2023-12-03
HomeEkintza PolitikoaEuskal Herria"Gure etxeko atea zabalik dute" Oreretako auzipetutako gazteek

“Gure etxeko atea zabalik dute” Oreretako auzipetutako gazteek

Oarsoaldea Bidasoako LABeko delegatuek Oreretako auzipetutako gazteei elkartasuna adierazi die "gure etxeko atea zabalik dute"la adieraziz.

Elkartasun adierazpena bi arrazoi garrantzitsuren bueltan kokatu dute. Bata, bizi duten testuinguru politikoan, gatazkaren konponbidean aurrera egiteko garaietan guztiz zentzugabea deritzolako LABek jarduera politikoa kriminalizatu eta zigortzea. Errepresio honen atzean min pertsonala eragiteaz gain, jarduera politikoa bera asimilatzea baitago. Hortaz, errepresio bideak atzean utzi eta Euskal Herrian agertoki demokratiko bat lortzeko deia egiten die estatuei.

Bestetik, sindikatua eragile sozial den neurrian, "aldaketa soziala eta politikoa benetazko beharra da egun langileriarentzat, eta horretarako gizarte eragile guztien inplikazioa nahitanahiezkoa da eta gazteen inplikazioa ezinbestekoa iraultza orororen motore direlako" adiezazi du.

Honela sindikatuak epaiketak bertan behera uztea exijitzen du, Euskal Herria Gorriaren eraikuntzan segi ahal izateko.

AZKEN ALBISTEAK | ÚLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.