2025-05-21
HomeZerbitzu PublikoakOsasungintzaOsakidetzako Zuzendariak Santiago Ospitalerako aurkezturiko proiektuaren aurkako protesta

Osakidetzako Zuzendariak Santiago Ospitalerako aurkezturiko proiektuaren aurkako protesta

Atzo Gasteizko Santiago Ospitalean AUO bateratze-egitasmoaren nondik norakoak emateko hitzaldia burutu zen. Osakidetzako LABeko ordezkariak proiektu honen kontrako jarrera azaltzeko elkarretaratzea egin zuten “Murrizketarik ez! Santiago Ospitalari eutsi!” lemapean.

LABeko delagatuak Osakidetzako zuzendariari sindikatuak proiektu honen aurrean egiten duen irakurketa helarazten saiatu ziren, baina zeramatzan bi bizkar-zainek ezinezkoa egin zuten.

LAB sindikatuaren irakurketa Santiago Ospitalaren bateratze egitasmoaren aurrean 
«Hementxe gaude LAB SINDIKATUKO OSAKIDETZAKO DELEGATUAK Osakidetzako Zuzendari Orokorra den Julian Perez Gileri eskatzeko eta exijitzeko , Arabako Hospital unibertsitarioaren proiektua bertan behera uzteko. Eskaera hori gauzatzeko baditugu arrazoi ezberdinak:

• Inoren iritzirik jaso ez delako eta ezta kontutan hartu. Proiektu honek ez du izan ez profesionalen, ez eragile sozialen, ez jendartearen eta ezta ere sindikatuen babesik izan. Proiektua osasun Departamentuak inposatutako proiektua da eta gainera bete beharreko marko normatiboa ez du betetzen.

• Arabako jendartearen osasun beharretan oinarritutako plan seriorik ez dutelako aurkeztu.

• Krisi testuinguru batean, ditugun baliabideak ezin ditugu erabili beharrezkoak ez diren obretan inbertituz, eta ezta ere Arabako bi hospitaletan egindako inbertsio ekonomikoak bapatean albo batera utzi eta kontutan ez hartu.

• Araban hospital bakarra izatea osasun arreta kaltetzea ekarriko du.

• Poliki-poliki hospitaletako ohe kopurua desagertarazten ari direlako. Gaur egun 783 ohe ditugu Txagorritxun eta Santiago neta HUAko Proiektuarekin 162 ohe gutxiago egongo dira.

• Bloke kirurgikoa ez du kirofano kopurua nagusiki handitzen, beraz itxaron zerrendak ez ditugu ekiditiko eta hauek, esanguratsuak izango dira.

• Arabar herrialde osoko jendartearentzat urgentzi zerbitzu bakarra izango dugu.

• Bi hospital hauen fusioaren ondorioz zerbitzu ez-sanitarioen pribatizazioa emateko arrisku maila haundia dugu.

• Unitate batzuen autogestionatzeko aukera zabalduko da, modu honetan sendagile eta erizainen kontratazio zuzena ahalbideratuko du eta baita ere beraien aurrekontuen kudeaketa. Modu honetan zerbitzu publiko ez gardena erraztuz.

• Lanpostuak desagertuko direlako.

• Santiago ospitalaren Etorkizuna ez da argia eta kronikoak diren gaixoentzako 200 ohetako hospital bat sortzeaz hitzegiten dute. Gaur egun Lezako hospital funtzio horiek betezen ditu eta dituen 63 oheak ez ditu betetzen.

• Negozioa bilakatu nahi dute osasun publikoa,estatu espainoleko beste erkidego Autonomikoetan gertatzen ari den moduan.

Guzti honegatik eta horrelako Proiektuaren aurrean, LAB SINDIKATUAK Eusko Jaurlaritzako Osasun Depatamentuari exijitzen dio proirktu hau bertan behera uztea eta entzun dezala 65.000pertsonek beren sinadurarekin gaur egun dagoen Proiektua baztertzeko egindako eskaera . LAB sindikatuak argi du osasun unibertsala,kalitatekoa, piblikoa eta gertukoa defendatuko duela eta Proiektu honek horrelakorik defendatzen ez duelako bertan behera uzteko eskaera egiten dugu.»

AZKEN ALBISTEAK | ÚLTIMAS NOTICIAS

LABek CENi exijitu dio bertan behera utz dezan lan osasunaren prebentzioaren ardura langileei egozten dien kanpaina, diru publikoarekin ordaindu dutena

LAB sindikatuak arriskutsutzat, iraingarritzat eta mingarritzat jo du CENeko enpresariek diru publikoa erabiltzea (60.000 euro) modu seguruan lan egitea langilearen esku dagoela sinetsarazi nahi duten ideiak zabaltzen dituen kanpaina egiteko. Enpresarien kanpainak prebentzioaren berezko printzipioen aurka egiten du, eta enpresariek arlo horretan dituzten legezko betebeharrak hankaz gora jartzen ditu. Nafarroako lan heriotzen agertoki tragiko honetan, prebentzio legea ez betetzeko orduan erakusten duen lotsagabekeriaren bertze erakusgarri bat da kanpaina.

LABek patronalen arduragabekeria salatu nahi du, berriz ere, Enplegu Zentro Berezien EAEko lehen lan hitzarmena lortzeko mahaiari uko egin diotelako

LAB sindikatuak irmoki salatu nahi du, hirugarren aldiz, Enplegu Zentro Berezietako patronalek uko egin diotela sektoreko EAEko lehen lan hitzarmena negoziatzeko mahai negoziatzailea eratzeari. BEREZILAN, CONNACE eta EHLABE aniztasun funtzionala duten 13.000 langile baino gehiagoren patronalak dira, izan ere, sektoreko langileon aniztasun funtzionalaz baliatzen dira etekin ekonomikoak lortzeko, hauek esplotatuz.

Zuzena da egungo aldaketa gainerako kakoetan eteteko Volkswagen Nafarroako zuzendaritzak hartutako erabakia

Lan-baldintzak defendatzeko konpromisoa hartu duten langileen garaipentzat hartzen dute LAB, ELA eta CGT sindikatuek.