LAB Sindikatutik bart gauean Moriako errefuxiatuen akanpalekuan (Lesbos irla, Grezia) gertatuko sutea eta, oro har, bertan dauden errefuxiatuek bizi dituten egoera salatu nahi dugu. Nahiz eta oraindik ez dagoen argi nola eta zergatik gertatu den sutea, ukaezina da akanpalekuaren baldintza prekarioek erraztu egin dutela sutearen hedapena.
Akanpalekua 2.500 pertsonentzako prestatuta egon arren, momentu honetan 13.000 pertsona daude bertan. Osasun neurriak ez betetzeaz gain, egoera horretan gutxieneko bizi baldintzak bermatzea ezinezkoa egiten da. Gainera, akanpalekuan dauden pertsonen %40 haurrak dira, horrek eragiten duen zaurgarritasun egoera bereziarekin.
Europako Batasunaren arduragabekeria salatzen dugu. COVID19a baino lehen ezinbestekoa baldin bazen migrazio bide seguruak bermatzea, birusak sortu duen egoeran are premiazkoagoa egiten da pertsona migrante eta errefuxiatuen segurtasuna eta duintasuna errespetatuko duten neurriak hartzea.
Eskubide guztiak pertsona guztientzat!