2026-07-23
Blog Page 1148

Estatuak, errepreserioarekin, independentzia nahi dugun herrion bidea zapuztu nahi du

admin
-
0
Gaur goizean Ipar Euskal Herrian izan diren atxiloketen harira, Estatuaren jazarpen errepresiboa salatu beharrean gaude beste behin. Estatuak Independentzia nahi dugun herrien kontra errepresioa erabiltzen ari dira behin eta berriz. 

Estatuak izan du aukera armagabetze prozesua laguntzeko, baina gatazkaren konponbiderako eskaintza orori, baita aurreko horri ere, ateak itxi dizkio, eta borroka armatuaren kontra egitea erabiltzen du aitzakia gisa Euskal Herriaren kontrako jazarpenean sakatzeko, eta bere benetako helburuari eusteko: independetzia helburu dugun herrioi bidea moztea.

Ez du lortzen, ordea, ezta jazarpen eta oldarraldi errepresiboekin ere, bere buruaren jabe izateko aurrera egin nahi duen herria geldiaraztea.

Errepresioak, azken eraso honek, berehalako erantzunak eskatzen ditu: kalera irten eta mobilizatzea. Baina horrez gain, errepresioari erantzun behar diogu horretarako dugun biderik onenarekin, gure helburuetan berretsiz. Independentzian helmuga jarriz, herri gisa, gure bidea egiten jarraitu behar dugu.

LABek Euskal Herriko langile eta herritarrei dei egiten die atxiloketa hauek salatzeko egingo diren mobilizazioetan parte hartzera.

 

 

Gipuzkoako Foru Aldundiak inboluzio sozial baten aurrean kokatzen gaituzten murrizketak aplikatu nahi dituela salatzen du LABek

admin
-
0
Gipuzkoako Foru Aldundiak adierazi berri du eguneko zentro eta erresidentzietako plaza kopurua murrizteko asmoa duela, hauek bere garaian pertsona dependienteen eta elbarrien beharrei erantzuteko aurreikusi zirenen oso azpitik geratuko lirateke.

Era berean, zalantzan jarri du beharrean diren ehunka familiek Diru Sarrerak Bermatzeko Laguntza jasotzen jarraituko dutenik. Gipuzkoan baliabide ekonomiko handienak dituzten pertsona gutxi batzuen mesedetan kontrarreforma fiskal bat martxan jarriko duela esan eta erraustegiaren eraikuntzaren berri ematearekin batera egin ditu adierazpen hauek.

LAB sindikatuaren ustez, berriro ere agerian geratzen da zein diren EAJren interes eta kezkak. Pertsona dependienteen eta hauen beharrak gorantza doaz eta pobrezia poltsa haundi bat dago momentu honetan Gipuzkoan, baina zerbitzu sozialetako ahaldunak ez du murrizketen diskurtsoa baino ezer hoberik proposatzeko. Hainbestetan aipatzen duten “pertsonekiko konpromisoa” publizitate hutsa da, egiten ari diren politika lotsagarriak izkutatzeko modu bat: ezberdintasunen gorakada, gastu publiko eta soziala poltsiko eta alferrikako proiektu pribatuetara desbideratzea, eskubide sozialen murrizketam laguntza sozialak prekarizatzea,…

Gipuzkoan inboluzio sozial baten iragarpenaren aurrean gaude. Zerbitzu sozialek eta hauen izaera publikoak ordaiduko dute, pertsonek eta beren ongizateak, justizia sozialak eta berdintasunak. Ezin dugu onartu kohesioa eta herritarren bizimodu onarentzat ezinbestekoak diren zerbitzuetan atzera egitea. Mugimendu sozial eta sindikalek, eragile eta plataformek ongizate kolektiboaren gainetik proiektu antisozialak lehenesten dituzten horiek geldiarazi behar ditugu.

 

 

 

AHT basati eta xautzailea geldi dezatela eskatu dute gaur Bilbon

admin
-
0
AHT basati eta xautzailea geldi dezatela eskatu dute gaur Bilbon

AHTri buruz hitz egiteko Ana Pastorekin, Ana Oregi (Eusko Jaurlaritza), Donostia, Gasteiz eta Bilboko alkateak, Madrilera joango diren egunean AHT Gelditu! Elkarlanak Bilboko Eusko Jaurlaritzaren ordezkaritzan aurrean elkarretaratzea egin du. "AHTreako diru gehiagorik ez! TAV STOP No al despilfarro" lelopean proiektua basati eta xautzailea geldi dezatela eskatu dute. Proiektu hauen aurrean alternatibak badirela adierazi dute AHT Gelditu! Elkarlanetik, eta hauek ezagutu eta bultzatzeko urriaren 24an Bilbon izango den "Alternatiben Herrian" parte hartzeko deia luzatu dute.
 

 

 

LABek Metro Bilbaoko prebentzio zerbitzuko buruaren hautatze prozesua gelditzea eskatzen du, euskara baztertzen duelako

admin
-
0

LABek prebentzio zerbitzuko buruaren hautatze prozesua berehala gelditzeko eskatzen du, euskara baztertzen duelako 

– Ez du lantaldeari zerbitzu hori euskaraz ematerik bermatzen.

– Euskararen normalizazioa hipotekatzen du arlo horretan datozen 20 urteotarako.

LAB sindikatuak publikoki salatzen du Metro Bilbaon hizkuntzen alorrean erakusten duen sentsibilitate eskasa.

Atzo, igandea, irailak 20, kanpoko hautatze prozesu bat iragarri zen prentsan, Metro Bilbaoko prebentzio zerbitzuaren arduradun izango dena kontratatzeko.

Besteak beste, euskarazko B1 eskakizuna egiaztatu beharko da.

LABek salatzen du maila horrekin ez dagoela prebentzio arloa euskaraz kudeatzerik, ez baita hizkuntza horretan txostenik edota espedienterik sortzeko edo ulertzeko gaitasunik bermatzen.

Era berean, pertsona hori erakundeko mediku lanetan ere arituko da eta, horrela, ezinezkoa izango zaio euskaraz komunikatu eta ezelako diagnostikorik ematea.

LAB sindikatuak ez du ulertzen zelan, kanpoko hautatze prozesu baten aurrean, ez den lantaldea bi hizkuntzetan artatzeko gai izango den profesionalik onena bilatzen.

Metro Bilbaoren zuzendaritza euskaraz bizi eta lan egin nahi duten pertsonak baztertzen ari da horrela, modu kontziente eta aurrez pentsatuan.

Xehetasun gisa, prebentzio alorrean haren azpian eta esanetara aritu behar duenari (teknikaria) B2 hizkuntza eskakizuna eskatuko litzaioke kanpoko kontrataziorik egin behar izanez gero, baina hierarkian gainean dituenekin ez dira hain zorrotz eskakizun horiek. LAB ez dago neurri horrekin ados eta nagusiei gutxienez beren esanetara ari direnei besteko maila eskatzea aldarrikatzen du.

Agerian geratu da, berriro ere, hiriarteko tren konpainiako zuzendaritzak euskararen normalizazioari buruz duen sentsibilitate eta inplikazio eskasa. Eneko Arruebarrena Metro Bilbaoko zuzendari nagusiak sinatutako hizkuntzen kudeaketarako politika izan arren, apaingarri, itxura eta marketin hutseko elementua baino ez da, asmo adierazpen hutsa, aurrera egin edo burutzeko aukera txikienaren dagoenean ahaztu, eta aplikatzea saihesten baita.

Horregatik guztiarengatik, LAB sindikatuak prozesua berehala eteteko eskatzen du, eta lanpostuaren beharretan euskaraz bizi eta lan egin nahi duten langileekin harremanak euskaraz izatea ahalbidetuko duten eskakizuna sartzeko.
 

 

 

Gipuzkoako Ogasunak jakinarazi du enpresarien pribilegio zaharrak berreskuratuko dituela

admin
-
0
Jabier Larrañaga Gipuzkoako Foru-ogasun diputatuak, gaur bertan baieztatu du Aberastasunaren eta Fortuna Handien zergaren erreforma gertu dagoela honezkero, eta haren helburu nagusia enpresen partaidetzak zerga ordaintzetik salbuestea dela.

Horrela, EAJren foru-gobernuak enpresari gipuzkoarrei antzinako pribilegioak eta prebendak itzuli nahi dizkie. Honen bidez zerbitzu publikoen mantentzeari eta aberastasunaren birbanatzeari egiten dieten ekarpena murriztu nahi dute.

Honez gain, erreforma hau “diru-bilketaren datu onak” ematen ari direnaren testuinguruan kokatzen dute. Horrek erakusten digu azken urteetan batzuek ez dutela ezer ikasi, adibidez, 2008. urtean, Ondarearen gaineko Zerga indargabetzea erabaki zuten hartan.

Zalantzarik gabe, EAJk proposatu duen Aberastasunaren eta Fortuna Handien zergaren erreformak diru-bilketa murriztea ekarriko du eta haren onuraduna gutxiengo bat baino ez da izango. Era berean, zerga-ingeniaritza erabiliz egindako maniobrekin zerga saihesteko bide berriak irekiko lirateke berriro ere.

Hitz batez, zuzenagoa eta bidezkoagoa den zerga-sistema lortzetik are urrutiago gaude.

 

 

 

Wat enpresan izandako azken 5 kaleratzeak salatu ditu LABek

admin
-
0
Wat enpresan izandako azken 5 kaleratzeak salatu ditu LABek
WAT DIRECCIONES Mallabiko Goitondo poligonoan dagoen enpresa da. Duela 5 urte 60 langile baino gehiagok lan egiten zuten bertan, egun 35 langile besterik ez dira. Pasadan uztailean, "aldebakarreko” erabakiz, enpresak 5 langile kaleratu zituen indemnizaziorik eta soldatarik ordaindu gabe. LAB sindikatuak kaleratuen berronarpena eta lan baldintzak bermatuko dituen etorkizunerako plan serio bat eskatzen du.

Orain 4 urtetik Mallabiko WAT DIRECCCIONES enpresa Alexander Artozabali “saldu” zitzaion. Hilabete hauetan guztietan zehar, zuzendaritzak “erabaki” onartezinak hartu ditu, bai ikuspegi sindikal zein lan arloari dagokionez. Esan bezala, 5 urtetan plantilaren %50 inguru jeisteaz gain…

• Uztailean, “aldebakarreko” erabakiz, 5 langile kaleratu zituzten (horietariko bat LABeko afiliatua eta delegatu ohia); indemnizaziorik eta soldatarik ordaindu gabe.

• Uztailean ere, langileei ez zieten aparteko paga ordaindu eta, gainera, soldata jeisteko “mehatxua” jarri zuten mahaiaren gainean. Gerora, eta momentuz, horrelakori kez dela gertatuko esan badute ere. Hala ere, hartu beharreko neurriak egongo direla, eta urri-azaro aldera jakinaraziko dituztela esan diete langileei; “mehatxu” berriak jarriz mahaiaren gainean.

• Denbora guzti honetan, langileen ordezkariei ez diete “etorkizunerako planik” aurkeztu, ezta egitan dituzten planen berri eman ere. Delegatuak alde batera lagata, langileen asanbladan eta oso modu orokorrean, berak nahi dituen azalpenak ematen ditu. Langileen ordezkaritzari muzin eginda jarraitzen du erabakiak hartzen.

• Behin baino gehiagotan eskatu diogu bilera bat, batez ere, enpresaren etorkizunaz hitz egin ahal izateko; eta momentuz ez da erantzunik egon.

Ez dugu horrelako jarrararik onartzen jarraitzeko asmorik; ez dugu kaleratzerik onartuko, ezta gure soldatak murrizten jarraitzerik ere. Gainera, etorkizunerako plan serio eta gure baldintzak bermatuko dituena eskatzen diogu lehenbailehen.

Horretarako, ezinbestekotzat jotzen ditugu enplegu politika iraunkor bat eta gure lan-eskubideekiko errespetu osoa. Guzti horregatik, pasadan ostiralean LAB sindikatuak, kontzentrazioa egin zuen enpresaren aurrean.
 

 

 

Koldo Fernández LABeko delegatuaren berronarpena exijitzen dugu

admin
-
0
Koldo Fernández LABeko delegatuaren berronarpena exijitzen dugu


Koldo Fernández LABeko delegatuaren berronartzea eta Carrefourrek egiten duen jazarpen sindikala salatzeko mobilizaziotan jarraitzen dugu. Gaur Zabalburu eta Atxuriko saltokietan izan gara gure kideari babesa eman eta lan eskubideak urratuak izan ez daitezen exijitzen.

{linkr:related;keywords:carrefour;limit:5;title:Albiste+gehiago}

 

 

 

Alternatiben Herria bultzatzeko Crowdfunding-a martxan da

admin
-
0
Alternatiben Herria bultzatzeko Crowdfunding-a martxan da


Alternatiben Herria bultzatzeko CROWDFUNDINGa martxan da, egin gaitezen #alterlaguna

Alternatiben Herria ekimenari bultzada emateko Crowdfunding-a (babes kanpaina) martxan da.

Kanpainak Alternatiben Herria ekimena aurrera ateratzeko laguntza ekonomikoa zein partehartze zuzena bilatzen du.

Guzion partehartzea ezinbestekoa da.
Egungo sistemaren aurrean alternatibak badirela erakutsi eta bultzatu beharra dago.

Denon artean lortuko dugu.
Egin gaitezen #alterlaguna.

ALTERNATIBEN HERRIA

LABek MSFren Europar Bulegoaren idazkaritzaren bileran parte hartu du

admin
-
0
LABek MSFren Europar Bulegoaren idazkaritzaren bileran parte hartu du


LAB Munduko Sindikatu Federazioak Europan duen bulegoaren idazkaritzak Txekiar errepublikako Praga hirian Irailak 10ean egin zuen bilkuran izan zen. Bilkura honetan Grezia, Txipre, Italia, Portugal, Euskal Herria, Txekiar Errepublika, Serbia eta Austriako ordezkaritzek hartu dute parte.

Bilkura honetan Europako nazio desberdinetan langileok jasaten ari garen egoera, beste batzuen artean, izan dira aztergai. Enpresa handiek beraien etekinak ziurtatu eta handitzeko langileen gain jarri dituzte krisiaren ondorioak. Horrela, lehen behinbetiko ziren lan kontratuak behinbehineko bihurtu, jardunaldi osokoak aldi bateko lanaldia eta guzti hau gutxi ez balitz, negoziazio kolektiboa erasotu eta soldata murrizketen bitartez lanaren prekarizazioa Europar herrietan bazter guztietara zabaldu da.

Horren ondorioz, egunetik egunera aberatsak aberatsago dira, langileak pobreagoak gara eta bizi irauteko ditugun arazoak ugaritzen zaizkigun bitartean. Bestalde, langileek eskubide eta lan baldintzen hobekuntzaren alde borrokatzeko tresna diren sindikatuen aurkako kriminalizazio prozesuak ere ohikoak dira Europaren zehar. Agerian geratu da egungo sistema ekonomiko eta politikoek kapitalismoak ziklikoki sortzen dituen krisiak baliatzen dituela ereduan sakontzeko eta herrien eta pertsonen subirotasunaren aurka egiteko. Greziar herriari inposatutako memorandum berria honen adierazlerik honena da.

Egungo sistema ekonomikoaren sakontze prozesu horretan ulertu behar dira TTIP eta TISA bezalako nazioarteko akordioak ere. Beste ondorio askoren artean akordio hauen bitartez Europar Batasuneko nazioen subirotasuna kolokan jartzen da. Enpresa transnazionalek europar herriek gara dezaketen edozein gizarte politikaren aurka joatea posible izango dute. Enpresen interesak herrien interesen gainetik ipintzen dira.

Inperialismoak ere izan zuen bere garrantzia bilkuran. Hurrengo hilabeteetan europan inoiz egin diren ariketa militar handienak egingo ditu NATOk Iberiar Penintsulan. Euskal Herriari dagokionez kurtsu hontan gure iritsiaren aurka gerra eta inperialismo estrukturan sartu gintuztela 30 urte beteko dira.

Estatu Batuek, Europar Batasunaren laguntzaz, eta NATOren babespean egin dituen interbentzioak aztergai izan ziren. Horrela, afrika iparraldean eta Ekialde hurbilean sortutako egoerak bertako biztanleengan izandako ondorioak mahai gainean izan ziren. Ukrainianiako gatazkak ere izan zuen bere txokoa. Agerian geratu da Europar Batasuna ez dela gai izan Errefuxiatu ekonomikoei erantzun egokia emateko, eta egun indar inperialisten sortu eta bultzatu dituzten gerrateetatik ihesi datozen herritarrei bizkarra eman diela.

Aipatzekoa da aurtengo urriak 3an MSFa sortu zeneko 70. urteurrena ospatuko dela. 1945ean sortu zuten MSF, II. Mundu gerratearen amaieran. MSFak lehengo eta urte askoren zehar izan zuen nazioarteko egoitza Praga hirian kokatua egon zen. Honek balio sinbolikoa erantsi dio Praga hirian EUROFek eginiko bilkurari.

Bestalde, aurtengo urria asmoarekin Nazioarteko sindikatuen konferentzia izango da Brasilgo Sao Paulo hirian. Brasilgo CTB sindikatu konfederazioa izango da horren antolatzailea.
 

 

 
1...1,1471,1481,149...1,637Page 1,148 of 1,637

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus