2024-03-29
HomeErrepresioaSindikatuek babesa erakutsi diote Erika Bilbaori epaiketa politiko berri baten aurrean

Sindikatuek babesa erakutsi diote Erika Bilbaori epaiketa politiko berri baten aurrean

Beste behin behartuta aurkitzen dugu gure burua aste honetan Madrilen euren jarduera politikoagatik 9 pertsona epaituko dituztela salatzera. Hauen artean dago Erika gure kidea. 9 kideok euren militantziagatik epaituko dituzte, militantzia herri mugimenduan zein mugimendu sozialetan.

Espekulazioetan oinarritutako prozesua da, estatuaren etsaitzat joak diren pertsonen estigma soziala eta kondena lortzeko. Pertsona hauekiko ezin izan da lortu ETArekiko lotura eta lankidetza zehazten duen inolako ekintza zehatzik, horregatik “inguruaren” tesia berreskuratzen da, espazio ideologiko edo kulturala batena, guztiz zehazgabea den zerbait eta zuzenbidearekin inolako harremanik ez duena. Zentzugabekeria honi lotu behar zaio polizia txostenak automatikoki akusatuen aurkako froga bihurtzeko nahia.

Sumario honen instrukzioan, irregulartasun ugariz gain, arbitrarietate eta gehiegikeriak egin dira: behar ez ziren atxiloketak, inkomunikazio orokortuak, autoinkulpazioa bilatzen zuten tortutak, kartzelaratzeak (urte bi bete dituzte honezkero espetxean), estatuko lurraldetik ateratzea mugatzea bezalako kontrol neurriak, astero sinatzera behartzea, eta guzti hau 5 urtetan zehar.

Adierazten dugu ez gaudela prozesu politikoen ezta guztiz zilegiak diren iritzi edo jarduera politikoengatik jendea kartzeleratzeko sasoian eta pertsona eta erakundeen helburu politikoak epaitzen direla, ez bitartekoak; jarduera politikoa epaitzen da eta ez ekintza zigorgarriak.

Ezin dugu beso-gurutzaturik egon eskubide zibilen urraketa sistematikoaren aurrean eta, hortaz, honakoa exijitzen dugu:

– Akusatuen askatasuna.
– Epaiketa politikoen amaiera.
– Jazarpen eta kriminalizazio politikoaren amaiera.
– Herritarren eskubide zibil eta politiko guztien errespetua.
– Torturaren amaiera.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.