Eskandaluzkoa da sindikatu berdinek hemen Sektorearteko Akordio bat sinatzea, bertoko hitzarmenei estatuko akordioekiko lehentasuna emateko, eta gero estatuko patronalarekin akordioak iristea EAEko ostalaritzan negoziazio kolektiboa galarazte aldera. Halaber, honek agerian uzten du benetan euskal langileak nork defenditzen dituen, eta nork ez.
ELAk eta LABek dei egiten diegu CONFEBASKi eta EAEko Ostalaritza Federazioei, orain estatutik salatu nahi den akordioa sinatu dutenez, iritzi publikoari jakinaraz diezaiotela honi buruz zer iritzi duten. Ostalaritzako Akordio Markoa sinatuta EAE mailako negoziazio kolektiboaren aldeko hautua egin zuten; beraz, CCOO, UGT eta estatuko patronalen jarrera salatu egin beharko lukete, hauek EAEn langileei eta enpresei galarazi egiten baitiete negoziatzea.
Bestalde, aukera ezin hobea du Eusko Jaurlaritzak sasi-elkarrizketa sozialeko mahaian hartutako akordioak indargabetzeko, baita hartu dituen beste erabaki batzuk bere onera ekartzeko ere. Hala egin ezean, agerian geratuko litzateke ez duela benetan defenditzen hitzez defenditzen duena, eta frogatuko luke gure herriko langile-klasea pairatzen ari den prekarizazio prozesua bultzatzen ari dela. Ezin da ulertu honelako erasoa datorrenean Urkulluren gobernua beste aldera begira egotea.
Negoziazio kolektiboaren estatalizazioarekin izatez milaka eta milaka langileren lan- eta bizi-baldintzak hondatzen dira, hau da, prekaritatera zigortzen ditu. ELAk eta LABek berretsi egiten dugu baldintza horiek defenditu eta hobetzeko geure konpromisoa, baita Lan Harreman eta Gizarte-Babeseko euskal Esparruaren aldekoa ere.
LABeko Nazio Komiteko ordezkariek eskubide sozialen aldeko manifestazioan parte hartzeko deia luzatu dute. Euskal Herriko Eskubide Sozialen Kartak deitutako mobilizazioa Bilbon izango da larunbatean, 17:30ean, Jesusen Bihotzetik abiatuta. Diru-sarrerak Bermatzeko Errentari eta Lanbidek kudeatutako gainontzeko prestazioei Lanbide-arteko Gutxieneko Soldatak izan duen %8ko igoera aplikatzea aldarrikatuko dugu, besteak beste. Era berean, 2017rako Eusko Jaurlaritzaren aurrekontu proiektuan jasotako xedapen gehigarrian prestazio sozialen zenbatekoan ezartzen den %7ko murrizketa eraginik gabe uztea eskatuko dugu.
Larunbateko manifestazioak atxikimendu ugari jaso ditu egunotan. Hainbat gizarte eragilek agerraldia egin zuten asteartean, mobilizaziorako deia luzatzeko. Ostegunean, berriz, euskal gehiengo sindikalak egin zuen bat protestarekin.
Sektorearen gehiagoa duten CCOO, LAB eta ESKk gertatutakoaren lehen balorazio bat egin nahi dugu:
• Lehenik eta behin, ez du astirik eman enpresaren proposamena aztertzeko atzo arratsaldean jaso genuelako Gizardatz patronalaren proposamena.
• Gizardatzek aurkeztutakoari dagokionez, guztiz etsigarria da Bizkaiko Eskuhartze Sozialerako IV Hitzarmenerako planteamenduak entzutea. Askiezak izateaz gain, alderdi erregresiboak daude, orain arte lortutakoarekiko atzerapausoak suposatzen dutenak. Orain arte lortutakoarekiko eta Eskuhartze Sozialeko sektorearen hobekuntza aurre egiteari osoko emendakina da.
• Deigarria da Gizardatzeko planteamendua honek egiten duen sektorearen ustezko defentsaren kontrakoa dela eta langileen lan-baldintzak homogeneizatzea ekarriko lukeen etorkizuneko Hitzarmen Kolektibo Autonomiko baten aldeko apustua. Bizkairako plantemendua, 4 urtetakoa, 2020an amaituko litzateke eta Gipuzkoakoa 2018ra arte egongo litzateke indarrean. 2017an erosteko ahalmenaren galera ekarriko luke, aintzanatasun osagarria desagertaraztea, lanaldiaren 7,5 ordutako murrizketa indarraldiko 4 urteetan, Gipuzkoako 1.592 orduen aurrean eta aldi baterako desgaitasunen aurreko babes sistema zalantzan jarriz.
CCOO, LAB eta ESKk ez dugu inolako konpromisorik ikusten Bizkaiko eskuhartze sozialeko sektorearen defentsan, arreta nahikoa eta egokiari dagokionez sektore sozialen inklusio sozialaren alde, lan-baldintza egokiekin eta ondorioz, horretarako nahikoak izango diren aurrekontu partidekin.
Beste behin, Bizkaiko Foru Aldundia eta Eusko Jaurlaritzako arduradunak eta udal enteetakoak Gizardatzen ahotik ari dira hitzegiten, inklusio sozialeko zerbitzuen berregituraratzea bultzatzeko, langileen eta gizarteari lepoa emanez egiten ari direnak, eskubide galerarekin.
Dei egiten diogu Gizardatzi birpentsatzeko eta posizioa finkatzeko Aldundia eta Eusko Jaurlaritaren aurrean benetako apustua egiten badute babes sistema egoki baten eta zerbitzua ematen duten langileen lan-baldintza egokien alde edo bestela low cost zerbitzuen hornitzaile hutsak izaten jarraituko dute, finantzazio askieza zerbitzuen kalitatera eta lan-baldintza txarretara eramanez.
Gaur eguerdian bi ordutako lanuztea egin dugu Gasteizko Michelinen, eta elkarretaratzea ate nagusian. Urte erdi baino gutxiagoan, Michelinen, hiru lankide hil dira lan istripuz. Doluminak eta babesa eskaini nahi diegu hildako lankideen familia eta lagunei.
Laneko azken heriotzak 2012ko Arabako Lan eta Segurtasun Sozialeko Ikuskaritzako ebazpenean diagnostikatutako gabeziak erakusten ditu. Bertan azaltzen zen Osasun Laguntzaile Tekniko (OLT) batekin, eta 24 orduz egongo ez litzatekeen medikurik gabe, Michelingo Zerbitzu Medikuak ezin zuela arreta mediko egokirik bermatu, besteak beste.
Gure aldetik, luzaroan ari gara Michelini aurretik aipatutako giza bitartekoak izatea eskatzen. Desfibriladoreak izatea ere eskatu genuen, lantegian zehar jartzeko, ikastetxe eta auzo etxeetan dauden moduan adibidez… Kasu hauetan, pertsonak artatuak izan arte pasatzen den denbora garrantzitsua da.
Inoiz ez dugu jakingo gure lankidea salbatzerik izango zen aipatutako guztiarekin, baina ziurra dena da ez zutela bere alde egin.
Azkenik, gogoratu behar dugu pendiente dugula aurreko heriotza biekin lotutakoa Laneko Ikuskaritzaren ebazpena, erantzukizunak argituko dituena baldin baleude. Baina Osalanek egin ditu dagozkion txostenak eta bietan aipatzen dira segurtasun aldetiko gabeziak.
Abiatzear den Korrikaren testuinguruan, Gasteizko Osakidetzako langile multzo batek osasungintza euskalduntzearen aldarria zabaldu berri du eta, martxoaren 30ean, Korrikan kilometro batekin parte hartzeaz gain, Gasteizko Santiago eta Txagorritxuko ospitaleetan osasungintza euskalduntzearen alde dauden langileekin argazki bat atera dute.
LAB sindikatuaren ustez, osasungintza euskalduna izateak duen garrantzia eta Gasteizko langileen ekimenaren eredugarritasuna kontutan harturik, ekimen hauetan parte hartzeko deia luzatzeaz gain, martxoaren 30ean Osakidetza osoko LAB sindikatuko delegatu guztiak Santiago ospitaleko argazki masiboan parte hartu dugu.
Gogoratu nahi dugu osasungintza euskalduna izan arte ez dugula kalitatezko osasungintzarik izango Euskal Herrian. Bestetik, azpimarratu nahi dugu lan orduetan euskaraz aritzea, lana euskaraz egitea, euskaraz komunikatzea, langileon eskubidea dela. Zoritxarrez, sarritan Osakidetzako langileoi errespetatzen ez zaigun eskubidea. Salatu nahi dugu, gainera, Jaurlaritza eta Osakidetzako arduradunek inoiz gutxitan hartzen dituztela kontutan euskaraz lana egin nahi duten langileen hizkuntz eskubideak, eta gaur gaurkoz, nahiz eta araudian eskubide hori jasoa dagoen, ez direla neurriak hartzen aukera hori errespetatua izan dadin.
Asko gara Osakidetza euskaldun baten alde egiten dugun langileok Donostian, Bilbon edota Gasteizen ere.
LABeko Nazio Komiteko ordezkariak kalera irten dira gaur Palestinari elkartasuna adierazteko. Hain zuzen ere, martxoaren 30a Palestinarekiko elkartasun eguna da, Munduko Federazio Sindikalak deituta. Hori dela eta, federazioan afiliaturiko sindikatuei eta lagun guztiei mundu osoan borrokaren lehen lerroan egoteko deialdia luzatu diete, eta LABek bat egin du deialdiarekin. "Ezetz esaten diogu Israelek daraman okupazioari, eta baietz esaten diogu estatu palestinar libre eta independente bati", adierazi dugu Bilbon egindako elkarretaratzean.
Martxoaren 30erako Munduko Federazio Sindikalak (MFS) deituriko Palestinarekiko elkartasun eguna dela eta, LABeko Nazio Komiteko kideek elkarretratze bat egin dute Bilbon. Hala, MFS-k egindako deialdiarekin bat egin dugu.
Aurrekontuen eztabaida honetan, zerbitzu publikoen defentsarako izpirik sumatzen ez dugula salatu dugu gaur Gasteizen. Izan ere, Eusko Jaurlaritzak ez du zerbitzu publikoen aldeko inbertsiorik egiten, ez dio zerbitzu publikoen ahultze zikloari amaiera eman. Guretzat oso kezkagarria da gobernuak erakutsi duen jarrera.
Urtarrilaren 19ean izandako Mahai Orokorraren saioan, LABek eskaera zuzenak luzatu zizkion gobernuari, batez ere murrizketen garaia amaitu eta kendutako eskubideak berreskuratzearekin zerikusia dutena, eta nola ez enpleguaren gaiarekin negoziazio dinamika abiaraztea, Europako epaiek ezartzen dituzten irizpideak kontutan hartuta. Gure ustez ezinbestekoa da zerbitzu publikoetan lan egiten duten pertsonen lan baldintzak kontutan hartzea, zerbitzuaren kalitatearen aldeko apustua egin nahi bada.
Eusko Jaurlaritzak kontrako bidean aurkeztu ditu aurrekontuak. Zerbitzu publikoetan dagoen benetako egoera ez du ikusi nahi:
-Zerbitzu publikoetako langileak lanera gaixo doaz
-Langileen herena baino gehiago behin-behinekotasunean dago
-Kontratazio sistema iruzurrean egiten da
-Zerbitzu publikoetako langileak ez dira ordezkatzen
-Zerbitzu publikoen eros ahalmenaren galeraren kontura ordaintzen du bankuekin daukan zorra
-Zerbitzuak pribatizatzen jarraitzen dira, diru publikoa esku pribatuetan utziz
Gobernuaren apustua beste bat da; Espainiar estatuak ezartzen duen joko arauen araberako aurrekontu bat osatu, gutxi batzuen interes ekonomikoak kontutan hartzen dituena eta zerbitzu publikoen garapena alboratzen duena.
Aurrekontuetan ikusi ahal izan dugu zein den gobernuaren jarrera, hortik aurrera dena propaganda hutsa da. Ezin diogu onartu Urkullu lehendakariari azken egunetan bota dituenak botatzea. Non daude 9000 lanpostu horiek gaur eztabaidatzen ari diren aurrekontuetan? LABk zuzenean esan dio Jaurlaritzari enplegu plan bat adostu behar dugula, ez du inongo borondaterik izan negoziaziorako, ez enplegu gaietarako ezta murrizketak bertan behera uzteko ere. Eusko Jaurlaritza antzerkigintzan jarraitzen du, eta Lehendakaria eszenatokira jauzi egitea erabaki du.
Lotsagarria da pasa den astean greba egin zuten langile guztiei prentsaren bidez haizeak eramango dituen hitzen bidez erantzutea. Iritzi publikora bideratutako hitzak baino gehiago behar dira zerbitzu publikoak defendatzeko; diru gehiago lanpostuak egonkortu eta sortzeko eta lan baldintzak hobetzeko eta gutxiago banketxe eta enpresa kuttunei banatzeko.
Lehendakariari beraz dei egiten diogu Mahai Orokorraren bilera deitu dezan, langile publikoen egoeraz hitz egin nahi badu hori baita hitz goxoak botatzeko foroa. Dei egiten diogu aurrekontuan behar diren aldaketak egin ditzan, esan duen guztiaren izpirik jasotzen ez dituelako alegia.
