2023-12-02
HomeZerbitzu PublikoakOsasungintzaOsakidetzaren proposamenak ez ditu jasotzen sindikatuok markaturiko gutxienekoak

Osakidetzaren proposamenak ez ditu jasotzen sindikatuok markaturiko gutxienekoak

Mobilizazio agendaren erdian, Osakidetzak sektoreko mahai berri batera deitu gaitu. Pasaden asteotako lanuzteetan langileek adierazi dugun haserrea eta egoneza ikusirik, pentsatzen genuen gaurko bileran akordio batera hurbilduko gintuzkeen proposamena ipiniko zuela Osakidetzak mahai gainean. Bada, zoritxarrez, ez da hala izan.

Sindikatuok markaturiko gutxieneko puntuak ez ditu jaso inondik inora: jardunaldia orain dagoen moduan utzi, balizko epe bat 2016ean, Garapen profesionala 2016tik aurrera. Hurbilketa bakarra izan da ordezkapenak 2012kora irizpideetara bueltatzea, baina horrek ez du suposatzen ordezkapen guztiak lehenengo egunetik.

Gauzak honela, ez da girorik akordio baterako eta mobilizazioekin jarraitu beharko dugu gure lan baldintzen eta osasun sistema publikoaren defentsaren alde. Hain zuzen ere, ostegun honetan Bizkaiko zentro guztietan egun osoko greba daukagu deituta eta Bizkaia enparantzatik manifestazioa abiatuko dugu 12etatik aurrera. Araban eta Gipuzkoan, bitartean, kontzentrazioak burutuko dituzte. Abenduaren 4rako 24 orduko greba orokorra iragarrita dago Osakidetza osoan. Eta gaurko bileran ikusitakoa ikusita, ez dirudi akordiorik lortuko dugunik.

PNVri denbora amaitzen ari zaio. Datozen hauteskundeetan ere salduko digute eurak direla kudeatzaile apartak? PSEkoek baino askoz hobeto eraman dutela Osakidetza? Osakidetza “buke insingnia” dela? Truko mediatikoek ez dute dagoeneko balio. Euskal jendarteak kalitatezko osasun sistema aldarrikatzen du, ez baitago pozik orain dagoenarekin. Osakidetzako langileok horretan gaude. Eta PNVa?
 

 

 

AZKEN ALBISTEAK | ĂšLTIMAS NOTICIAS

Prozesu historiko baten emaitza izan den atzoko egunaren arrakastaren ondoren, erantzukizunen ordua heldu da: zaintza sistema publikoa, orain!

Atzoko Greba Feminista Orokorraren ondoren, agerraldi bana egin dugu Gasteizen (EAEko Lehendakaritzan) eta Iruñean (Nafarroako Gobernuan), atzoko egunaren balorazioa egin eta hemendik aurrerako bidearen berri emateko. Zaintzaren inguruko Herri Akordioa lantzeko bidean, bilera bana eskatu diegu Hego Euskal Herriko instituzio nagusiei.

GREBA FEMINISTA OROKORRA HERRIZ-HERRI

Greba Feminista Orokorrean egindako ekimen ezberdinen argazki galeria herriz-herri.

Zaintzaren iraultza martxan da

“Zorionak Euskal Herria!” hitz horiexekin hasi dute mugimendu feministako ordezkariek hainbat eta hainbat hiri eta herritan arratsaldean egin diren mobilizazioen osteko manifestua. Goizean goizetik jo eta sua aritu dira milaka grebalari lurralde osoan barrena, zaintza sistema publiko komunitarioa aldarri eta kaleak astintzen. Oraindik amaitu ez den prozesu baten mugarri historikoa izan da gaurkoa.