guk ez ditugu, Administrazio Kontseiluko presidenteak erran bezala, akziodunak langileekiko kontrajartzen, baina eragile guztien interesen arteko oreka justuago bat eman dadin eskatzen dugu.