2026-01-12
Blog Page 901

XEYko langileek greba eta lanuzte berriak deitu dituzte enpleguaren defentsan

admin
-
0

Azken aldian salatzen ari garen moduan, XEYko langileok gure lanpostuen bermea eta enpresaren etorkizunaren alde borrokan dihardugu. XEY hartzekodunen konkurtsoan dagoen Zumaiako enpresa da. Langileek hiru soldata dituzte kobratu gabe eta egungo zuzendaritzak ez du enpresaren egoeraren inguruko informaziorik ematen, ez eta etorkizunaren aldeko konpromisorik hartzen ere. Horregatik mobilizazioak areagotzea erabaki dugu.

Hau dela eta, bizi dugun ezjakintasun egoera salatzeaz gain, irtenbide baten alde mobilizazio planteamenduak areagotzea erabaki dugu langileok gaurko batzarrean. Ekainaren 27an, asteartea, egun osoko greba burutuko dute, 28 eta 30ean lanuzteak 8.30etatik 13etara eta uztailaren 3tik aurrera greba mugagabeari ekingo diote.
 

 

 

Ezinbestekoa da eztabaida sozialeko aroa lurperatu eta lan harremanetarako esparru propio baterako oinarriak jartzea

admin
-
0

Nafarroako CCOOeko idazkari Chechu Rodriguezek adierazi du bere sindikatuak interesa duela ELA eta LAB partehartze instituzionaleko organo guztietara sar gaitezen, aurrez aurre dauden bloke sindikal bi egotea gainditzeko. Interpelazio honen harira LABek adierazi nahi du zorigaiztoko eztabaida sozialeko aroa lurperatu eta lan harremanetarako esparru propio baterako oinarriak jartzea ezinbestekoa dela.

Interpelazio horren aurrean, LABek termino hauetan erantzuten du:

1. Diskurtso aldaketa somatzen dugu CCOOen, neurri handi batean egoerak behartuta. Nafarroa aldatu da eta CCOOek bere posizionamendu eta proiekzio sozialean aldatzeko beharra ikusten du. Hala ere, diskurtso aldaketez harago, ez dugu inolako aldaketarik ikusten sindikatu honen lerro sindikal eta politikoan.

2. 60ko hamarkadatik 80koaren erdialdera arte batasun sindikala zegoen Nafarroan lan eskubideen, askatasun sindikalen eta demokrazioaren alde, Nafarroak hitza izan zezan bere etorkizun politiko eta sozialaren inguruan. Batasun hori apurtu zuena CCOO eta UGTk hartutako erabakia izan zen, Del Burgo eta Urralburuk prestatutako Foru Hobekuntza onartzeko, eta 90eko hamarkadatik aurrera “eztabaida sozialaren” klubera sartzea, Patronalarekin batera. Gaur egun, CCOOek ez du bere ibilbidearen inguruko irakurketa kritikorik egin eta indarrean daude orduko erabaki politikoak. Ez dugu somatzen inolako aldaketa estrategikorik CCOOen jarrera.

3. Desegokia iruditzen zaigu CCOOek LAB eta ELA partehartze instituzionaleko organo guztietan sartzea panazea bezala planteatzea. Diskriminazio sindikalaren amaiera, CCOOek 20 urtez babeste eta justifikatu duena, ekinaren poderioz Nafarroako aldaketaren alde apustu egin zuten herritarrek irabazi duten zerbait da. Hala ere, aurrerakuntza horrek ez ditu langile-klasearen arazoak konpontzen eta engainagarria da horrela planteatzea. Arazo nagusia da Estatu espainolean
patronalaren esku utzi dela boterea eta indar korrelazioan dagoen desberdintasun basatiari aurre egiteko ezinbestekoa da honekin konfrontatzea kontrabotere klabeetan. Azken 20 urteetako itxurazko “eztabaida sozialak” ez du Patronal aseezinaren aurpegia garbitzeko besterik balio izan. Lan erreformak baliatuz lan-baldintzak prekarizatzen ari da hau.

4. Guzti honengatik, ezinbestekoa irizten diogu zorigaiztoko eztabaida sozialeko aroa lurperatu eta lan harremanetarako esparru propio baterako oinarriak jartzea. LABek bere prestasuna erakutsi du lan honetan inplikatzeko, baina argi utzita ezin dela aro berririk eraiki zaharra itxi gabe. Ondorioz, beharrezkoa da Eztabaida Sozialarek Kontseilua indargabetzea eta langile-klasearen mesedetan egongo diren neurrien agendari ekitea, maila guztietan Patronalarekin konfrontatzea ekarriko
duena.

 

 

 

Legebiltzarretara eramango dute presoak, iheslariak eta deportatuak etxeratzeko eskaera

admin
-
0
Legebiltzarretara eramango dute presoak, iheslariak eta deportatuak etxeratzeko eskaera

Lan mundutik sortutako dinamika bat da Ireki, eta joan den larunbatean, Gasteizen egindako mobilizazioarekin, amaitu zuen bere ibilbidea. Langileen artean jasotako sinadura kopuruaren berri asteburuan eman zuten, eta gaur Foro Sozial Iraunkorreko kideen esku utzi dituzte sinadurak: 80.229 sinadura, hain justu.

Felix Cañada eta Paul Rios ikuskatzaile lanetan aritu dira gaur Bilbon egindako agerraldian; sinaduren notaritza lana egiten, alegia. Ondoren, Foro Sozial Iraunkorreko kideek iragarri dute preso, iheslari eta deportatuak etxerako bidean jartzeko langileen eskaera legebiltzarretara eramango dutela.

Irekiko ordezkarien hitzetan, "bildutako sinadurek badute garrantzia kualitatiboa, eta eragina izatea ere nahiko genuke. Gure ekimena, langile xumeek bultzatutako ekimena izanik, ez dugu uste egokiena denik bildutako elkartasun hori guztia kudeatzeko; badira instituzioetan edo nazioartean esperientzia zabalagoa duten eragileak gure herrian. Haien artean bada bat azken aldian preso, iheslari eta deportatuen etxeratzea modu zabal batean ladun duena: Foro Soziala, hain zuzen ere. Foro Sozialak, gainera, bere baitan biltzen ditu, besteak beste, Euskal Herriko sindikatuak eta gai honetan diharduten elkarteak".

Foro Sozialeko ordezkariek, bere aldetik, aipatu dute presoen auzia konpontzeko "alderdi politikoen eta sindikatuen arteko elkarrizketa bateratzaile eta transbertsala" hasteko baldintzak badaudela. "Alderdi politikoen eta sindikatuen arteko akordio hau, bigarren fase batean, beste akordio zabalago bat erdiesteko oinarria izango da. Bigarren akordio haue ere triangulazioan oinarritua egongo da: alde batetik, Eusko Jaurlaritza, Nafarroako Gobernua eta Ipar Euskal Herriko Elkargoa; beste alde batetik, presoak; eta hirugarrenik, gizarte zibila. Molde hau baliagarria izan da orain arte, eta Foro Sozial Iraunkorrak uste du presoen auzia konpontzeko ere baliagarria izango dela", azaldu dute.
 

 

 

Babes sozialerako sistema publiko eta duin bat aldarrikatu dugu feministok

admin
-
0
Babes sozialerako sistema publiko eta duin bat aldarrikatu dugu feministok

Euskal Herriko Eskubide Sozialen Kartan gauden eragileok eta mugimendu feministak elkarretaratze bat egin dugu gaur Bilbon, Eusko Jaurlaritzaren egoitzaren aurrean, "Feministok babes soziala defendatu!" leloarekin. "Zuen murrizketak, gure zama" leloa izan dugu ahotan protestan bildu garenok.

Hauxe da gaurko protestaren harira kaleratutako adierazpena:

Murrizketak. Murrizketak eta murrizketak. Hori da Eusko Jaurlaritzak, EAEn, pobrezia egoeran aurkitzen diren 69.000 pertsonentzako pentsatu duen irtenbidea. Murrizketak eta pobrezia gehiago.

Maiatzaren 31n Araba, Bizkaia eta Gipuzkoako Enplegu eta Politika Sozialetako Departamenduak prestazio sozialerako sisteman egin zuen erreformaren neurriak iragarri zituen. Neurriok, orain arteko ildoari jarraituz, prestazioak jasotzeko baldintzen gogortzea ekarriko dute.

Azken urteetan etengabea eta oso gogorra izan da babes sozialeko sistemak jasandako erasoa.

-2012.urteaz geroztik, aurrekontuetan %7ko murrizketa pairatu du.

-Prestazioak eskuratu ahal izateko baldintzen gogortzea

-SMI-aren %8ko igoera Lanbidek kudeatzen dituen jendarte laguntzetan ez aplikatzeko erabaki hartu berrria.

Horrez gain, jakin berri dugunez, RGI-ko erreformaren puntuetako bat izango da etxe bakoitzeko diru- laguntza bakarra eskatu ahalko dela. Erabaki honekin lan baldintza prekarioak dituzten pertsonen etxebizitzarako eskubideak mugatzeaz gain, familia eredu normatiboaren aldeko apustua da, egungo errealitateari ezikusiarena egiten diona eta bizikidetza mota desberdinen aukerak argi eta garbi urratzen dituena.

Murrizketa hauek salatu eta lehengoratzea exigitzeko, apirilaren 1ean Bilboko kaleetan milaka herritar mobilizatu ginen.

Sistemaren etengabeko erasoen salaketari, Beatriz Artolazabalek zuzentzen duen Departamenduak gidaturiko eta hainbat komunikabidek hauspoturiko kriminalizazio kanpaina arbuiatu nahi dugu. Era berean, prestazioak jasotzen dituzten pertsonei haztarna digitala ezartzea ozen salatu behar dugu.

Lan baldintzetan pairatzen ari garen prekarizazio bortitzak, handitu egin du arrakala soziala eta langile pobreen kolektiboa gero eta zabalagoa da. Langile hauek enpleguaren bidez ez dituzte diru-sarrera nahikoak lortzen eta behartuak daude prestazio sozialak eskatzera, ongizate duina bermatu ahal izateko.

Testuinguru honetan, emakumeok gara kaltetunetakoak, gu baikara, adibide bat jartzearren, kontratu partzialak dituztenen %30,8a. Eta emakumeon prekarietate maila altua, langabezia, soldata-arraila (brecha salarial delakoa) eta feminizatutako lanbideen desbalorizazioa gutxi balitz, dohainik egiten dugun lana ezin ahaztu. Gu gara sistema honek funtzionatzeko behar dituen zaintza lanak dohainik egiten ditugunak eta bizirauteko oinarrizko beharrei erantzuten diegunak estatuek bere ardurak betetzen ez dutenean. Horregatik, eskubide sozialetan egiten duen murrizketa bakoitza gure bizkarrean zama handia da.

Ez dugu onartzen. Nekatu gara motxila handi eta pisutsu hauek eramateaz. Babes soziala ez luxua, gure eskubidea da. Emakume langileak gara, lana soberan dugu eta enplegu duina faltan. Eusko Jaurlaritzaren politika antisozialek jendartearen bazterretara eta miseriara garamatzate. Feministok badakigu alternatibak badaudela: bizitza duina eta burujabea ahalbidetuko duen Babes Sozialerako sistema publiko, propio, duin eta kalitatezkoa nahi dugu.

Bizitza burujabea eskubide osoz!
Murrizketa gehiagorik ez!
Pobrezia gehiagorik ez! Gora borroka feminista!

 

 

 

EAJren harrokeriari planto egin diogu langileok

admin
-
0
EAJren harrokeriari planto egin diogu langileok

Nagusikeria, eskubide sozialen murrizketak, patronalarekiko etengabeko morrontzak berehala amaitu behar dute eta mobilizazioa garrantzitsua da politika anti-sozial hauek baldintzatzeko. Horregatik LABek elkarretaratze bat egin du gaur Gasteizen, EAJren egoitzaren aurrean, Andramari Zuriaren plazan. Ekainaren 29an, osteguna, 18:30ean, Aguraingo Udalaren aurrean egingo dugu protesta.

Azken asteotan erakustaldi argi eta sendoa egiten ari da EAJ, PPrekin estatu mailako aurrekontuak adostu ondoren, biek partekatzen duten egitasmo sozioekonomikoak sakonduz eta bere forma prepotenteak ere kopiatuz.

Itxaron zitekeen zerbait zen, Europa zaharreko alderdirik ustelenarekin akordioa egin ondoren, miseria eta murrizketa zabaltzeko bere botoak emantez, langile eta herri sektoreok izatea EAJren benetako errezeten jomuga gure lan-eskubideak murrizteko.

Horrela, DSBE arautzeko proposamenarekin topo egiten dugu. Hemen ere beharrizan sozialekiko arrotzak diren interesak lehenesten dituzte, betikoei mesede egiten dieten politika fiskalekin. Kudeatzaile jeltzaleek ez dute beharrizan sozialekiko axola handirik erakusten.

Kudeaketari dagokionez, Urtaran Gasteizen egiten ari drenak Alfonso Alonso eta Marotoren garairik okerrenetara garamatza, larderia, intransigentzia eta inposiziora. FCCko gatazkan ikusten ari gara, langileak trukerako txanpon bezala erabiltzen ari baita enpresarekiko negoziazioetan, langileen eta herritarren interesa bilatu beharrean. Bere jarrera prepotentea da udal langileen eskariekiko. Hauek asteak daramatzate borrokan negoziaziorik ez dagoelako eta orain, batzartzeari ere uko eginten dio. Bere intrantsigentzia nabarmen geratu da Errekaleor auzoan autogestioan eta berdintasunean oinarritutako gizarte egitasmo bat garatzen ari diren pertsonekiko. Kasu honetan, alkatearen jarrera, larderia txuskerotik gertu geratzen da.

Baina, ezin zitekeenez bestela izan, aldarrikapen sozial eta laboralen aurrean erakusten duen larderia guztia lausotu egiten da patronalaren etengabeko eskariek aurrean. Are gehiago, EAJ SEAren Asanbladan egoten da honi babes politikoa adierazteko, eta hemen, politika fiskalak zein izan behar duen esaten diete. BSH Boscheko enpresa-batzordeari aldiz, tratu guztiz desberdina ematen diete, mobilizazioak bertan behera utz ditzaten ahaleginduz bizi duten benetako ziurgabetasun egoera gutxietsiz. Enpresari lana egiten diote langileak isiltzeko, Euskal Herri osoan zehar lantegiak itxiz ari den BOSCH multinazionalari, hain zuzen ere.

Patronalaren beharrizanak EAJ berarenak izaten dira asko: irabaziak gehitu eta gastuak murriztu, azken hau indarrean dagoen hitzarmena ez ezartzearen kontura bada ere, EAJren agintepean dagoen Aguraingo Udalean gertatzen den bezala. Hemen, gaztelekuko enpresa kudeatzailearekin adostuta, Arabako aisia hezitzailea eta animazio soziokulturaleko hitzarmen berria ez aplikatzea erabaki dute, “merkeago ateratzen zaielako” (sic).

Nagusikeria, eskubide sozialen murrizketak, patronalarekiko etengabeko morrontzak berehala amaitu behar dute eta mobilizazioa garrantzitsua da politika anti-sozial hauek baldintzatzeko. Horregatik irten gara gaur kalera.
 

 

 

Hainbat sindikatuk LABeko sei kidek Altsasun jasandako jazarpen poliziala salatu dute

admin
-
0

CUT (Aragoi), CIG (Galiza), CSI (Asturies), COS (Katalunia), IAC (Katalunia), CSC (Katalunia), Intersindical Valenciana, Confederación intersindical (Estatu Espainiarra), CUT (Aragoi), SAT (Andaluzia) eta Solidaires (Estatu Frantsesa) sindikatuek LABeko zuzendaritzako sei kidek Altsasun jasandako jazarpen poliziala salatzen duen idatzi bat adostu dute. Bestetik Brasilgo CTB eta Argentinako CTA Autonoma sindikatuen elkartasun mezua jaso dugu.

LABeko sei kidek jasandako jazarpen poliziala salatuz hainbat sindikatuk adostutako idatzia

"Denuncia la persecución policial sufrida por seis miembros de la dirección de LAB en Altsasu

Los sindicatos rmantes queremos denunciar la persecución policial sufrida por seis miembros de la dirección LAB cuando iban de camino a la sede de Altsasu con motivo de una reunión habitual de trabajo. A nales de la pasada semana, la Guardia Civil les paró en un control y retuvo a alguno de ellos durante casi una hora.

En ese lapso de tiempo, los agentes examinaron documentación de las y los miembros de la dirección de LAB. En este sentido, lo más grave ocurrió cuando una persona en concreto, torturada en su día a manos de la Guardia Civil, recibió la mofa de los agentes. Es por ello que queremos manifestar lo siguiente:

1) A esto se le llama espionaje contra el independentismo. No hay argumento que justi que que la Guardia Civil lo hiciese en términos de seguridad. Lo hizo desde un punto de vista de espionaje y persecución personal, tal y como quedó corroborado con la actitud intimidatoria con la que actuaron.

2) En vista del tiempo que pasaron retenidos en el control y el clima de excepcionalidad creado, el objetivo no fue otro que obstaculizar la labor política y sindical de las y los militantes de LAB, mediante persecución política y personal.
3) Continúan tratando el tema de la tortura con total crueldad e impunidad, lejos del reconocimiento, el respeto y la reparación de las víctimas de la tortura.

4) No es casualidad que esto sucediese en Altsasu. El pueblo de Altsasu viene sufriendo y denunciando la persecución policial que padecen sus vecinas y vecinos, circunstancia que tiene in uencia directa en la vida cotidiana y en el proceso de normalización democrática. Las fuerzas armadas españolas tienen a Altsasu en situación de excepción. No queremos perder la oportunidad de mostrar nuevamente nuestra solidaridad con el pueblo de Altsasu y de exigir la inmediata puesta en libertad de los/as jóvenes encarcelados/as.

5) La persecución policial y las continuas amenazas continúan, síntoma inequívoca de la negación que sufre el pueblo Vasco para alcanzar la normalización política y democrática.

6) Se deben dar pasos para la desmilitarización si se quiere resolver el con icto. Los estados tienen la responsabilidad de desactivar la ocupación militar y la amenaza armada que planea sobre las decisiones democráticas que se puedan tomar en Euskal Herria. El desarme de los estados es necesario.

7) Mostramos toda nuestra solidaridad con el Sindicato LAB y especialmente con las personas que padecieron el asedio policial en Altsasu. Exigimos que de inmediato cese todo acoso a la acción sindical de LAB."
 

 

EITBko albistegietako zuzendaritzak FOCUSen informazioa eginda ematen die kazetariei

admin
-
0

EITBko LABek albistegietako zuzendaritzaren jokabide partidista, antiprofesionala eta manipulatzailea salatu nahi du. Izan ere FOCUS delako inkestaren emaitzen informazioa ekoizteko garaian, kazetariek beharko luketen dokumentazioa eman ordez, lerroburuak baino ez dizkie eman izan, hauen lana ahotsa eta sinadura jartzera mugatzen saiatuz.

Gizaker enpresak asmatu du FOCUS izena duen EAJaren aldeko propoganda bitartekoa. “Txosten sozio-politiko” hau boto asmoei buruzko inkesta sorta besterik ez da, nahiz eta ETAren armagabetzeaz ere hainbat galdera sartu dituzten, seguruenik FOCUSen benetako asmoa maskaratzeko. Gizakerrek EITBrako egin ohi du lan hauteskunde kanpainen inguruetan.

Oraingoan, FOCUS horren barruan, udaletarako eta batzar nagusietarako dagoen boto asmoa aztertu du. Alkate eta Ahaldun Nagusien balorazioa ere agertzen da, egiten ari diren kudeaketa, bi alderdi EAJren eta PSEren arteko akordioa… Inkestaren emaitzak ez du zalantza izpirik uzten, agintariok oso ondo egiten dutelako eta bi alderdion arteko hitzarmena ezinbesteko delako gizartearentzat.

Antzematen da FOCUS oso baliabide ona dela erakundeen, alegia EAJren, irudia goraipatzeko eta etorkizunari begira bidea “sasiz garbitzen” joateko. Dire publikoa erabiltzen da horretarako, jendarteak jakin barik ze aurrekontua duen FOCUSek eta ze bizi iraupena izango duen. Ez gintuzke harrituko legegintzaldia amaitu baino lehen FOCUS gehiago etortzea EAJren interesak babesten jarraitzearren.

FOCUS bera filtratuko ez ote den aitzakiaz, inkesta oso bahetuta heltzen da, oso “kozinatuta”. Osorik heldu beharrean, orri bat hamar bat lerro bururekin izan da eskaintzen den lan egiteko materiala, ez inkesta osorik. Azkenean osorik eukitzea lortu da kazetariek eurek eskatu dutelako erabateko ikuspegia euki eta ahalik eta objektibitate handienarekin lantzeko. EITBko LABek berriro dio, erredakziora, kazetariengan, inkestaren emaitzak oso bideratuta heldu izan direla orain arte. Inkesta honezkero nahiko bideratuta egongo ez balitz bezala, EITBko albistegietako zuzendaritzak mezua are zuzenduago bideratu behar zela erabaki du.
 

 

 

Langile bat hil zen atzo Sukarrietan, lan istripuz

admin
-
0
Langile bat hil zen atzo Sukarrietan, lan istripuz

Gaur jakin dugu, atzo lan istripua gertatu zela, eta horren ondorioz 45 urteko langile bat hil zela. Saneamiento Sukarrieta aldi baterako enpresa elkarteko langilea zen. Saneamiento Sukarrietari esleitu zitzaizkion URAk bultzaturiko Mundakako itsasadarreko ezkerraldean kolektora egiteko lanak, Sukarrieta eta Lamiarango hondakin uren araztegiaren arteko tartean.Ekainaren 23an, elkarrateratze bat egingo dugu Bilbon, gehiengo sindikalak deituta. 11:30ean izango da, Eusko Jaurlaritzaren egoitzaren aurrean.

LAB sindikatuak lehenik eta behin gure dolumina eta elkartasuna adierazi nahi dizkiegu beraien familia, lagun eta lankideei.

Dagoeneko 2017an Euskal Herrian gutxienez 30 langile hil dituzte euren lanpostuetan edo horien ondorioz, 3 Araban, 10 Bizkaian, 12 Gipuzkoan eta 5 Nafarroan.

Langilea garbiketa lanetan ari zen lan eremuan atzo; baina, bat-batean gaizki sentitu zen, eta premiaz eraman zuten ospitalera, 15:30ean. Ospitalean bertan hil zen. Oraindik argitzeko daude zerk eragin zion heriotza. Baina LABen ustez lan istripu honen atzean bero kolpe bat dago, atzo 15.30etan ez zen momentu onena garbiketa lanak egin ahal izateko. Lan baldintzek lan istripuei eragin dietela esaten dugunean esan nahi dugu lan baldintzak guztiak direla, eta horren barruan tenperatura ere bai. Azken egunetan medio guztietatik gogorarazi digute alerta-egoeran gaudela (horia edo laranja) baina ez dute kontuan hartzen horrek ere bere eragina daukala laneko baldintzetan, OSALANek ez du ezer esan. URA (Uraren Euskal Agentzia) bezalako enpresa publiko batean oinarrizko neurri prebentiboak bete behar dituzte, baina horretarako, konpromiso politiko beharrazkoa da gaur egungo egoera mugiarazteko. Baina tamalez, administrazio publikoek (baita PNVek ere) kontrako bidea egin nahi dute eta horren ondorioa da lan istripuak eta osasun galerak.

Egoera hauek ekidin daitezen gaur egungo lan baldintzak txarrak aldatu behar ditugu, esate baterako, interes ekonomiko gainetik langileen segurtasuna, osasuna eta bizitza bermatu behar dela.

Hori dela eta azkenengo lan istripu hilgarria salatzeko ekainaren 23an ostirala elkarrateratzea egingo dugu Bilbon gehiengo sindikalak deituta, hau da, ELA, LAB, STEILAS, EHNE eta HIRUk. 11:30ean izango da, Eusko Jaurlaritzaren egoitzaren aurrean, Gran Via 85ean.
 

 

 

Liher Aretxabaletari elkartasuna adierazi diote Bilbon

admin
-
0
Liher Aretxabaletari elkartasuna adierazi diote Bilbon

Bilboko Alde Zaharreko auzokideek Liher Aretxabaletaren kontrako epaiketa salatu dute gaur, ‘Liher auzoan eta libre’ dinamikaren baitan. Hain zuzen ere, ekainaren 28 eta 29an Madrileko Audientzia Nazionalean epaituko dute, eta agerraldian bildutakoek salatu dute epaiketak gatazkaren konponbidearen bidean beste kolpe bat dela.

Hauxe da agerraldian irakurri duten adierazpena:

Gaurkoan Alde Zaharreko auzokidea dugun Liher Aretxabaletaren kontrako epaiketaren salaketa zabaltzeko deitu zaituztegu.

Liher, Ekainaren 28 eta 29an Madrileko Audientzia Nazionalean epaitua izango da. Liher auzoan eta libre dinamikaren izenean epaiketa honek gatazkaren konponbidearen bidean beste kolpe bat suposatzen duela salatu nahi dugu. Euskal Herriak nahi eta desira duen bake eskenatoki bat lortzeko bidean beste traba bat da, bakea egonkortzeko bidean beste atzera pauso bat. Liherren kontrako epaiketa iraganean kokatutako mendeku politika bateri erantzuten dion espainiar estatuaren estrategia errepresiboaren baitan kokatzen dugu, Euskal Herrian bake eskenatokiak oztopatzeko helburua jarraitzen duena. Estatu espainolak garaile-garaitu eskeman kokatu nahi du gatazkaren konponbidea, bake eta normalizazio politikoaren helburuen aurrean antzinako gerra eskema gailenduz eta gatazkaren konponbidean aurrera pausoak emateko haien borondate eza azaleratuz.

Guk argi eta garbi diogu: hau ez da bidea.

Estatuen blokeo estrategiaren aurrean, gizarte zibilak bakeari eta konponbideari bidea irekitzeko arduraz jokatzea erabaki du. Horren adibide argia da esaterako ETAk konponbideari bideak zabaltzeko helburuz armagabetze prozesua bideratu izana, eta horrekin batera, berau babesten euskal jendarte zabalena egon izana. Hala ere, Estatuen jarrera ez da aldatu. Euskal jendarteak aurrera egiteko urratsak ematen dituen bitartean, estatuen salbuespen politikak bere horretan jarraitzen du, eta epaiketa hau horren adierazle garbia da.

Bakearen bidean kartzelak uztu beharrean, hauek betetzen jarraitzen du espainiar estatuak; etorkizuna eraikitzen lagundu beharrean, iraganean anklatu eta aurrera pausuak emateko oztopoak besterik ez ditu jartzen; baina guk, gurean jarraituko dugu.

Liher auzoan eta libre dinamikatik argi daukagu batasun politiko eta soziala beharrezkoa dela blokeo egoera hau gainditzeko eta kaleak aldarriz bete behar ditugula bake eskenatokiak defendatu eta estatuen jarrera errepresiboa salatzeko. Ez dugu bakearen eta konponbidearen aurkako erasorik onartuko, eta are gutxiago gure auzokide baten aurkako epaiketa bat!

Horregatik, lanean jarraituko dugu, kaleak aldarriz beteko ditugu, salatzen segiko dugu…eta nola ez, Liherri gure maitasun beroena helarazten jarraituko dugu.
Euskal jendarteak argi eta garbi adierazi du bakea eta askatasuna nahi duela. Bere kide, lagun eta auzokideok ez dugu konponbidearen kontrako eraso gehiagorik onartuko!

Liher zurekin gaude!!!
 

 

 
1...900901902...1,583Page 901 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus