2025-05-16
HomeEkintza SindikalaSEA patronalak gaur eginiko Batzar Orokorraren aurrean, LABek langabezia eta prekarietatea salatu...

SEA patronalak gaur eginiko Batzar Orokorraren aurrean, LABek langabezia eta prekarietatea salatu ditu

SEA patronalak Gasteizen eginiko Batzar Orokorraren aurrean elkarretaratzea egin dute LABeko kideek. Bertan adierazi duten moduan, arrakala soziala gero eta handiagoa da, eta langileon soldatek gero eta eros ahalmen txikiagoa dute. Egoera honetan eragin zuzena du patronalaren jarrerak.

LABetik patronalaren asmoak salatzen ditugu: ez du borondaterik negoziazio kolektiboak bizi duen blokeo egoera gainditzeko, ez du proposamenik egiten horretarako. Kontrakoa, negoziazio kolektiboa erabili nahi dute prekarizazio prozesuan sakontzeko.

Lan mundua dagoen bezala egonda, oraindik ere patronalak Madrilera begira jarraitzea onartezina da. Madrilgo eredua inportatzea ez da herri honek behar duen irtenbidea. Onartezina da CONFEBASKek soldata gaineko Madrilgo akordioa hona ekarri nahi izatea; bere asmoak gauzatzeko alfonbra gorria nahi du, baina LABek ez du hori inondik inora onartuko. Hori gutxi balitz, urrunago doa SEA, CONFEBASKen planteamendua motzegi geratzen zaio, gehiago nahi du.

LABek gaur, beste behin, Euskal Herriari begirako lan mundua aldarrikatzen du. Eta gure eremuari begiratu behar zaio proposamenak egiterakoan ere.

Negoziazio kolektiboan sinesten dugu eta bizi duen egoera desblokeatu nahi dugu. Gure erabaki sindikalekin prekarietateri aurre egitera goaz. Uste dugu hitzarmenak tresna baliagarriak direla prekarietateari aurre egiteko, baina horretarako benetako borondatea behar da, gaur gaurkoz SEAren aldetik ikusten ez duguna.

LABetik egoera desblokeatzeko proposamen orokor bat egingo dugu. Euskal esparrua sendotu eta lan mundua berrantolatzeko beharra aldarrikatzen dugu. Patronalari, SEAri, dei egiten diogu jarrera aldatu eta negoziazio kolektiboaren alde, hitzarmen duinen alde, urratsak ematen hasteko.
 

 

 

AZKEN ALBISTEAK | ÚLTIMAS NOTICIAS

LAB, ELA eta UGT sindikatuok EAEko langileon kolektibitateen hitzarmen propio baten alde mobilizatu gara

Pasa den martxoan LAB, ELA eta UGT sindikatuok mobilizazio prozesu bati ekin genion kolektibitateetako enpresei exijitzeko behingoz eser daitezela sektoreko langileentzat EAEn hitzarmen propioa...

LABek hezkuntza publikoan sinaturiko lan-hitzarmenek, langileon lan baldintzak hobetzeaz gain, kalitatean aurrerapauso handiak ekarriko dituzte

Hezkuntza publiko osoan 30.000 langile baino gehiagoren lan baldintzak hobetzeko, erabakigarria izan da LABen lana, bai akordio laboralean adostutako neurriak eremu bakoitzera eramaten, eta baita grebak eta mobilizazioak sustatzen ere.

LABek José Ignacio Murilloren zuzendaritza jo du Sunsundeguiren egoeraren errudun, eta gertatutakoa sakon ikertzeko eskatu du

LABeko Sunsundeguiko ordezkariek eta sindikatuko Sakanako arduradunak prentsaurrekoa eskaini dute gaur goizean Iruñean 338 pertsona kalean utziko dituen lantegiaren itxieragatik erantzukizunak eskatzeko.