2024-02-29
HomeZerbitzu PribatuakSalgaien GarraioaSalgaien garraioaren hitzarmen probintzial duin baten alde borrokarako deia

Salgaien garraioaren hitzarmen probintzial duin baten alde borrokarako deia

Garraio sektorearen azken urteetako bilakaera eta uztailaren 7an izan dezakegun balizko agertokiaren aurrean, LAB, CCOO eta UGT sindikatuok elkarretaratzea egin dugu gaur GUITRANS Gipuzkoako patronalaren egoitzan aurrean. 

Sektoreak berezko dituen arazoez, hots, gasoilaren prezio altua, lehiakortasun desleiala, faltsuak diren kooperatiben sorrera… horiez haratago, Estatuko Gobernuak negoziazio kolektiboan eginiko eskusartzeak kinka larri baten aurrean jarri eta galdera bat erantzutea behartzen gaitu: Gipuzkoako sektore honetako langile guztiok hitzarmen probintzial duin bat izan nahi dugu?

Sindikatuon erantzuna argia da, BAI. Eta lortu beharreko hitzarmena duina izan dadin bete beharreko baldintzak argi dauzkagu:

-Sinatutako hitzarmena beteko denaren bermeak izan, beraz, Gobernutik inposaturiko erreformen aurrean hitzarmena “blindatzea” ezinbestekoa da.

-Langileek sortu ez dituzten arazoen kalteak ez ordaintzea, beraz KPI-aren araberako soldata igoerak izatea.

-Indarrean dagoen hitzarmenaren edukietan inongo murizketarik ez izatea.

Sindikatuok sektorea bideragarria izan dadin, Gipuzkoako langile guztiek hitzarmen baten babesa izan behar dutela deritzogu, horrela izan ezean, zuzenean amildegira eramango gaituen soldaten jeitsieraren bitarteko konpetentzia laisterketa batean sartuko bait dira enpresak, eta egoera horrek ondorio beldurgarriak izan ditzake sektore osorako.

Tamalez orain artekoan GUITRANS Gipuzkoako patronalaren jarrera ez da bide beretik joan, eta sindikatuokin eseri eta hitz egiteko ere trabak jartzen ari da. Egoera larria da oso eta ez da arduragabe jarduteko garaia beraz sindikatuok ondoko hautua egin dugu:

Salgaien garraioko Gipuzkoako langile guztiak mobilizatzera deitzen ditugu hitzarmen probintzialaren defentsan. Horretarako sindikatuok langileen asanbladekin batera adostutako mobilizazio egutegiarekin bat egitea dei egiten dugu.

Murrizketa, inposaketa eta mixeriaren kontra borrokatzeko garaia heldu da, sektorearen etorkizuna bermatu eta langileon duintasuna aldarrika dezagun, Gipuzkoako garraioa BORROKARA!!! 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.