2025-12-19
Blog Page 1236

Borrokaren bitartez lehen lortutakoa berreskuratu behar dugula aldarrikatu du Hernaniko LABek

admin
-
0
Borrokaren bitartez lehen lortutakoa berreskuratu behar dugula aldarrikatu du Hernaniko LABek

Urumeako Kronika.- Langileen Nazioarteko Egu­nean, Maiatzaren 1ean, deitutako manifestazioaren berri emateko prentsaurrekoa eman zuen ostegunean Hernaniko LABek.

Egun horretako manifestazioetako bat Hernanin egingo da, 12:00etan Gudarien Plaza­tik abiatuta. Eskualdeko ma­ni­fes­tazioak antolatu dituztenez, Buruntzalde mailakoa izango da Hernanikoa, baina gehiago ere egingo dira Donostian, Beasainen eta Tolosan, «herritar guztiengana iristeko».

«Krisiaren aitzakiarekin buelta eman zaio lortutako guztiari»
Maiatzaren 1ean aldarrikatu nahi dena zer den azaldu zuen atzokoan LAB sindikatuak. «Orain urte batzuk lortu ziren eskubide batzuk: langileen estatutua, 40 orduko gehienezko lanaldiak zehaztea, marko edo hitzarmen probintzial eta autonomoak… Krisiaren aitzakiarekin buelta eman zaio lortutako guztiari; 2013ko uztailaren 7an hitzarmen kolektibo gehienak erori ziren. Eta hori dena lortu zen borrokarekin, sufrimenduarekin, konfrontazioarekin. Mar­txo­a­ren 3koa langileen arteko kon­fron­tazioa izan zen, oso gogorra. Eta gaur egun ere konfrontazioa behar da, negoziazioak itxi gabe, baina konfrontazioa. Gure indarra kalean dago. Lehen lortutakoa berreskuratu behar dugu, borrokaren bitartez».

LABen ustez, «krisia iruzur haundi bat da, aberatsak aberatsago eta pobreak pobreago egin dituena». Horren aurrean «borrokaren garrantzia azpimarratu» nahi du sindikatuak. «Azken 3-4 urteetan bospasei greba orokor eta beste 3 bat sektorial egin ditugu».

«Irtenbidea da bertan erabakitzea»
Egungo egoerari aurre egiteko «erabakitze eskubidearen ga­-rr­antzia» azpimarratu zuen LABek atzokoan. «Erabakitze eskubidearen premia langile mugimendura ekarri nahi dugu. Horregatik, manifestazi­oaren leloa: Langileok erabaki. Eus­kal Herriak erabaki dezan».

Bestelako jarraibide batzuk ere baditu LABek, baina «bertan erabakitzea ezinbestekoa» dela uste du. «Sindikatuen batasun estrategikoaren alde egiten jarraitzen dugu, ELA-LABen artekoa, nazio mailako eraikuntzan. Konfrontazioak egongo lirateke, baina horrela lortuko genituzke eskubideak denontzat. Ez bakarrik afiliatuta daudenentzako edo lanean ari direnentzako, baizik eta guztientzako eta langabetuen­tzako. Onena dira negoziazio kolektiboa eta hitzarmen probintzialak. Baina aldarrikatzen dugu bertan erabaki behar dela. Euskal Herrian erabaki, neurriak hartu, zein motatako marko eta Euskal Herria nahi ditugun…».

«Talde kolpatuenen defentsa»
Hau guztia aldarrikatzeaz gain, LABek ekitaldia egingo du Maia­tzaren 1ean, manifestazioaren ondoren, «talde kolpatuenak defendatzeko: hezkun­tza eta osasungintzaren pribatizazioaren eragina jaso dutenak; emakumeak, oso egoera prekarioan daudelako; langabetuak, gero eta gehiago direnak; gazteak; eta negoziazio kolektiboaren arazoak eragindakoak».
 

 

 

LAB llama a los y las trabajadoras de Araba a reivindicar en Primero de Mayo la soberanía política, económica y social de nuestro pueblo

admin
-
0
LAB llama a los y las trabajadoras de Araba a reivindicar en Primero de Mayo la soberanía política, económica y social de nuestro pueblo

Representantes de LAB en Araba han comparecido en rueda de prensa para presentar las movilizaciones previstas para el Primero de Mayo y hacer un llamamiento a los y las trabajadoras de la importancia de mobilizarse en defensa del empleo y unas condiciones dignas de trabajo y en contra de reformas e imposiciones.

LAB llama a los y las trabajadoras de Araba a salir el primero de Mayo para reivindicar la soberanía política, económica y social de nuestro pueblo
Prentsaurrekoaren edukiak

Hace un año, hacíamos balance de los costos económicos y sociales de la crisis económica para la clase trabajadora. Desmantelamiento de empresas, despidos, EREs, recortes laborales,…. Una lista que, más allá de fríos datos estadísticos, nos mostraba la verdadera cara del neoliberalismo: miseria, destrucción de empleo, bolsas de marginación y pobreza y un largo etcétera que se extiende a toda la sociedad.

Esta dinámica ha conducido a una involución donde los derechos sociales y laborales han pasado a ser absolutamente prescindibles para quienes controlan el poder económico y financiero. Para la clase trabajadora esta situación supone, ante todo, indefensión, sueldos miserables y dejar de ser dueños de nuestro tiempo y futuro. La patronal plantea una relación de supeditación, donde, individualmente, tú vas a tener que ir a acatar las condiciones que te impone el empresario, porque el chantaje de «esto es lo que hay, o si no al paro» es real.

El SEA, CONFEBASK, los diferentes círculos empresariales no han inventado nada nuevo. No han diseñado un nuevo modelo de relaciones laborales, sencillamente han regresado a un tiempo donde los derechos laborales estaban por conseguir. Hoy en día, tener un empleo no es garantía de unas condiciones de vida dignas.
Ante estas agresiones a los derechos socio-sindicales, LAB plantea la necesidad de ser agentes activos en la construcción de un nuevo modelo social. No podemos permitir que la patronal siga aplicando viejas recetas, basadas en el chantaje y la prepotencia.

Estamos en puertas de un nuevo periodo de elecciones sindicales, donde confrontaremos los diferentes modelos sindicales, esos que se comprometen con el PP y el PSOE para ejercer de muro de contención de la respuesta social eintentan trasladar el modelo social del estado español (firma de convenios a la baja, en minoría, freno movilizaciones sociales,…) o los que apostamos por una ruptura y un cambio social y económico.

A la vez que nos afianzamos en nuestro espacio natural, los centros de trabajo, no olvidamos nuestra responsabilidad para exigir el derecho a decidir sobre el modelo económico y social del que queremos dotarnos de todos y todas las trabajadoras.Para LAB, esta crisis requiere una estrategia propia, una estrategia que nos permita generar nuestra propia alternativa y recorrer nuestro propio camino con ella. En este Primero de Mayo nos reafirmamos en nuestra apuesta por la soberanía política, económica y social de nuestro pueblo. La soberanía no como anhelo de futuro, sino como vía para darle la vuelta a esta situación.

 

 

 

 


Lasterbidean. Nazio elkartasun lasterketaren II. edizioa maiatzaren 18an Larrabetzun

admin
-
0
Lasterbidean. Nazio elkartasun lasterketaren II. edizioa maiatzaren 18an Larrabetzun

Datorren maiatzaren 18an, LASTERBIDEAN nazio elkartasun lasterketaren II. edizioa burutuko da Larrabetzun. Errepresaliatuen eta beraien gertukoen eskubideen aldeko ekimenen honek lasterketan emandako urratsak elkartasun keinu bihurtzea du helburua.

Ekimenaren inguruko informazio guztia www.lasterbidean.com
webgunean topatuko duzu.

IBILBIDEAREN BIDEOA

LASTERBIDEAN 2013 | Laburpen ofiziala

 

 

 

AHT Gelditu! Elkarlanak hitzordua eskatu dio EAJri abiadura handiko trenaren inguruan hitzegiteko

admin
-
0
AHT Gelditu! Elkarlanak hitzordua eskatu dio EAJri abiadura handiko trenaren inguruan hitzegiteko

Euskal Herriko AHTren aurkako Koordinakundea Sanbin Etxean izan da gaur EAJri abiadura handiko trenaren gaia jorratzeko hitzordua eskatzeko. AHT Gelditu! Elkarlanak Euskal Y proiektuaren eraikuntzak eragin ekologiko, ekonomiko eta sozial garrantzitsua dakarrela deritzogu eta beharrezko jotzen du gai hauen aurrean hitz egin eta proiektuaren egoeraz herria informatzea.

AHT Gelditu! Elkarlanak EAJri igorritako eskutitza

EAJ-PNV
Sede del PNV-Sabin Etxea
Ibáñez de Bilbao, 16 – Sabin Etxea
48001 Bilbao (Bizkaia)
Bilbon, 2014ko apirilaren 24an

Agur t´erdi:

Euskal Herriko AHTren aurkako Koordinakunde den AHT Gelditu! Elkarlanetik, abiadura handiko trena dugun, Euskal Y proiektuaren eraikuntzak eragin ekologiko, ekonomiko eta sozial garrantzitsua dakarrela deritzogu gaurkoan. Horregatik, inoiz baino arrazoi gehiagorekin, zuekin hitzordua egitearen beharra ikusten dugu, non, jarraian doazkizuen gaiak jorratzea eskatzen dugun:

– Bizi dugun egoera sozioekonomiko zaila dela eta, aurrekontuen eta oinarrizko eskubide sozialen murrizketa gogorren ezaugarriak dituela ikusirik, gure ikuspegitik, euskal jendartearen premiazko beharrei erantzuten ez dien Euskal Y-ren eraikuntza proiektua aurrera eramatea ez dela zuzena deritzogu.
– Herritar garenok, politikari-klaseak, momentu oro, kudeatzea egokitzen zaion gai publiko desberdinetan hartzen dituen edo hartzeko asmoa dituen erabakiez informatu behar gaituela pentsatzen dugu. Hori dela eta, AHTren proiektuari buruzko gardentasuna eta informazio publikoa herritarrentzat, oinarrizko eta nahitaezko zerbait izan behar duela uste dugu, eta horregatik, espainiar gobernuko ordezkariekin eginiko bilera desberdinetan Euskal Y deritzaion abiadura handiko trenaren eraikuntzari buruz, era publikoan eta irekian, ezagutzera ematea eskatzen dizuegu.
– Azken hilabeteotan, albistegi desberdinetan publiko egin da Madrilek Eusko Jaurlaritzarekin AHTrekin loturiko zor ekonomiko batzuk kitatu gabe dituela oraindik, Lakuak beharrezko kreditu ezberdinak ordaindu behar dituelarik AHTko lanek garatzen jarrai dezaten. Egoera hau ikusirik eta lehenengo beharren zerbitzu publikoen aurrekontuen murrizketa gogorrak izatearen egungo ezaugarri zailak ditugularik, ez dugu AHTren lanekin jarraitzeko erabakia partekatzen. Argi dago Madriletik gaurkoz ez datozela jaso beharreko diru guztiak.
Politikariek herritarrei hitza entzun behar dietela uste dugu, beraiei zor baitie. Beraz, zuekin bilkura izan ala ez independenteki, bidezko deritzogu, AHTren proiektuaren egoeraz zein espainiar gobernuko ordezkariekin izandako azken bilkuretako edukiez herriari informatzea, non, ez dugun uste AHTren proiektuari buruz azken aldi honetan guztiz informatzen ari zaretenik. Zuen erantzunaren zain agurtzen zaituztegu,

AHT Gelditu! Elkarlana

ahtgelditu@ahtgelditu.org
www.ahtgelditu.org



  

 

 

Incoesako langileek Eusko Jaurlaritzak egindako txostena beranduegi datorrela salatu dute

admin
-
0
Incoesako langileek Eusko Jaurlaritzak egindako txostena beranduegi datorrela salatu dute

Enpresaren itxieraren eta ekoizpenaren deslokalizazioaren kontra 333 egun greban daramatzaten Incoesako langileek Eusko Jaurlaritzak EEEaren inguruan egindako txostena ez dela nahikoa eta beranduegi heldu dela salatu du. Espedientearen inguruko erabakia epaileraren esku dagoen honetan, mobilizazioak iragarri dituzte EEEaren arrazoiak deusezta daitezen exijitzeko.

INCOESAKO LANGILEOK EZ GAUDE GUSTORA EEEAREN INGURUAN EUSKO JAURLARITZAK EGINDAKO TXOSTENAREKIN ETA MOBILIZAZIOAK IRAGARRI DITUGU EPAILEARI EEEAREN ARRAZOIAK DEUSEZTA DITZAN EXIJITZEKO
Incoesako langileen prentsaurrekoaren edukiak

Incoesako langileok, enpresaren itxieraren eta ekoizpenaren deslokalizazioaren kontra 333 egun greban daramatzagun honetan, EEEaren harira Eusko Jaurlaritzako lan arloan egindako informearen inguruko balorazioa egin nahi dugu.

Bilboko Merkataritza epaitegiak enpresak martxan jarritako lekualdatzeak baliogabetu ondoren, enpresak ez du bere helburua bertan behera uzteko asmorik. Ondorioz, urtarrilean, Bediako langile guztiak kaleratzeko EEEa aurkeztu zuen.

EEEaren kontsulta epealdian, Incoesako langileok ekoizpena Bedian mantentzeko akordioa lortzeko borondatea erakutsi dugu. Enpresak ordea ez du bere jarrera aldatu, ondorioz, martxoaren 13an akordiorik gabeko akta sinatu behar izan genuen.

Horregatik, Merkatzaritza Epaitegiak erabakia hartu aurretik, Eusko Jaurlaritzak dagokion txostena egin behar izan du.

Eusko Jaurlaritzak orain arte mantendutako posizioa aldatu duen arren, egindako txostena ez dugu modu positiboan baloratzen. Txosten honetan enpresak aurkeztutako arrazoiak onartzen ez dituen arren, ez da nahikoa eta beranduegi heldu da.

Ezin dugu ahaztu, Autoritate laboralak, azken informe honetara arte enpresaren jarrera eta lanpostuen suntsiketa oinarri izan zituen enpresaren proposamenak ontzat eman dituela. Lanaldia eteteko EEEen eta lekualdatzeen aurka epaileak emandako sententziek eta orain arte egindako mobilizazioek lortu dute Eusko Jaurlaritzak lanpostuak suntsitzea helburu izan dutenen jarrera ontzat ez ematea.

Langileak egunez egun lanpostuen eta ekoizpen unitatearen defentsan borrokan ibili diren bitartean, Eusko Jaurlaritzak Incoesari 2.000.000 euro eman dizkiola jakin dugu, horrela deslokalizazioa finantzatuz. Arantza Tapia Sailburua ez da gai izan langileekin bildu eta beraiekin jarduera bertan gelditzeko planaren inguruan hitz egin, edota enpresari jasotako dirua itzularaztea exijitzeko.

Denbora guzti honetan, argi gelditu da posiblea eta beharrezkoa dela Bediako lan zentrua bertan mantentzea, baina instituzioen borondate eta erantzukizun eza izan dira aukera hori baztertuarazi dutenak. Azken txosten honek, orain arte bezala, erantzukizuna beste baten gainean uztea du helburu.

Orain epaileak hartu beharko du EEEaren inguruko erabakia. Jakin badakigu, epaileak ez duela berriz ere gure lanpostuak itzultzeko gaitasunik, baina hemendik, orain arte bezala jokatu eta lekualdatzeekin egin zuen bezala, kaleratzeak ezbidezkoak direla erabakitzeko deia egiten diogu. Lekualdatzeetarako zein EEErako arrazoiak berberak direlako. Egoera berdina izateaz gain, Eusko Juarlaritzak egindako informean onartzen den bezala, enpresaren asmoak argi gelditu dira azken hileotan.

Guzti horregatik, Incoesako langileok mobilizazioak mantenduko ditugu Epaitegiaren aurrean, epaileak erabakia hartu arte.


 

 

 

Debaldeako eta Buruntza Goierriko LABek Maiatzaren Lehenean kalera irtetearen garrantzia azpimarratu du

admin
-
0
Debaldeako eta Buruntza Goierriko LABek Maiatzaren Lehenean kalera irtetearen garrantzia azpimarratu du

Debaldeako eta Buruntza Goierriko LABek bizi dugun egoera larriaren aurrean eredu propio baten beharra dugula aldarrikatzeko Maiatzaren Lehenean kalera irten dadila eskatu dio langilegoari. Pairatzen ditugun politiken ondorioak Debaldeko eskualdean eta Goierri ez direla salbuespena ere salatu dute sindikatuko ordezkariek.

LANGILEOK ERABAKI
EUSKAL HERRIAK ERABAKI DEZAN
Debaldeako LABen irakurketa

Estatuetatik inposatzen ari diren agenda ultraneoliberalak ez dauka etenik. Eredu ekonomiko eta sozial basatia inposatzeko erabakia hartuta daukate eta, horretarako krisiaren gestio guztiz antidemokratikoa egiten ari dira. Krisia iruzur handi bat da: honen aitzakiarekin langilegoaren kontrako neurri guztiak justifikatzen dituzte. Lan harreman eredua deuseztatu nahi dute eta mende bat atzera eraman nahi gaituzte lan harremanei dagokionean.

Gasteiz eta Iruñeko gobernuek Madriletik datozen neurri guztiak zuzenean aplikatzen dituzte, elite ekonomiko txiki baten mesedetan. Nahiz ta publikoki erreformen kontrako adierazpenak egin, irabaziak pribatizatzen dituzte eta galerak jendarteratu, aberatsen eta txiroen arteko desberdintasun sozial eta ekonomikoak areagotuz.

Politika honen ondorioak, Euskal Herri osoan begibistan ditugu, eta gure eskualdea ez da salbuespena;

-Irakaskuntzan gero eta matrikulazio gehiago daude eta gero eta irakasle gutxiago kontratatzen dira. Ordezkapenak ez dira lehen egunetik betetzen eta gure seme-alaben gelak gero eta beteago daude.

-Osakidetzan ere murrizketen ondorioak erraz ikusi ditzakegu: Arrasateko ospital berriaren proiektua aurkeztu zutenean eskualdeko osasun zerbitzuetan hobekuntza nabarmenak izango genituela iragarri zuten, baina emaitza oso bestelakoa izan da; ez dute ematen lehen ematen ez zen zerbitzu gehigarririk eta dagoen langile kopurua lehen baino txikiagoa da.

-Industria mailan zer esanik ez. Enpresen itxierak(Fagor, Cegasa…), langileen kaleratzeak, soldaten jaitsierak…eta hau gutxi balitz herrialde mailako hitzarmenak desagertarazi nahi dituzte, milaka eta milaka langile patronalaren atzaparretan utziz eta lan harremanak erabat desarautuz.

-2008tik gaur eguneraino langabeziaren tasa bikoiztu egin da eskualdean.

Euskal Herriko langileok hemen bizi eta lan egiten badugu, bertan erabaki behar dugu: lan harremanak, eredu ekonomikoa, politika industrial eta sozialak… Gure bizitzetan eragiten duten erabaki guztietan parte hartzeko eskubidea daukagu, bai langile moduan, bai eta herri moduan ere.

Gaurko egoera larriari buelta emateko burujabetza ekonomikoa, soziala eta politikoa aldarrikatzen dugu, España markari eta gaurko poiltikei loturik ez jarraitzeko. Bestelako Euskal Herri bat ezinbestekoa eta posiblea da, inposaketen gainetik beste eredu berri bat eraikitzera goaz, Maiatzaren Lehenean danok Eibarrera!

 

DEIALDIAK

DEBALDEA
MANIFESTAZIOA 12etan Unzagatik.
13:00etan ekitaldi politiko-sindikala Untzagan.
15:00etan bazkaria Untzagan.

Bazkari herrikoiaren tiketak egoitzetan salgai: 943 79 74 08 eta 943 82 04 89 telefonoetan.

BURUNTZA GOIERRI
Ordizia: 12:00etan Plazatik manifestazioa.
Tolosa: 12:00etan manifestazioa Triangulotik hasi eta Plaza Berrira
Hernani: 12:00etan manifestazioa Gudarien Plazatik Tilosetara

 

LABek Condesa Fabrileko Suspentsio-EEEa baztertzen du

admin
-
0

LABek Condesa Fabril enpresan ekainaren 15era arte ezarriko den Suspentsio EEEa kritikatu nahi du. Legutioko enpresa honetan, duela zenbait aste Zuzendaritzak Langileen Batzordeari jakinarazi zion arazo finantzieroak zirela-eta, hornitzeko gabeziak zeudela, eta aldi baterako izango zenez, horri aurre egiteko Suspentsio EEE bat beharrezkoa ikusten zuela, egoera normalizatu arte.

Kontsultaldia hasita, LABek planteatu zuen langileek enpresaren arazoa beraien prestazioekin konpondu behar bazuten, zuzendaritzak konpromiso batzuk hartu behar zituen, horien artean inportanteena enplegua mantentzea. Hala ere, enpresaren zuzendaritzak ez du inolako konpromisorik hartu nahi izan zentzu horretan; ez du ziurtatzen ere urtebeteko epean edo urtea bukatu baino lehen kaleratze objetiboak ez egotea, beraz zalantzan jartzen ditugu bere asmoak. Azkenean, soilik legeak berak agintzen diona betetzeko asmoa agertu du, hau da: egoera mantenduz edo okertuz gero, neurriak aztertuko dituela langileen batzordearekin, ezer bermatu gabe. Honek neurri gogorrak datozela pentsarazten badu ere, Langileen Batzordearen gehiengoak, ELAk eta UGTk, klausula hori ontzat eman eta EEEa sinatu dute.

LABen ustez, honek ez du inolaz ere enplegua bermatzen. Gainera, denbora tarte honetan zehar, informazioa eta gardentasuna oso ekasak izan direnez ez dakigu benetan zer gertatzen ari den enpresan, eta Taldean orokorrean, ezta zeintzuk diren beraien asmoak etorkizunerako. Horregatik, edozein erasoaren aurrean, LABek langileon kohesioa eta borroka lehenetsiko ditu enplegua eta lan baldintzak defendatzeko.
 

 

 

LABek Elorrioko Andoni presoaren egoera salatzeko antolatutako Elkartasun Martxarekin bat egiten du

admin
-
0
LABek Elorrioko Andoni presoaren egoera salatzeko antolatutako Elkartasun Martxarekin bat egiten du

Andoni 2010eko martxoan atxilotu zuten Portugalen eta, egun, Monsantoko (Lisboa) espetxean dago, etxetik 870 kilometrotara. Monsantokoa espetxe militarra da eta, Guantanamon antzera, buzo marroi batekin ibili behar da. Gainera, ez dauka lagunen bisitarik eta, alabekin aurrez aurrekoak (kristalik gabe) urtean behin baino ez ditu.

Hori gutxi ez, eta egunean 2 orduz bakarrik atera daiteke patiora. Hori guztia kontuan edukita, Andoniren lagun eta senideek Elkartasun Martxa deitu dute Monsantora asteburu honetarako, apirilaren 25ean, ostirala, atera eta larunbatean bueltatzeko. Durangaldeko LABetik bat egiten dugu deialdi honekin eta durangaldeako langile guztiak deitzen ditugu Elkartasun Martxa horretan parte hartzera.

Argi baitaukagu, guztion elkartasuna eta konpromisoa behar beharrezkoak direla egungo espetxe politikak aldatzeko. Are gehiago, gogor salatu beharra dugu ez datozela inondik inora bat, egun Euskal Herrian egiten ari den prozesua eta Espainia, Frantzia eta Portugalek Euskal Presoen eta haien senideen aurka indarrean mantzentzen duten espetxe politika.

Bukatzeko, gure besarkada eta indar osoa helarazi nahi dizkiogu bai Andoniri, zein haren senide eta laguneei ere. Horregatik, ostiral honetarako -hileko azken ostirala- kontzentrazioa deitu dugu Elorrion 12:00tatik 12:30tara, herriko sarrerako errotondan (San Agustinen). LELOAK: Barriro gertatu ez daitten! Euskal Preso eta iheslariak etxera! Jando alarma gorria! Espetxe politika hiltzaileari STOP!
 

 

 

Eragile sozial eta sindikalek etxe langileentzat lan eskubide duinak aldarrikatuko dituzte

admin
-
0
Eragile sozial eta sindikalek etxe langileentzat lan eskubide duinak aldarrikatuko dituzte

Datorren astelehenean, hilak 29, eragile sozial eta sindikal ezberdinek deituta, LAB barne, elkarretaratzea egingo dute Lan Ikuskaritzak etxeko langileak zapaltzen dituzten agentziak ez dituela kontrolatu nahi salatzeko. Goizeko 11:00etan izango da mobilizazioa Bilboko Lan Ikuskaritzaren aurrean.

EMAKUMEAK EZ GARELAKO BIGARREN MAILAKO LANGILEAK, LAN ESKUBIDE DUINAK ETXE LANGILEENTZAT!!!

ATH-ELE, ASAMBLEA DE MUJERES DE BIZKAIA, ARGITAN, BERRI-OTXOAK, HARRESIAK APURTUZ, MUNDUKO EMAKUMEAK- MUJERES DEL MUNDO BABEL, SOS RACISMO, LA POSADA DE LOS ABRAZOS, FEMINISTALDE, MUJERES EN LA DIVERSIDAD, MUGARIK GABE, ELA, ESK, CGT/LKN,CNT, LAB, STEE-EILAS

"Los agentes sociales y sindicales firmantes queremos denunciar la pasividad de la Inspección de Trabajo para con las agencias de empleo de hogar. En noviembre pasado denunciamos a las agencias ASISPER y APUROS MAYSE por contratar trabajadoras internas en condiciones de explotación.

Ya hemos recibido el acta de inspección. No van a sancionarlas porque, según ellos, no tienen pruebas suficientes. Nosotras les hemos ofrecido grabaciones y testigos, pero no les sirven. Tampoco se han puesto en contacto con ninguna de las familias que han contratado los servicios con la agencias… y se siguen escudando en que el domicilio es inviolable para no investigar.

La pasividad de Inspección de Trabajo hace que las agencias actúen como les viene en gana sin tener miedo a ninguna sanción. No podemos olvidar la responsabilidad del Gobierno Vasco, que es de quién depende Inspección al no vigilar este organismo.

Reclamamos: 

– Que Inspección de Trabajo se deje de excusas e investige ya a estas dos agencias y a todas las demás, sin esperar a que haya denuncias.

– A LANBIDE, que se comporte como un servicio de empleo también en el trabajo de hogar como se lo exigió el Parlamento Vasco hace ya tres años. Así, las agencias perderían terreno.

– Y por supuesto, al Gobierno Vasco, que ponga los medios para que la Inspección de Trabajo y LANBIDE cumplan con su trabajo."

PARTE HARTU MOBILIZAZIOAN!!

 

 

 
1...1,2351,2361,237...1,582Page 1,236 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus