2024-07-14
HomeLan Osasuna IdazkaritzaOsalanOsalanek arrazoia eman die suteetarako taldeetako langileei eta haien lanpostuen arriskuen ebaluazioa...

Osalanek arrazoia eman die suteetarako taldeetako langileei eta haien lanpostuen arriskuen ebaluazioa egin behar dela esan du

Iazko apirilean, LAB, ELA, UGT eta CCOO sindikatuek salaketa bat aurkeztu genuen OSALANen, Bizkaiko Foru Aldundiak uko egin ziolako Suteen Prebentzio eta Itzalketarako Planaren barruan eginkizunak dituzten lanpostuen arriskuen ebaluazioa egiteari.
OSALANek txosten bat egin du eta Suteen Prebentzio eta Itzalketarako Planean sartuta daudenen esku-hartzeak Laneko Arriskuen Prebentzioari buruzko Legearen aplikazio eremuaren barruan daudela eta, beraz, tartean sartutako lanpostuen arriskuen ebaluazioa nahitaez egin behar dela berretsi du. Horretarako, dauden arriskuak identifikatu, eta behar diren prebentzio neurriak hartu beharko dira, langileen parte hartzearekin.

Iaz, hainbat mobilizazio egin zituen talde horrek, lanean bizi dituzten arrisku egoerak salatzeko: ez daukate komunikaziorako baliabide egokirik –arazoak dituzte ezarrita dagoen TETRA komunikazio sistemarekin eta sakelako telefono pertsonala erabili behar dute lanean–; langile falta; 17 orduko lanaldiak, txandatu gabe, etab.

Aldundiari eskatzen diogu langileak arriskuan jartzen ez jarraitzeko eta OSALANek bere txostenean eskatutakoa berehala betetzeko: arriskuak definitzea, ebaluatzea eta behar diren prebentzio neurriak hartzea, baso-suteen aurkako lanarekin zerikusia duten eginbeharrak betetzen dituzten langileen osasunean edozein kalte eragitea ekiditeko.

AZKEN ALBISTEAK | ÚLTIMAS NOTICIAS

Niessenen enpresa ituna adostea #LortuDugu

Langileen borrokari esker Oiartzunen kokatuta dagoen ABB Niessen enpresan itun berria sinatzea lortu dugu, enpresa batzordearen babes osoarekin, non LABek 4 ordezkari dituen, ELAk 3 eta UGTk 2. Uztailaren 10ean burutu den langile batzarrean gehiengo osoz onartua izan da ituna, bozkatutako 120 langiletik 119 langileek aldeko bozka eman dute.

Bizkaiko Foru Aldundiko garbitzaileentzako akordio historikoa #Lortudugu

Foru Aldundiko eraikinak garbitzen dituzten langileentzako hitzarmena sinatu dugu Optima azpikontratarekin. Soldata igoera garrantzitsuez gain, bizitza erdigunean jartzeko, sektore feminizatu batean garrantzitsuak diren lan baldintzak lortu ditugu, hala nola, lanaldi partzialak atzean utzi ahal izateko bakante sistema eta zaintzarako lizentzia hobeak.