Alkartasuna Fundazioak mahai inguru bat antolatu du astearterako, "Pentsio duinen euskal sistema publiko baten alde" leloarekin. LABeko Ekintza Sozialeko idazkari Bea Martxuetak hartuko du hitza, EH Bilduko legebiltzarkide Leire Pinedo, ELAko ordezkari Janire Landaluze eta EHUko irakasle Jose Ramon Urrutiarekin batera. Bizkaiko Batzar Nagusien hitzaldi aretoan egingo dute solasaldia, 18:00etan.