2025-12-21
Blog Page 1128

LABek borroka luzean dauden Laminaciones Arreguiko langileei babesa eman die

admin
-
0
LABek borroka luzean dauden Laminaciones Arreguiko langileei babesa eman die

Gaur, hilak 22, LABeko zuzendaritzako kideak, Ainhoa Etxaide buru zutelarik, borroka luzean dauden Laminaciones Arreguiko langileei babesa ematera joan dira. Duela hiru urte, enpresako zuzendaritzak lehen erregulazio espedientea aurkeztu zuenean hain zuzen ere, ekin zioten langileek kaleratzeen kontrako borrokari. Urte gogorrak izan dira, enpresak jazarpen sindikala eta presio bidez bere helburuak lortzen saiatu da, langileak beren aldetik eskura dituzten tresna guztiak erabili dituzte kaleratzeak oztopatzeko: greba mugagabea, mobilizazio iraunkorrak…

Enpresa barruan zein kanpoan batu dituzte indarrak, hala nola, mobilizazio ugaritan beste komite, langile eta gizartearen babesa jaso dute Laminaciones Arreguiko langileek. Aldiz, herritarrron ordezkari diren horiek, Eusko Jaurlaritza alegia patronalarekin ikusi dugu argazkietan.

Laminaciones Arreguin gertatu dena eta ikusten ari garena inposatu diguten erreforma ziklo luzeak utzitako egoera baino ez da. Hain zuzen ere, erreformek bidea erraztu diete enpresei eta hauek konponketa negoziatu bati uko egiten diote pentsatuz beren erabakia inposatu dezakeela.

Kasu hau bereziki esanguratsua da bere momentuan Espainako Epaitegi Gorenak langileei arrazoia eman eta kaleratzeak nuloak deklaratzen dituen ebazpena atera baitzuen. Ebazpenaren arabera lantegian 180 langile egon behar dira. Enpresak, ebazpenari bizkar eman eta berriro ere beste espediente bat aktibatu du enpresan 80 langile izango direla inposatzeko.

Gaur egungo sistema honetan langileak babesten dituen sententziek ez dute inolako baliorik, aldiz kapitalaren interesak babesten dituztenak eskubideen gainetik inposatzen dira etxegabetzeetan ikusi izan dugun bezala. Kasu hauetan Eusko Jaurlaritzaren posizioa argia da, kapitalaren alde egiten du ebazpena bermatu dadin. Lege zein instituzioek langileak babes gabe utzi dizute, horregatik inoiz baino garrantzitsuagoa da langileek babesa jasotzea erronka hauetan bakarrik ez daudela jakin dezaten.

LABek argi du: hondamendira garamatzan erreforma ziklo honen aurrean Euskal Herriko langileok alternatiba behar dugu. Lan erreforma herri honen interesen kontra doa, herriak enplegua behar du, lan harremanak adostuak izan behar dira eta hau da LABek ozen aldarrikatzen duena. Horregatik, sindikatuak bat egiten dugu ostiralean arratsaldeko zazpietan komiteak deitu duen mobilizazioarekin.
 

 

 

Gipuzkoako Urakeko enpresa batzordeak ikerketa sakona eskatzen du Oñatin gertatutako lan istripu larriaren aurrean

admin
-
0

Gipuzkoako Urak-eko langile batek lan istripu larria izan zuen atzo, hilak 21, lan batzuk burutzen ari zela. Denbora batera, bere lankideek konorterik gabe aurkitu zuten. Enpresa batzordeak ogeraren larritasunaren tamainako erantzuna emango duela adierazi du.

Gipuzkoako Urak-eko Enpresa Batzordearen oharra
Lehenik eta behin elkartasuna eta samina adierazi nahi diegu, senide, lagun eta lankide guztiei. Bestetik, ikerketa sakon bat eskatzen dugu, istripuaren arrazoiak argitu eta behar bezalako neurriak ezar daitezen halakorik gerta ez dadin beste behin ere.

Langile klasea oroar, jabetzen gara, egungo egoeran, prekarietateak eta lan erritmo azkarrak osasunaren galera eta lan istripuen oinarrian daudela. Lan istripuak eta osasun galerak ez dira zorigaiztoko edo zioak eragindakoak izaten, bizi dugun lan ereduaren emaitza lazgarrien ondorio dira.

Horregatik guztiagatik, hurrengo orduetan egoeraren larritasunaren tamainako erantzuna emango dugu.

 

 

 

LABek lan osasunaren publifikazioa sustatzen du

admin
-
0


Nafarroako 20 enpresek erabaki dute jada LABek aldarrikatzen duen kontingentzien kudeaketa sistema publikoaren esku uztea. Bihar Iruñeko Udaleko langileek erabakiko dute erreferendum bidez. Apirilaren 28an, lan osasunaren nazioarteko egunean, 12:00etan mobilizatuko da LAB Gizarte Segurantzak Conde Olivetton duen egoitzaren parean, instituzio honi lan osasunaren publifikazio prozesua erraztu eta sustatu dezan eskatzeko.

Lan esplotazioaren areagotzea osasun arazo larriak eragiten ari da langileon artean. Milaka lagunek pairatzen dituzte lan erritmoen hazkundea, prekarietatea eta murrizketen ondorioak. Eta langileon osasuna babestu beharko lukeen egitura patronalaren esku dago. Mutua patronalen zuzendaritza batzordeetan enpresa eta banketxe handiak daude: Repsol, Telefónica, Nestlé, Mercadona, Corte Inglés, Renault, Ford, Mercedes, BBVA, Banco Santander… Euren helburua ez da langileen osasuna zaintzea, baizik eta gaixo dauden langileek baja har ez dezaten eta hartzekotan ahal bezain azkar lanera bueltatu daitezen lortzea. Honela, lan erreferoma eta pentsio erreforma onartu dituen Gobernu berak aldatu du legea mutuei botere handiagoa emateko. PP-k aktibo dauden langileen kontrolerako sistema bat eratu nahi du, osasun sistema publikoa eraisten duen bitartean.

Ezinezkoa da lan osasunaren hobekuntza nabarmena ematea arlo hau mutua patronalen esku dagoen bitartean. Ezinbestekoa da kontingentzia arrunt nahiz profesionalak osasun sistema publikora transferitzea. Posiblea eta erreza da: egin behar den bakarra, kontingentziak kontratatzeko orrian dagokion laukitxoan klik egitea. Hori eginez, geure lan osasunaren kudeaketa patronalaren eskuetatik berreskuratzeaz gain, osasun sistema publikoa indartuko dugu. 

Aldaketa honek ez du inolako kosturik administrazioarentzat. Langileon kotizazioek ordainduko dute osasun arreta. Orain arte, mutuek erabili dituzte kotizazio horiek eta superabita izan dute, baita superabit hau era ilunean erabili ere: Mutua Universaleko 11 zuzendari auziperatu dituzte, ustez 219 milioi euro poltsikoratzeagatik. Beraz, mutuek gure kotizazioekin funtzionatzen badute, zergatik ez du funtzionatuko Osasunbideak ere? Guk ez dugu inolako zalantzarik: bideak jartzen badira, publikoan askoz hobe! 

Nafarroako Gobernuko 500 langile baino gehiagoren lan osasuna jadanik sistema publikotik kudeatzen da. Beste 20 enpresek kontingentzien kudeaketa mutuatik sistema publikora eramatea erabaki dute, LABen ekimenez. Horien artean 9 udaletxe eta mankomunitate daude, baita Milagron kokatutako Bonduelle enpresa handia. 

Bestalde, bihar osteguna erreferenduma egingo da Iruñeko Udaletxean; langileek erabakiko dute bere lan kontingentziak mutuan edo osasun sistema publikoan kudeatzea nahi duten. LABek egindako erreferendum proposamenarekin bat egin du Pertsonal Batzorde kasik osoak (CSIF, APM, UGT, ELA, SIPL, SPMP eta AFAPNA).

Apirilaren 28an, lan osasunaren nazioarteko eguna, 12:00etan mobilizatuko da LAB Gizarte Segurantzak Conde Olivetton duen egoitzaren parean, instituzio honi lan osasunaren publifikazio prozesua erraztu eta sustatu dezan eskatzeko. 

LAN OSASUNA SISTEMA PUBLIKOAK KUDEATU DEZAN ERABAKI DUTEN NAFAR ENPRESAK 

Aita Barandiaran Zahar Etxea
Arbizuko Udala
Atarrabiako Udala
Berriozarko Udala
Bonduelle
Burlatako Udala
Cooperativa Hostelera Zulueta
Elizondoko igerilekuak
Etxarriko Ikastola
Guerra Hermanos
Jardines Pamplona
Katuka Haur Eskola
LAB sindikatua
Lakuntzako Udala
Leitzaldea Gizarte Zerbitzuak
Piscinas San Juan
Piscinas Txantrea
Sakanako Mankomunitatea
Synergas
Ultzama Gizarte Zerbitzuak
 

 

 

[Bir]pentsatzen: eraldaketa sozialerako sindikalgintzaren berria

admin
-
0
[Bir]pentsatzen: eraldaketa sozialerako sindikalgintzaren berria

Martxoaren 5 eta 6an burututako lehen bi saioen ostean, datorren apirilaren 25ean euskal langileriaren beharretara egokitutako eredu sindikal berriaz eztabaidatzeko parada berri bat izango dugu Ipar Hegoa Fundazioak "[Bir]pentsatzen: eraldaketa sozialerako sindikalgintza berria" jardunaldien baitan. 

Goizeko 9:30etatik 11:30etara  «Langile subjektibitate berriak eta sindikalgintza» (4 lan saio ezberdinetan) eta «Komunikazioa, ideologia eta hegemoniaren eraikuntza» aztertuko ditugu.

12:00etatik 14:00etara «Ekintza eta eredu sindikala [bir]pentsatzen» gaia aztertzeko lau mahai inguru izango dira.

Testuinguru sozial eta ekonomikoa azken hamarkadan etengabean aldatuz joan da. Zentzu honetan, sindikatuen egiturak, funtzioak eta praktikak sortzen ari diren errealitate guzti hauei begira egokitu behar direlakoan gaude eta horretarako langileon inplikazioa ezinbestekoa da. 

Lerro hauen bidez, LABetik datorren larunbatean Donostiako Ibaetako Campusean burutu den azken saioan parte hartzeko deia luzatu nahi dizuegu.

Informazio gehiago: birpentsatzen.eus

 {linkr:related;keywords:xzdc}

Etxez etxeko laguntza zerbitzuaren desegiteari STOP

admin
-
0
Etxez etxeko laguntza zerbitzuaren desegiteari STOP

Azken urte hauetan Arabako Foru Aldundia eta Gasteizko Udala Etxez Etxeko laguntzako zerbitzuaren desegitea eragiten ari den politika eramaten ari dela salatzeko elkarretaratzea egin zuten atzo LAB, ELA, CCOO eta UGT sindikatuek Gasteizen. Sindikatuek adin nagusiko eta menpekotasuna duten pertsona asko babes gabe uzten ari direla azpimarratu zuten. Honekin batera azken 6 urteotan, izkutuan, 400 kaleratze baino gehiago eman direla salatu zuten.

Sindikatuen irakurketa


 

 

 

Obra publikoetan eraikuntzako hitzarmenaren aplikazioa exijitu dio LABek Bizkaiko Aldundiari

admin
-
0
Obra publikoetan eraikuntzako hitzarmenaren aplikazioa exijitu dio LABek Bizkaiko Aldundiari

LABek elkarretaratzea burutu du gaur Bizkaiko Foru Aldundial herri lanetan bizkaiko eraikuntzako hitzarmena aplikatu beharrrean Kantabriakoa aplikatzen uzten duela salatzeko.

LABek idazki bat erregistratu du Diputazioan, Unai Rementeriari, Lehendakaritza Diputatuari, Zorrozako erresidentziako obratan gertatzen dena ezagutzera emateko, hau da, PECUSA enpresa kantabriarrak obrako langileei Cantabriako hitzarmena aplikatzen diela.

Hau gertatzen da instituzio publikoek hitzarmenaren baldintzen betetzearen zainta bere gain hartzen ez dutenean, enpresek herri lanetan zigorrik jaso gabe jokatzen jarraitzen dute.

Diputazioa egoera honen erruduna da langileei aplikatzen zaizkien lan baldintza eta soldatak kontrolazteari utzi baitio. Langile hauei Bizkaiko hitzarmena ez aplikatzeagatik hilabetero 350 euro gutxiago kobratzen dituztenaren errudun da Diputazioa. Gainera, Diputazioak bere erabakiak jaten ditu, 2013ko urriaren 29ko Gobernu Akordioak “kontratazioko Jarraibideak” onartzen ditu eta 4.3.1. puntuan dio lizitazio pleguek badutela lan kontuetan indarrean dagoen araudia betetzeko berariazko beharra.

Horrez gain, Lan Ikuskaritzan beste salaketa bat sartu dugu, Basurtoko tanatorioko obratan, azpikontrata batean, Errioxako eraikuntzako hitzarmena aplikatzen ari direlako.

Urtarrilaren amaieran, Eusko Jaurlaritzan Enplegu eta Etxebizitzako Sailburua zen Juan Maria Aburtori zuzendutako beste salaketa sartu genuen Bilbo-Mirafloresen auzoan diru publikoarekin egiten ari den herri lanean Cantabriako hitzarmena aplikatzen uzten zuelako. Oraindik ez dugu erantzunik jaso.

Hiru hilabeteetan, hiru salaketa jarri ditugu Bizkaiko Eraikuntzako hitzarmena aplikatzen ez delako. Hiru salaketa Lan ikuskaritzan eta obrak sustatzen dituzten instituzioetan ere. Hau da Bizkaiko obra pribatua zein herri lanetan bizi den egoera. Soldata murriztuak, lanaldi haundiagoak, prekarietatea eta lan istripuak. Enpresariekin ados jarrita dauden eta jendarteari eta milaka langabetuei bizkarra emanda beste aldera begira dauden politikoak daude honen atzean.

Gu gobernatzen jarraitu nahi duten politikoak dira prekarietate guneak sortzen ari direnak, diru publikoaz gizarte “dumpinga” erabiltzen duten enpresen kontura. Bizkaiko eraikuntzako hitzarmena ez aplikatzeak sortu duen egoeraren larritasuna hain haundia dan ze Lan Ikuskaritzak jokatutako papera zalantzan ipintzera behartzen gaitu.

Gertakari hauek erakusten dute herrialdeko hitzarmenen baldintzak betetzea bermatzen duten lan harreman berrien beharra, eta norabide horretan kokatzen dugu klausula sozialen aldeko LAB sindikatua erakunde publikoetan bultzatzen den kanpaina.

 

 

 

Indarkeria matxistaren aurkako mobilizazioa bihar Bilbon

admin
-
0
Indarkeria matxistaren aurkako mobilizazioa bihar Bilbon

Bilboko Koordinadora Feministak Maureen Ada Otuya eta Yenni Sofía Revolloren senide eta lagunei elkartasuna adierazteko eta indarkeria sexistaren aurka irmotasunez erantzuteko inplikazioa aldarrikatzeko kontzentrazioa burutuko du, bihar apirilak 22, goizeko 09:30ean EAEko Auzitegi Nagusiaren aurrean.

ADA YENNI GOGOAN ZAITUZTEGU
INDARKERIA MATXISTARI AURRE EGIN!
Bilboko Koordinadora Feminista

«Bilboko Koordinadora Feministatik datorren apirilaren 22an asteazkenez, kontzentrazioa burutuko dugu goizeko 09:30ean EAEko Auzitegi Nagusiaren aurrean (Bilboko Albiako Lorategietan) alde batetik, Maureen Ada Otuya eta Yenni Sofía Revolloren senide eta lagunei gure elkartasuna adierazteko eta bestetik, ondorengoa salatu eta aldarrikatzeko:

Salatzen dugu:
• Indarkeria matxista kasu larri honi ematen dioten trataera judiziala, azpikeria eta ankerkeriaren larrigarriei garrantzia kenduz eta indarkeria matxista eta gorrotozko delituaren tipifikazioa ukatuz.
Zer itxaron dezakegu horrelako sistema judizial batetik, aipatutako larrigarriak ukatu egiten dituena, Juan Carlos Aguilarrek egin ahal izan dituen bestelako feminizidio kasuak ikertzeko trabak ipintzen ari dena edo eta emakumeon kontrako indarkeriaren inbisibilizazioa bilatzen ari dena?

Aldarrikatzen dugu:
• Indarkeria sexistaren aurka irmotasunez erantzutea, emakumeontzako justizia eta jendartea eta instituzioen inplikazioa bi bilbotarron duintasunaren defentsan.»

 

 

 

Pertsona guztien zirkulazio askatasuna hildako gehiagorik egon ez dadin

admin
-
0

Azken bi asteotan, 1.500 pertsona hil dira itota Mediterraneo itsasoan. Jadanik 2.000 lagun aurten. Kopuru anker eta izugarria hau, pasa den urtean hil egin ziren 3.500 pertsona migranteei gehitu behar zaie.

Egiazko genozidio baten aurrean gaude. Estatu Batuen eta Europako Batasunaren erabaki ekonomiko, migratorio eta politikoek kaosa, mafiak, pobrezia eta desesperazioa sortu eta sustatu baino ez dituzte egiten herri afrikarren artean. 

Halaber salatzen dugu inpotentziaz, amorruz eta minez Europako Batasunak itsasoan jendea salbatzeko baliabide tekniko eta humanoak murrizteko hartutako erabakia, “dei efektua” sortzen delakoan. Holako erabakiekin, gaur Luxenburgon bilduta dauden Europako Atzerri eta Barne Ministroek eragiten duten efekto bakarra milaka lagunen heriotza masiboa baino ez da.

Hilketa onartzezin hauen aurrean, Kapitalaren Europak Afrikako langileen bizitzarekiko duen mespretxuaren aurrean, LABek ozen aldarrikatzen ditu pertsona guztien zirkulazio eta egoitzarako askatasuna, baita asilo eskubidea onartzea ere Europan pobrezia eta gerretatik ihes egiten dutenentzat.
 

 

 

Osakidetzak txantaje eta konfrontaziorako bideari eutsi dio gaurko mahai sektorialaren bileran

admin
-
0

Gaurko bilera fartsa hutsa izan da, eta LAB ez dago prest halakoetan parte hartzen jarraitzeko. Ulertzen dugu PNV urduri dagoela hauteskunde kanpainan gaudelako, baina zuzendaritza honela saiatu arren, pilota ez dago gure teilatuan. Apririlaren 23 y 24an grebara joango gara Osakidetza publiko eta kalitatezkoa defendatzeko.

Aurreko astean adierazi genuen bezala, gaurko deitua zegoen mahai sektorialaren bilera Osakidetzako langileok desmobilizatzeko saiakera hutsa baino ez da izan. Hain zuzen ere aste honetan deituta dauden bi greba egun deituta daude.

Salatu behar dugu Osakidetzako zuzendaritzaren jarrera lotsagarria izan dela, inposaketa eta txantaia ere erabiliz. Izan ere, 2011ko garapen profesionala soilik ipiniko du martxan berriro akordio sindikalik eskuratzen bada. Bestaldetik, beste hiru gutxieneko puntuen inguruan ez du aurrerapausorik eman: EPEko plazen kopurua ez dute aipatu; ez dute onartzen ordezkapenak 1. egunetik egitea; ez daude prest jardunaldiaren luzapena bertan behera uzteko eta lapurtutako lizentzien inguruan ez dute ezer jakin nahi. Hori bai, mugikortasunaren terminoak inposatu nahi dizkigute.

Bitartean, gezurretan eta deskalifikaziotan aritzen dira komunikabideetan. Pentsatzen dute erabiltzaileok tentelak garela eta ez garela jabetzen gertatzen denaz eta zelan jaisten ari den Osakidetzan kalitatea. Gezurretan dabiltza ere soldata igoera eskatzen dugula diotenean.
 

 

 
1...1,1271,1281,129...1,582Page 1,128 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus