LAB eta ERNAIren arteko “ Gazteen lan eskubideen gida” eskualdez eskualde aurkezteko dinamika aurrera doa. Atzokoan Bakion izan ginen gazteek dituzten lan eskubideak ezagutu eta aldi berean borroka tresna gisa erabiliz ukatuak zaizkigun eskubideen aldeko borroka indartu eta bestelako eredu sozioekonomikoa eraikitzeko gidaren aurkezpenarekin.
Krisiaren aitzakipean aurrekaririk gabeko erasoak jasaten ari da euskal gazteria. Besteak beste lan baldintzen okertuz, ikasteko zailtasuna areagotuz edo politika sozialetan murrizketak aplikatuz langile klasearen prekarietate egoera betikotu nahi dute.
Egoera larri honen aurrean unea da dagozkigun eskubideen berri izan eta norabide berean bultzatzeko. Atzo, Bakion langile gazteen artean zabaldu genuen gida, dituzten eskubideen inguruan informatuz eta borrokara batzeko animatuz.