2024-04-25
HomeEkintza SozialaHelduak eta Pentsiodunak"Adarra jotzen digute, irainduak sentitzen gara", diote pentsiodunek

“Adarra jotzen digute, irainduak sentitzen gara”, diote pentsiodunek

Pentsiodunak kalera irten dira gaur euren haserrea adierazteko. Hala, pentsiodunen elkarteek, Pentsionistak Martxan plataforma tartean, mobilizazioak deitu dituzte Hego Euskal Herriko hiriburuetan. Manifestazio jendetsuena Bilbon izan da, 25.000 lagun inguru bildu baitira. Hain zuzen ere, pentsio duin eta publikoen alde egin dute manifestariek, eta %0,25ari ezetz esan diote.

“Hemen gaude gure nazka eta gogaimena adierazteko. Adarra jotzen digute, irainduak sentitzen gara, pentsioak %0,25eko miserian igotzen dizkigutenean. Gainera 2022ra arte horrelako igoerak ezarriko dizkigutela diote. Horren ondorioz, gure erosmen-ahalmenaren galera %10era iritsi daiteke. Gobernuak, aurreikusi dituen neurriak ezartzen baditu, are gogorrago izango da belaunaldi gazteentzako, pentsioen murrizketa handia izango baita”. Hitz hauekin agertu dute pentsiodunek euren ezinegona, Bilboko manifestazioan.

Bilboko mobilizazioa izan da jendetsuena.

Pentsiodunek salatutakoaren arabera, “jasanezina da Fatima Ministrari entzutea, bere Gobernuari esker, ez dugula erosmen ahalmenik galdu. Gezurretan dabil esaten digunean, pentsioak bere horretan mantendu daitezen, ezin digutela gehiago igo. Estatuko aberastasun mailak, dagoeneko 2008ko egoera gainditu du. Bankuen irabaziak eten gabe gorantz doaz eta enpresa handien ordainketak %15ean igo dira”.

Pentsio publikoen mozketak aspaldian hasitakoak direla nabarmendu dute, “eta susmo handiak ditugu, ez ote diren beraien aurkako azken kolpea prestatzen ari, kontutan hartuta miseriarantz bultzatzen dituztela”.

Pentsioen eros ahalmenaren balioa KPIaren arabera gaurkotzea aldarrikatzen dutela adierazi dute, eta gutxieneko pentsioa 1.080€koa izatea.

 

 

 

AZKEN ALBISTEAK | ÚLTIMAS NOTICIAS

Euskara baztertzailetzat jo eta hizkuntzaren normalizazio prozesua kolpatzen duen enegarren epaia

Euskal administrazioa euskalduntzeko prozesuaren aurka pairatzen ari garen oldarraldiaren barruko epai berri bat ezagutu dugu. Kasu honetan, Donostiako Administrazioarekiko Auzien Epaitegiak Eibarko udaltzain lanpostu baterako euskara-eskakizuna frogatu beharretik salbuetsi ditu hautagaiak ezohiko egonkortze deialdi batean, hautagaietako batek jarritako helegitea partzialki onartuta.

Lan osasuna bermatzeko prebentzioa jorratzea premiazkoa dela aldarrikatu dugu sindikatuok

Gaur, Laneko Segurtasun eta Osasunaren Nazioarteko Egunaren bezperetan gauden honetan, LAB, ESK, STEILAS, EHNE-Etxalde, HIRU eta CGT (Nafarroan) sindikatuok osatzen dugun intersindikalak irmoki salatu dugu langileok gure osasuna jokoan ipintzen dugula, bizitza duin baterako diru sarrera nahikorik bermatzen ez duten enpleguetan.

Nafarroako Arartekoak Hezkuntzari gomendatu dio Lanbide Heziketan diharduten PTak ere “saritu” ditzala

LABek eskatuta, Patxi Verak zuzentzen duen erakundeak Hezkuntzari eskatu dio beharrezko neurriak har ditzala Lanbide Heziketako PTei ere aplikatzeko DBHra atxikita daudenek jasotzen duten soldataren %5,45eko osagarria.