2024-04-15
HomeZerbitzu PribatuakAnbulantziakSalatzen dugu Ambuiberica beren bizitza gugatik jokoan jarri duten langileak kaleratzen ari...

Salatzen dugu Ambuiberica beren bizitza gugatik jokoan jarri duten langileak kaleratzen ari dela

Ez gara isilduko. Gure lankideen alde borrokatuko gara, eta zerbitzu publiko bat azpikontratatzearen ondorioak zeintzuk diren kontatuko dugu: Euskal Herriaren osasuna saltzea HTG taldeko enpresa zikinen poltsikoak betetzeko.

Ambuibericak, berriro ere, bere langileak kaleratu ditu eta diruaz aparte ez zaiola ezer axola erakutsi du. Enpresa abokatu-bulego batek kudeatzen du, eta honen helburua ahalik eta errentagarritasun handiena lortzea da, pazienteen eta langileen gainetik, LABek behin eta berriz salatu duen bezala. Bizi dugun osasun-larrialdi egoeran ere, Ambuibericak eta haren zuzendariek ez dute zerikusirik beren langileen sakrifizioarekin; izan ere, langile horiek ondo aritu dira lanean, eta beren osasuna arriskuan jarri dute, askotan nahikoa ez diren babes-bitartekoekin. Hala ere, hauek kaleratu eta merkeagoak diren beste langile batzuekin ordezkatzeko asmoa dute, kromoak izango balira bezala.

Langile hauek praktiketan kontratatu ziren, nahiz eta egiturazko lanpostuak betetzen egon. Hala, Ambuiberica eta HTG taldea langileen nominaren % 40raino lotsarik gabe lapurtzen aritzea ahalbidetuz.Horrela, hilabetez hilabete, gu zaintzen gaituztenen diruarekin geratu dira, gainerako lankideen lan berbera egin arren. Enpresak, hala ere, Eusko Jaurlaritzaren partida ekonomiko bera kobratzen jarraitu du. Jaurlaritzak ondo baino hobeto ezagutzen du egoera hori, baina nahiago izan du beste alde batera begiratu, Confebasken beldur. HTG talde osoaren ohiko praktika da, eta hil amaieran nomina ordaintzen dizuna salatzeak sortzen duen beldurraz baliatzen da. Langileek nahiago dute isilik egon eta beren kontratua berrituko dutela uste izatea, baina errentagarri izateari uzten diotenean, zakarki kaleratuko dituzte.
 

 

 

AZKEN ALBISTEAK | ĂšLTIMAS NOTICIAS

Guitrans patronalari exijitu diogu blokeoa eteteko

Gipuzkoako salgaien errepide bidezko garraioaren hitzarmena berritu nahi dugu behingoz. 6.000 langile baino gehiagori eragiten dio hitzarmen horrek.

Mecanerren itxiera ekidin eta Euskal Herrian industriaren eta enpleguaren etorkizuna bermatzeko politikak exijitu dizkiegu instituzioei

Urdulizeko automobilgintza lantokiaren jabe den Stellantisek 2023ko irailean jakinarazi zuen enpresa ixteko erabakia, eta orain Enplegu Erregulazio Espedientearen kontsulta epean murgiduta dago Mecaner. Bada, langileek erakutsi dute enpresaren bideragarritasuna eta jarraikortasuna posible direla, eta une erabakior honetan arduradunek esku hartzea premiazkoa da.

0-3 zikloa babestea eskatzeko manifestazioa egin dugu Iruñean

0-3 urtekoen hezkuntza zikloko sindikatu guztiok manifestazioa egin dugu gaur arratsaldean Iruñean, Carlos Gimenok zuzentzen duen Hezkuntza Departamentuari exijitzeko behingoz har dezala ziklo horren ardura, 0-3 zikloa hezkuntza baita. 300 pertsona elkartu dira mobilizazioan.