2024-04-15
HomeLAB SindikatuaLAB"Protesta sozialik ez badago, aldarriek ez dute lekurik hartzen agenda politikoan"

“Protesta sozialik ez badago, aldarriek ez dute lekurik hartzen agenda politikoan”

Garbiñe Aranburuk elkarrizketa egin du Euskadi Irratiko “Faktoria” saioan, Baionako estudioetatik. Hain zuzen ere, LAB sindikatuko idazkari nagusia Lapurdiko hiriburuan dago, Macronen Gobernuak sustatutako erretreten erreforma salatzeko mobilizazioetan parte hartzeko. Elkarrizketan, hainbat gai jorratu ditu: pentsioen afera bera, aurrekontuak eta urtarrilaren 30eko Greba Orokorra, kasu.

Garbiñe Aranburuk adierazi du ezinbestekoa dela mobilizazio soziala agintariak mugiarazteko: “Protesta sozialik ez badago, izan pentsiodunena, langileena zein mugimendu feministarena, aldarriek ez dute lekurik hartzen agenda politikoan”.

Hala, LABeko idazkari nagusiak urtarrilaren 30eko Greba Orokorraren garrantzia azpimarratu du, “ofentsibara” egingo dugun greba delako: “Mugarri bat izango da. Urtarrilaren 30ean ez da ezer amaituko. Mobilizazio desberdinen konfluentzia izango da, lan, pentsio eta bizitza duinaren alde, borroka greba ondoren indartzeko helburuarekin”.

 

 

 

AZKEN ALBISTEAK | ƚLTIMAS NOTICIAS

Bizkaiko esku hartze sozialeko langileek hiru eguneko baraualdiari ekin diote Foru Aldundiaren aurrean

Ekimen honetaz gain, greba eguna deitu dugu LAB eta ESKk apirilaren 17rako, Bizkaiko esku hartze sozialeko hitzarmenaren alde.

50. urteurrenaren harira, Maiatzaren Lehenean manifestazio eta jaialdi nazionala antolatu ditugu IruƱean

LABen 50.urtemugako ospakizun betean dator aurtengo Maiatzaren Lehena. Une gozoa da sindikatuarentzat, zalantzarik ez. Hala ere, ez diogu gure bilakaerari bakarrik begiratzen. Gure misioa langileen lan eta bizi baldintzen alde borrokatzea da, eraldaketa soziala eta aldaketa politikoak eragitea.

Intersindikalarekin mobilizatuko da LAB Maiatzaren Lehenean Baionan, bazterketa gaindituz

Prentsaurrekoa egin dugu Baionako Merkatuan LAB, CFDT, CGT, UNSA, FSU eta Solidaires sindikatuok aurtengo Maiatzaren Lehenean bertan egingo den manifestazioa iragartzeko. Bertan izan da Argitxu Dufau Ipar Euskal Herriko bozeramailea, izan ere, aurten LAB intersindikalarekin batera mobilizatuko gara langileen egunean, urte luzez pairatu behar izan dugun bazterketa gaindituz.