2024-03-28
HomeIndustriaMetalgintzaSIDENORen EEEa baztertu eta industria plana lantzea eskatzen dugu

SIDENORen EEEa baztertu eta industria plana lantzea eskatzen dugu

Atzo, azaroak 28, Sidenorreko zuzendaritzak bere “Lana egokitzeko plana” aurkeztu zuen. Plan hau lantoki guztietarako EEEa (Enplegua Erregulatzeko Espedientea) gehi hainbat malgutasun neurriz baino ez dago osatua, hala nola, malgutasunezko 80 ordu, langileak lanpostu batetik beste batera bidaltzea, lantoki batetik beste batera bidaltzeko aukera, oporren zatiketa… finean, malgutasun osoa enpresarentzat. LAB sindikatuak enpresak lantoki guztietarako aurkeztutako EEEa baztertu du.

Lehenik eta behin, enpresak informaziorik eman ez digula salatu dugu, baita EEEa aurrera eramateko enpresak erakutsitako ez ohiko azkartasuna ere. Ez da ulergarria gaurkoan ehunka orritako dokumentazioa jaso eta negoziazioak ostegun honetan bertan hastea. Hau esanda, ez dago inolako arrazoirik holako planteamendua luzatzeko, Euskal Herriko lantoki gehienak beren jardueraren %100an daudenean. Beraz, EEEa arrazoitua ez egoteaz gain, ezinezkoa da hau aurrera eramatea.

Honengatik guztiarengatik, EEEa bertan behera uzteko exijitu diogu zuzendaritzari eta, honen ordez, epe bat ireki dezala langile batzorde bakoitzari eman beharreko informazio eta datuak helarazteko eta, honen arabera, dagozkien neurriak hartzeko.

Enpresak proposamena baztertu du. Honek ez gaitu harritu, bai ordea, UGT, CCOO eta USO sindikatuen jarrerak. Sindikatu hauek ez dute inongo oztoporik jarri, eta aldiz, EEEa negoziatzeko mahaiaren eraketa erraztu diote enpresari.

Sidenorreko langileek “Lana egokitzeko plan” gutxiago eta industria plan gehiago behar dute. Ez ditugu ezagutzen zeintzuk diren Sidenorreko planak beren lantokietarako, zeintzuk izango diren beren inbertsioak, aurrerantzean egin beharreko produktuak, euren apustuak… Ez dago eskubiderik, Sidenorreko zuzendaritza berriak huts egin digu. Gaurdanik badakigu ze asmo duen langileekiko, baina ez ditugu ezagutzen enpresarako dituen planak. Agian instituzioei kontatuko dizkiete, langileei, ez ordea.

LABek Sidenorreko zuzendaritza berriari Sidenorreko Euskal Herriko lantokietarako etorkizuna eta enplegua bermatuko dituen industria plan bat aurkez dezala exijitzen dio. EEE gutxiago, industria plana gehiago.

 

 

 

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.