Tasubinsa enplegu zentro bereziak Noaingo Motxoli industriagunean duen arropa-garbitegia saldu behar zuela jakinarazi zion Enpresa Batzordeari sanferminen atarian. Astebete geroago ordutegi aldaketa eginen zuela komunikatu zuen. Hala, enpresako zuzendariek aurpegia ematen ez dutela ikusita, enpresa batzordeak eta langileek euren haserrea erakutsi dute, Tasubinsako presidentearen gaurko bisita baliatuta.
Hau da Tasubinsako enpresa batzordeak igorritako oharra:
Tasubinsa, enplegu zentru bereziak, Noaingo Motxoli industriagunean duen arropa-garbitegia saldu behar zuela helarazio zion Enpresa Komiteari San Ferminen atarian. Aste bat beranduago ordutegi aldaketa burutuko zuela komunikatu egin zuen.
Enpresak azken orduan eta oporraldian murgilduak gaudenean eman digu abisua, aurretikan zekien informazioa ezkutatuz, helburu maltzur batekin. Gainera, lantokia saldu baino lehen, langileen lan baldintzak okertu nahi ditu, salmentaren negoziazioetan etekina lortzeko.
Azpimarratzekoa da gainera langile hauen baldintza kaskarrak, esate baterako, bidegabea den behin-behinekotasuna %60 kokatzen delarik lantokian, soldata baxuak zein jardunaldi altuak.
Gainera, enpresako zuzendariek ez dute aurpegia eman, dena emailez informatuz eta Tasubinsako presidenteak lantokira burutu duen bisitaren atarian, enpresa komiteak eta lantokiko langileak elkarretaratzea burutu dute, 60 bat lagun elkartu direlarik.
Bihar asteartea 24, ordutegi aldaketa negoziatzeko nahiarekin Zuzendaritzak enpresa komitea deitu gaitu.